»الموت ما هو أنك تكتفن بترابك الموت أنك تحب حي ويفارقك
فواز بابتسامه ساحره تعكس جماله و رجع يمد الورده : يقول الادباء كم وردة حمراء وفلة بيضاء أذابت الفوارق ومسحت الدموع وخففت من معاناة الآلام وقسوة الظروف بس للاسف هذي ماهي ورده حمرا ولا فله ... هي ورده حلوه شفتها و قطفتها لما شفتك تبكين حتى تخفف المك...
ريم تذكرت سبب بكاءها و رجعت تبكي: اهي اهي اهي ..
فواز عقد حواجبه: يظهر ان تقنيتي هذي ما نجحت اممممم شرايج اقووول لج نكته... انا حافظ كتب النكت كلها!!
عواطف قربت بهدوء و قالت: مافي نكته بتسكتها .. جرحها كبير..
فواز عقد حواجبه وهو يشوف البنتين ينسحبون من عنده مشى وراهم بهدوء حتى يعرف طريق البيت و من سوء حظه شاف شيء ما توقع يشوفه في هذا المكان .. ديما و امها طلعت من البيت بعباتها الملونه الشبه شفافه و تصادفت معه ريم ..
ديما بجنون: ولك عين تردين للبيت بعد...
ركضت ديما و بجنون دفعت عواطف و رجعت تضرب ريم.. فواز انصدم و من غير تفكير مسك يد ديما ... ديما انجنت زياده من تصرفه: اتركني يااا حيوان ياااا حقير اتركني اادبها هذا الـ..*****
فواز على ذكر الكلمه اللي صدمت كل الموجودين رفع يده بقوه و بسرعه على وجهه ديما الشيء اللي صدمها و اجبرها تسكر عيونها ...
فواز ابتسم و هو موقف يده على بعد سنتيميرات عن وجهها: عارفه ان تصرفك غلط لهذا السبب خفتي عقابي...
لكن ماهو انا اللي استخدم العنف لحل المشاكل... لانه بنظري الاغبياء بس يسون هذا الشيء... ماهو هذا الصح يا بنت العم...
ديما بصدمه سحبت يدها بمجرد ما تركها فواز ووقف بينها و بين ريم اللي ظلت مبهوره فيه...: اتمنى مهما كان سبب الخلاف ما تستخدمين العنف.... لان العنف ماهو من تصرفات البنات...
ديما لسبب ما فهمته بعدت عنه و عن ريم و اكتفت بنظره حقد و بعدها مشت لسيارتها مع امها ...
فواز التفت لريم و ابتسم : انتهى الموضوع يااا عواطف.....
ريم انصدمت انه نادها باسم عواطف.... بسرعه و دون انتظار عواطف قالت: انا عواطف... هذي ريم بنت خالي احمد...
فواز وهو يتظاهر بالانحراج: اوووووبس سوووري غلطتي... جسار قال لي ان بنات عمتي ساره ثنتين فاطمه و عواطف.. وحده بارده و مغروره هي فاطمه ووحده بريئه ورقيقه هي عواطف .. فلما شفت ريم تبكي برقه ظنيها عواطف...
عواطف انقهرت من كلمته: يعني انا بارده..
فواز: اسف على الكلمه بس انا ما كلمتج حتى احكم...
عواطف من غير تفكير :انت جريئ.
فواز : ههههههههههههههههههه جسار و ايمان يقووولون لي نفس الكلام دايما!!
ام فارس و ام مشاري طلعوا و شافوا الشاب الغريب مع ريم و عواطف: منو انت؟؟
فواز نزل راسه بهدوء: فواز البدر..
ام فارس بهدوء: ياا هلاا يااا فواز نورت بيتك...
فواز: هلا فيك يااا خاله...
ام مشاري ما كان عاجبها ان بنتها كانت تتكلم مع واحد اول مره تقابلها اصلا هي ما تحبها تكلم اي واحد من عيال عمها ... بس لو الجد مو فارض عليهم انهم يجلسون مع بعض و ما يتغطون في وجودهم كان لها تصرف ثاني..
فواز لاحظ نظره ام مشاري له و بابتسامه: اتمتى ما يكون كلامي مع ريم ضايقج يا خاله...
ام مشاري انصدمت شلون عرف انها هي ام ريم و شلون عرف تفكيرها: لا... انا..
فواز بهدوء: بنت عمي هي اختي .. واختي هي عزيزه و غاليه و اللي ما ترضاه ام اختي انا ما ارضاه علشان هذا ... راح ابتعد بهدوء...
فواز بعد عن عواطف و ريم و ظلت عيونه على الارض... عواطف على طول فهمت الموضوع... جسار كان دايما منزل راسه لما يشوف اي وحده منهم لانهم في نظره غرب و ما يحق له يتامل اي وحده منهم انسان جاد و قانوني ... و عكسه كان فواز انسان مرح و يحب اللي حوله في نظره بنات عائلته هم مثل اخواته و علشان كذا عاملهم بهدوء حتى ديما... مص غضبها كله بكلمات بسيطه...
ام مشاري: ما كان قصدي يااا ولدي انا...
فواز بضحك: ههههه ما في داعي للاعتذار يااا خالتي انا مازلت غريب بعد كم يوم راح تتعودين على اسلوبي و ان شاء الله كل شيء بيكون طبيعي ...
ام مشاري ابتسمت و مدت عباه ريم لها لبستها ريم بهدوء و نزلت راسها مشت مع ام فارس لسياراتهم و تركوا عواطف مع فواز.. : ماراح تدخل..
فواز بابتسامه: تصدقين نسيت سبب وجودي.. اي صح مشينا لداخل..
في الداخل كانت فاطمه تاخذ صراخ و اهانات كثير من امها اللي استمرت تصارخ عليها بجنون: انتي اوقح انسانه شفتها بحياااتي احترميني انااا امك..
فاطمه بغرور: انا ما سويت شيء غلط حتى استحق مثل هذي المعامله يااا ماما.. انسانه كريهه وحاولت ابين لها انها اقل بكثير من المستوى اللي هي حاطه نفسها فيه...
ساره بعصبيه: ديما بنت اخوي ... و غلاتها مثل غلاتك حتى وان كانت تصرفاته غلط ما يحق لك تعاملينها و تقهرينها بهذا الشكل...
فاطمه: المفروض تفرحين على الاقل تصرفي كشف لنا ناس ثانيه كانت تلبس قناع البراءه...
ساره وهي تتظاهر بانها ما فهمت قصدها: من قصدك.؟
فاطمه وهي تبتسم بخبث: ريم!!! من زمان وانا حاسه انها تكن شيء في داخلها لنواف.... نظراتها خجلها المبالغ فيه لما تشوفه زياراتها القليله لنا حتى في اجتماعاتنا من تزوج ديما .. واللي انا متاكده ان سبب عدم مجيئأها لحفله الملكه هو غيرتها منها ...
ساره : وليش ما قلتي لي من البدايه...
فاطمه بغرور: وايش كنتي بتسوين ... بتخطبينها بدل ديما!!!!
ساره بعصبيه: ليش لا؟؟
فاطمه ضحكت على عفويه امها و بساطه تفكيرها: تزوجين نواف ريم حتى يطلقها بسرعه بعد ما تسبب ديما مشكله بينهم؟؟؟
ساره رفعت حاجبها هذي المره ما كانت فاهمه كلام بنتها: ماني فاهمه وضحي..
فاطمه: نسيتي كيف تزوج نواف ديما... رمت نفسها عليها باستمرار و مده طويله لحد ما خفتي انتي عليها و اقنعتي نواف يتزوجها ...
ساره: اوكي..
فاطمه: لو انك زوجتي ريم لنواف كان قعدت ديما تمشي وراها و راها لحد ما يطلقها نواف او تلبسه تهمه تكره ريم فيها...
ساره بعصبيه لما حست ان احد جاي لعندهم: اسكتي و خلصينا من هالسيره... و حسابك بعدين...
عواطف كانت تمشي لعندهم وراها واحد: ماما .. هذاااا...
قبل لا تكمل عواطف دخل فواز لقدام بسرعه و خطف يد ساره وباسها: ارشنتيه سنيوريتا ساره...
ساره انصدمت من تصرفه و كلامه الغريب من غير تفكير: ايش؟..
فواز وهو يخفي ابتسامته اشر على نفسه : واتاشيوا يور نيفيوو...
ساره انصدمت اكثر وحركت وجهها لعواطف: هاااااا
فاطمه جنون: انت من؟؟؟؟
عواطف: فواز..
فواز انفجر ضحك : هههههههه سوووري لعبت باعصابك... انا فواز يا عمتي ساااره ولد اخوك محمد ...
ساره ابتسمت بعد ما زالت الصدمه وحضنته: يااا هلاا وغلاا يااا ولد الغالي شلووونك...
فواز بابتسامه مرحه: بخيــر... ياا حياتي..
ساره: حرام عليك وقفت قلبي قلت هذا من اللي يتكلم كذا كلام غريب...
فاطمه بغرور لان فواز ابدا ما عجبها: مافي داعي تتكلم بلغه ثانيه حتى تبين لنا انك مثقف..