][§][®©°¤°تبيني اعتذر آسف°¤°©®][§][
السلام عليكم ورحمة الله وبركاته
هلا فيكم اخوان واخوات
قصيده كتبتها احببت ان اعبر عن شيء قليل في خاطري
كنت منغمسا في عالم الحب وفي بحر الاوهام وتذكرت قليلا مما جرا لي
وايقنت بعدها ان الكلمات لاتعبر ولا تستطيع ان تحول ما بداخلها الا بقصيده
اتمنى ان تنال اعجابكم
تراني كنت متوقع ((تصدق))هرج خلق الله **** ولكن ماتوقعتك تسولف بي لـــعـــذالك
تبي تنساني انساني فداك اللي مضى كله **** يجوز احيا من فراقك مدامي مـيت بوصالك!
ترى مايجحد الواقع سوى خل ((نسى))خلــه **** مثل ماتجحد عيوني حنين حــيــل يظمالـك
مع اني عارف مااحد يداوي غيرك العـلــه **** اسج بحالي ((لحالي))لجل ماينبري حالــك!
واكابر من خطا نفسي وازيد الجرح وابـلـه **** واحاول في عبث مضحك ادور غير هــمالـــك
حبيبي حتى لو زولي من غيابك فقد ظــلــه **** كفايه شمسك ليااليوم تنسج حولي ظلالــــك
تبيني اعتذر اسف ولكن وش هي الــــزله..؟ **** تبيني اجرحك حاضر انا هـــمـــك وغربالك
مدام اني سبب دمع حزين ناظرك هـــلــــه **** فعساني يابعد عيني اجل ماطـــري على بالك
واذا قالوا لك ان قلبي من فراقك نزف غلـه **** قل ان:مابه بلا عسى درب السعد فــــالـــك
واناوالله وثــم والله وثــم والله وثــــم والله ****لاسوي ماتبي من شان بس تحــقــق أمالـــك
ولكن قبل ماتبعد وتنسى مامضى كلـــــــه ****امــانه بس علمني وش اللي غير احوالـــك
وسلامتكم
اخوكم المستشار