مثل ماكنت أنا أحبك ولا أقــــدر على فرقاك
مثل مااليوم ماودي يجي أســـمك على لساني
مثل ماكنت تستــبعد عــلى قلبي يقول أنساك
مثل هالحين ماظـنـيـت قـلـبي يــذكرك ثــاني
مثل ماكنت تتـعـــالى وتتـكبر وانــا أهــواك
مثل ماسيّــــرك وقــتك وجيت وكلك تعــاني
مثل ماكنت تتجاهـل جروحي والسبب يمناك
مثل مادارت الأيـام وحــقي برغبته جــانـــي
مثل ماكنت تعني لــي غرامٍ فوق حبٍ جــاك
مثل هالوقت ماتعنــي لشخصي شي أشقانــي
مثل ماكــنت تهديني جروح ودمع ماكــفــاك
مثل ماودي أهديــلك مآسي عمري وأحزاني
وبدل ماكنت أنا أحبك كرهت الحب في دنياك
وجالك وقت وصرت تموت في قلبي وتهواني