بسم الولي اللي خلق جملة الناس
و مـقـدر الدنيا و مـحـصي انجومه
ارسل على خالد الابيات باحساس
بأحساسي اللي اشغلتني اعلومه
واقلبي اللي مثل بن(ن) ابمحمـاس
بيد الغشيـم اللي مـضـيع اسلـومه
زود عـلـيـه الـنـار و البن بـنـحـاس
أحـرقـه ثم كـبـه ولاحد(ن) يـلـومه
هذاك قلبي عقب عز(ن) و نومـاس
عقب الـغـزال اللي شربنا اسمومه
خمسة عشر عام(ن) بهم وعوماس
أمن الغزو يوم الـكـويت مـهـدومه
سوى سوات معادي كليب جساس
يـوم اغـدره بالـرمــح خـلاه كــومه
من عقبها اوجست بالقلب وسواس
والعين تذرف دمـعها من اهـمومه
ودي على شوفه امن الراس للراس
واخـذ حـبيبي مستعـد(ن) لقـومه
ما تـفـيـدنـي صورة حبيبي بقرطاس
كـان ارتـويـت وريـح الـقـلـب نـومه
اصـيـلـة(ن) ما دورة درب الانجـاس
ولا تلتفت يم الـردى و محشـومه
حـلـيهـا شـيـهـانـة(ن) تـو قـرنـاس
لا هـدهـا الـصقـار تقضـي لـزومه
يابن عطاالله اعروق قلبي ويباس
يـوم الـربيـع اقفت علينا اوسومه
الـعين تدمـع والـصدر مابه انفاس
والنفس ماهي عن خطاها معصومه
هذا صدى صوتي وقلبي والاحساس
شكـيتهـن للـي مـا تفتـر اعـزومه