»الموت ما هو أنك تكتفن بترابك الموت أنك تحب حي ويفارقك
في الطياره الراجعه للكويت..
ايمان كانت تتامل من الشباك شكل الغيوم و افكار كثيره في بالها .. اهمها كان نواف.. ياترى لشنو مخطط لها بعد ما سافرت و تركته حتى من غير لا تقول له.. وثانيا كانت ريم اللي حست انه راح تتضرر من سفرها خافت ان ندى و عواطف اللي زادت علاقتهم فيها بعد اللي صار يبتعدون تتدرجيا و يتركونها..
ايمان تنهدت في اللحظه اللي رجع في فواز: آآآآآآه
فواز بضحك: ههه سلااامتج من الاآآه يا بعد رووح و قلب فوواز..
ايمان ضحكت عليه و عطته نظره خبيثه: خلصت مغازل للمضيفات؟؟
فواز ضحك عليها و جلس جنبها: لااا كابتن الطياره.. بو لارا.. قلت ضروري اسلم عليه...
ايمان وهي ترفع حاجبها : بو لارا خخخ خوووش اسم والله...
فواز: لا تلومينه طيار تركي.. و ما عنده الا هذي البنت و كان معنا في التدريب مسؤول علينا..
ايمان بابتسامه: يعني اكيد كبيــر...
فواز: اكبر مني تقريبا بعشر او 15 سنين.. و بنته اعتقد انها عمرها 15 او 14 والله ما ادري..
ايمان عيونها كانت على فواز وكلها تساؤولات: فواز انت متى ناوي تتزوج..
فواز ضحك على سؤالها: ليش لاقيه لي عروس؟؟
ايمان : ريم..
فواز ابتسم لها: وليش ريييييييم؟
ايمان: مسكينه و طيبه و مظلومه....
فواز ابتسم و حرك وجهه لبعيد: يصير خير..
ايمان: يعني بتفكر بالموضوع؟؟
فواز بعيون كلها هدوء: قلت لج يصير خيــر..
ايمان ابتسمت وحست بشيء من الراحه لان فواز ما عطاه جواب رفض بمعنى انه بيفكر بالموضوع في نفسها: الحمد لله هذي ريم و صرت متطمنه عليها بقت ندى اللي خايفه انها تضيع نفسها و نوف الله يستر عليها..
-
في نفس الوقت وفي شركه نواف:
نواف كان يقرا له كم مشروع و يوقع عليها لما وصله اتصال من مسؤول مراقبه ايمان: سااافرت؟؟؟ متى؟؟ اوكي.... المهم سووويتوا اللي اتفقنا عليه ممتاااااااز .......بااي..
سكر نواف الخط و تافف: ماااشي ياا ايمان تسافرين من غير لا تقووولين اناااا اعلمك...
نواف اخذ موبايله و اتصل في مسؤول البنك المسؤول عن حساباته: العمليه البديله ابتددت حول 3 ملايين دولار لحساب نوف اللي انشـاناه... بسرعه لا تتاخر..
الموظف: حاضر..
نواف سكر الخط و ابتسم: الطعم وراح ياكلونه بكل تاكيد .. والحين يااا سيده الحب... شلون بتتصرفين؟؟
-
-
جسار فتح باب البيت اللي كان يرن جرسه بطريقه مزجعه و كان على وشك انه يتهاوش لو لا انه شاف اللي كان يرنه..
ايمان بصراخ: مرحبااااااااا شااارلووك هووولمز..
جسار ابتسم و فتح يدها لها يحضنها بقوووه: اهلللللين مـااااغي...
ايمان ضحكت و هي تجاوبه: اشتقت لك...
فواز ضرب على كتفها بخفه: اتركيه جاااا دووووري
ايمان بعدت عن جسار و سمحت لفواز يسلم على اخوه ايمان بعدها ركضت و بسرعه رمت نفسها في احضان محمد اللي فتح حضنه لها: وحشتنيييييييييي كثييييييير باابا
محمد: والدليل انك بالغصب رجعتي ...
ايمان بعيون برئيه : حراام عليك... انا كنت برد بس فواز هو اللي كان يقعدني...
فواز ضحك عليها: صحيح انااااااااا قدرت اقاااوم بنات عائلتنا الجميلاااات علشان جذي قلت بقعد..
محمد ضحك و جسار عصب: ما ينضحك في هذي السوووالف انت وياااها
ايمان مدت لسانها له وفواز غمز له: شنووو اسوووي
جسار بعصبيه: اشوووف طلع لسااانج الحين ولا قبل يوم كنا بروحنا مالج صوووت..
ايمان: طاااالما بابا حبيبي مووجود ما اخاااف...
فواز بضحك صفق: باااباا هناااا هنااا هنااا قووولوووا ميييين
ايمان كملت باستهبال: قووولوووا عموووو...
جسار: بس استهبال..
ضحك الكل على جسااار و فجأه بعد عنهم و رد على الخط اللي اتصل: نعم!!!!!!
فاطمه بدلع : وحشتنني ما قدرت امنع نفسي اتصل عليك..
جسار: اعتقد طلبت منج تنسين هذااا الرقم.. ولا قسمن بالله لافضحج جداام اهلج و الامه كلها....
ايمان حركت عيونها لابوها اللي هز راسه باسى: من مده و هذي الاتصالات توصله من مجهوله..
ايمان قامت من مكانها و على طول اخذت الموبايل منه: يااااااا قللللللليله الادب يالمنحطه!!!!! سكري الخط لا اذبحج!!!
فاطمه ماتت خوف بعد ما سمعت صوت ايمان و سكرت الخط على طول..
فواز صفق لايمان: ههههههههههه ناس ما تمشي الا بالعين الحمراء...
ايمان ما رجعت الموبايل صارت تتامل الرقم: انت ليش ما طلعت منو هي علشان افضحها عند اهلها و اعلمها شنوو معناه تتحرش بواحد مثلك..
جسار ابتسم لها: مافي داعي بعد ردج عليها ما اعتقد بتدق بعدهاااااااا
ايمان و فواز ضحكوووا عليه.. ايمان اخذت موبايلها بعدها وو راحت تتصل على نوف تتطمن على اخبارها ..
طبعا نوف كان صوتها مهموم مثل العاده: يااا هلاا يااا ايمان رجعتي الكويت..
ايمان بضحك: اكيــدد ما تشوووفين خطي الكويتي اشتغل هههه شخبااارج و شلون الدنيا معاااج.. اشتقت لج كثيررر
نوف بابتسامه كاذبه: ماشي الحال...
ايمان وهي تدخل غرفتها اللي صعدت الشغاله لها شنطها و جلست على السرير: وعامر يااا نووف..
نوف بتالم: آآآآآآه من عامر... يااا ايمان..
ايمان كانت مقهوره بس حاولت تضحكها: آآآه و ثنتين وثلاااث هذا الزواج واللي ينتج منه.. لازم تتعودين ثااانيا بما انج تحبين عامر لا تتحملينه... صح
نوف كانت دموعها تنزل بغازره: بس انا تعبت يااا ايمان ذبحني بشكه و تصرفاته اللي ما تطاق..
ايمان: مافي مشكله ... المشاكل و الغيره وحده من اهم بهارات الطبخه اللي اسمها الزواج. و بما انج طبااااخه مهااااره لازم ما تخترب هذي الطبخه
نوف ضحكت رغم كل المها: خخخخخخخخخ
ايمان انفجرت ضحك و قررت تكلم: الله يعيني انااا على حااالي ماا اعرف لا اطبخ بالواقع ولا بالخيااااال حتى ...
نوف: ايمااان مشكوووره فعلا كنت محتاجه هذي الابتسامه..
ايمان : اكيد .. ياا حياتي تحتاجين تضحكين المدرسه قربت و ضروري نطلع كل الضحك لان همها و ازعاجها بيرجع لنا.. ووووووع بشوووف هند من جديد... ياااا لوعه الجبد الحين ما راح تخلي احد ما راح تقول فااارس البدر خطبها...
على ذكر اسم فارس نوف تذكرت شيء بسرعه: ايمااان انتي شلون هي علاقتج بفارس ولد اخوج...
ايمان استغربت سؤال نوف بس حبت تسايرها وهي تفتح شنطها علشان تطلع ملابس لها حتى تغير اللي كانت لابسته...: علاقتي فيه عادي... احسه يصلح لهند كلهم من نفس الطينه..
نوف: ايمااان في موضوع ابي اقووله لج من مده بس كنت متردده لاني ماني عارفه شنوو هي علاقتج بفارس..
ايمان وهي تفتح غلافه الشنطه:قوولي( ايمان توسعت عيونها ولا كملت لما شافت ان مافي اي شيء في الشنطه و لا قطعه ملابس نهائيا مجرد مغلف وورده حمرا..
نوف كملت وهي ما تدري ان ايمان كانت ما تسمعها من الصدمه: من مده و فارس يتحرش فيني و بكلام غريب و فوق هذا مره بغى يسوي اكثر من مجرد تحرش انااا خااايفه منه عصبيه عامر و مشاكلنا كلها من ورا اللي صار .. و مره ناداني عمتي ايمان..
ايمان فتحت المغلف و لقت صوره لها مع نواف لما كانوا في باريس و رساله فيها ( احبـــك وراح اشتاااقك كثـــير ....نوووواف) ايمان نقهرت و ما كانت منتبه على كل كلام نوف بنفسيه وقهر قالت: نوف اكلمج بعيدين..
نوف استغربت من رد فعل ايمان و تصورت انها زعلت من كلامه: ايمان في شيء؟؟؟
ايمان بتافف: لا ماااافي شيء... .. اكلمج بعيدين نووف..
نوف حست ان ايمان فيها شيء و اكيد زعلت منها: خلاص مع السلامه..
ايمان بقهر : مع السلامه....
ايمان سكرت الخط من نوف وعلى طول اتصلت بالرقم اللي تكرهه
نواف رفع الخط : هلااااا وغلااا بكامل الزين حبيب الروووح...
ايمان بقهر: انت شنوووو تبي مني ؟؟؟
نواف: ببساطه احبك.!!
ايمان بعصبيه: حبك برص و مرض يقلبك قرررد ياااا الحرااااااااااااااااامي..
نواف انفجر ضحك على كلام ايمان: ههههههههههههه انا حراااامي.. حرام عليج...
ايمان : وين اغرااضي يااا قثيث ليش اخذتهم...و شلووون ؟؟
نواف: عندي عيوووون و ايديييي في كل مكان .. وهذي هي اللي توصلني للي ابيه وقت ما ابي ... و هذا يشملك انتي بعد يااا ايمان...
ايمان بقهر: جب ...