نظراتك بتحيرني
نظراتك فيها شئ غامض مش مفهوم
لا انا لاقيلها تفسير ولا حتي حاجة توضح
ساعات بحس بحاجة وساعات بكون موهوم
من كتر حيرتي فيهم عقلي دايما بيسرح
مش قادر افهم هي فعلا نظرات عادية
ولا فيها شئ م الاعجاب
يعني حاسة ومدارية
ولا احنا مجرد أصحاب
ولا هي كيمياء متبادلة بيني وبينك
ساعات بقول احساسي صح وساعات تانية بقول كداب
وشئ غريب فعلا بيحصللي لما بتيجي عيني ف عينك
ساعات بحس بأن صورتي ساكنة فيهم
وارجع أقول لأ جايز بيتهيألي
عينيكي فيها شئ غريب شاددني ليهم
واحتار تفكيري معاكي واحتار عقلى
أفكار كتيرة بتقابلني
ولا فيه دليل يصبرني
وأكتر شئ فعلا شاغلني
ان
نظراتك بتحيرني
الشاعر وليد حمدي