»الموت ما هو أنك تكتفن بترابك الموت أنك تحب حي ويفارقك
نواف سكر الخط من ادوارد و ابتسم لعامر..: ادوارد لقااهم و بيرجعون معه..
مافي اي داعي للخوف.
عامر اللي خاف بعد ما تاخرت زوجته و حبيــ... صديقه زوجته ..
ابتسم براحه: الحمد لله.. ارتحت..
نواف: ارتحت من الهم بس ما ارتحت مني... عامر ممكن تفهمني اللي صار بالضبط..
عامر بعد ما تنهد : ما ودي اقول بس اعرف اني ان ما قلت لك بتصر على انك تعرف وراح اقول في النهايه...
نواف بابتسامه: الحمد لله انك تعرفني يا ولد العم..
عامر بهدوء: نوف خطيبتي هي صديقه ايمان... من عمر هذا اللي انا اعرفه.. و من مده قررت احدد موعد العرس هند اختي اختارت شهر 12 لانه حلو و مناسب لشغلي مثل تعرف شغلنا اغلبه يكون في الصيف....
نواف: اوكي و بعدين..
عامر: تفاجأت باتصال من ايمان صديقه نوف بعد فتره من تحديد العرس..
نواف رفع حاجبه وكان في كلام عامر شيء ما عجبه: وانت متعود تكلمها..
عامر هز راسه وحس بشيء من السلبيه من نواف فابتسم: لا.. هي كانت المره الاولى و الاخيره ... اصلا انا ما توقعت الاتصال...
نواف: انزين؟
عامر: قالت ايمان ان موعد العرس غير مناسب لنوف اللي تدرس في الصف الثاني عشر . . و تبي تنقل لي رغبه نوف في تاجيل العرس... انا صدقة كلامها لاني اعرف كيف نوف تحبها و توثق فيها في اسرارها .. و لهذا اجلت العرس للصيف بس....
نواف: ما ابي اجرحك يااا عامر بس ما تعتقد ان صغيره على الزواج...
عامر نزل راسه: ادري..
نواف: ليش ما خطبة وحده اكبر منها ... عمرها 17 الحين يعني كانت 16 يوم تملك عليها !!!
عامر: والله ادري..
نواف وهو يلعب دور المصلح الاجتماعي: يعني لهذي الدرجه انعجبت فيها و ما قدرت تصبر ليوم العرس...
عامرو هو يقول في نفسه والله لو تدري بالحقيقه: الموضوع ماهو كذاا ... اخوانها...
نواف : اخوانها ايش فيهم..
عامر من اسبوع تقريبا تفاجأت باخو نواف الكبير جاي لي البيت و معه نوف و قال لي ... ان الحرمه مكانها بيت زوجها و تركها عندي من قبل لا اعطيه رد..
نواف توسعت عيونه و كان عامر ضرب وتر حساس عنده: اخوها .....هو اخوها من...
عامر: اخوها من ابوها بس... نوف هي البنت الوحيده من ام ثانيه ... و اخوانها سبب في كل مصيبه تصير لها ....
نواف في نفسه: مثلي...ماغي مثلي!!!!
عامر: بعد ما هديت من الصدمه اخذت نوف و سالتها و قالت لي وسط ازمه بكاء و بعد اقناع بكل شيء... تصور حتى بعد الرميه اللي رموها فيها اهلها .. ما كانت تبي تتكلم عنهم بالسوء... اخوانها كانوا متشفقين يتخلصون منها و بعد ما عرفوا بالصدفه ان موعد العرس تاجل اكثر من المده اللي كانت محدده قرروا يتخلصون من الحين..
نواف من غير تفكير سال: دخلت عليها؟
عامر بصدمه من سؤاااله: نعم!!!!!!
نواف تمالك نفسه و عدل السؤال: سوووري قصدي اهلك رضووا فيها معكم هذااا قصدي يعنيي سكن عندكم ؟؟
عامر صدق نواف في السؤال الثاني لانه كان عارف انه مافي سبب حتى يطرح السؤال الاول: امي رحبت فيها و بكل يساطه قبلت فيها هند عارفة زوجنا يكون بهذا الشكل لانها كانت تبي حفله كبيره.. بس هذا النصيب..
نواف نزل عيونه في كوب العصير اللي كان يشربه وهو يقول في نفسه: راااحت ماغي...... راحت علي.......
عامر: نوااف اتمنى ان نوف ما قالت لايمان شيء... ما تقووولها شيء محرج مثل هذا... مع اني ما اعتقد انها راح تخبي عنها......... الا تعال.. انت من وين تعرف ايمان...
نواف بهدوء: بنت جدي بومحمد من اسماء..
عامر بصدمه: جدي بومحمد عنده بنت من اسماء؟؟؟ من متى و شلون ما نعرف هذا الشيء؟؟
نواف: لانه قرر من كم شهر بس يعترف فيها و يرجعها لحضنه...
عامر نزل راسه بصدمه: تصور اني مع ايمان و جسار و فواز من مده ولا عرفت انهم يصيرون لي...
نواف وكان فكره هزت راسه فكره غابت من باله بمجرد ما شاف نوف وهو يقول في نفسه: لحظه!!.... كلام عامر يعني ان نوووف ما هي ايمان حقيقه و اللي معي مزيفه.... معناه شيء واحد بما انهم صديقات ... ان ماغي هي نوف لكنها ماهي ايمان... يعني لما سوا كشف الموقع كانت نوف تستخدم كمبيوتر ايمان ....بمعنى ان اللي معه هي ايمان الحقيقيه و الوحيده... و بنفس الوقت ماهي ماغي...
نواف من تحت الطاوله ضغط على يده بقوه: الشيء الوحيد الل يكان شااافع لها هو انها ماغي.... بس انها تكون الحقيقه و ماهي ماغي.... تكون بنت هذا الانسان و هذيك المره...... ما عاد فيني صبر...
ايمان دخلت بابتسامه وهي حاطه يدها على كتف نوف: احلى باااك يااا حلوين..
عامر اللي كان مقابلهم ابتسم: اهلا...
ايمان حركت عيونها بجنون وهي تراقب الناس اللي يتهامسون وياشرون عليها: شفيهم هذووول ياشرون علي..
نواف اللي كان معطيهم ظهره قال بنبره ساخره وهو يلتفت لهم: من اللي سويته ياااا انسه ماااغي...
نوف انصدمت لما شااافته و شافت ابتسامته الساخره و عيونه اللي تعطيها نظره ما عجبتها، ايمان بعصبيه: لا تتطنز... ماغي غصبن عليك...ياااا الجيكر..
نواف بضحك: هههه انا بشع؟ حرام عليك... ايش رايك يااا عامر؟
عامر ابتسم وقال: طلعنا عيال عم و انا ما ادري يا ايمان..
ايمان رفعت حاجبها: شلووون....
نواف وقف حط يده على كتفها : اقووولك بعدين.. الحين خل نخلي المعاريس يرتاحون...
نوف كانت منزله راسها و عامر ابتسم: يااا حلو اللي يقدرون ظروف الناس..
نواف: اشوفك على خير في القريب العاجل يااا عامر و ياااا زوجه عامر...
نوف حركت عيونها بخوف باتجاهه بس هو ابتسم و تجاهلها: مشينا ياا ماغي...
ايمان بصراخ: لا تتطنز...
نوف في نفسها: هل يا ترى انت فعلا تتطنز يااا نواف.. ولا في بالك شيء بتوصل له( حركت عيونها لعامر اللي يبتسم لها ) يااا ربي تمم علينا و لا تخرب علي.. لان ان صار شيء ما راح يكون لي احد في هالدنيا ...
-
نواف ركب سيارته اللي يسوقها السواق و ترك سيارته الشخصيه لواحد من سواقه يرجعها نواف كان سرحان وهو في السياره وايمان تسولف له: حسبي الله على اخوانه اعرفهم حقيييرين بس ما تصورت توصل فيهم لدرجه البيع... لا حول ولا قوه الا بالله...مسكينه نوف ما تستاهل...
نواف بتنهد: من جهة ما تستاهل هي فعلا ما تستاهل...
ايمان بضحك: هي انت طالع في حريم الدنيا كلها بس لااا تطااااالع نوووف تراها مسكـينه و ..زوجة ولد عمك..
نواف بعصبيه: هي انتي احترمي نفسك لا اعلمك الشغل...!
ايمان انصدمت من نبره صوته و حبت تغير الجو: ههههههههههه خرعتني..
نواف حرك وجهه لبعيد ، فقررت ايمان تتكلم بموضوع ثاااني: كان لازم تشوووف وجه نوف يوم قلت لها شلللون الزواج ... قلبت طماط....
نواف رجع صرخ في وجهة ايمان: انتي ما تستحين؟؟؟ شلون تستالين البنت سؤال محرج مثل هذا !!!؟؟؟
ايمان انصدمت للمره الثانيه بس هذي المره ما قدرت تفوتها: نواف ايش فيك؟؟؟ انا ما قلت شيء غلط حتى تعاملني بهذي الطريقه ... انا و نوف صديقااااات من عمر و اغلى من الخوات و ما بينا اسرار..
نواف: في حدود للعلاقه بين الناس حتى بين الخوات ...
ايمان: انا و نوف غير... انا و نوف...
نواف من غير نفس طلع موبايله : اكرميني بسكووووتك.... عندي شغل اسويه...
ايمان: بس اتفاقنا كان انك ما تشتغل...
نواف: انتهت الرحله... بكرا الصبح راجعين للرياض....
ايمان كانت مقهوره و مصدموه منه بس قررت تسكت لانه حست بشيء غريب فيه.. شيء تغير بعد ما طلعت ورا نوف... خلال حواره مع عامر..
ايمان ظلت ساكته لحد ما رجعوا القصر طبعا نواف طلب من مدبره المنزل تجهز له عشا لحاله و تاخذه لغرفته و تجاهل ايمان و كان ما كانت موجوده ايمان حست باحراج و راحت على طول لغرفتها رمت نفسها على السرير و بكت: ليش يااا نوووااف ليش تغيرت معي جذي... انا شسويت...
نواف دخل جناحه و بسرعه طلع سيجار و بدأ يشربه بجنون: بنته بنته بنته........ بنتها!!!!!!
بسرعه كبيره كل لحظه حقد فيها نواف على بومحمد مرت في باله ... سبب الحقد الاكبر كان اسماء...
الفارق العمري بين اسماء و نواف هو عشر سنين الا ان اسماء كان عقلها صغير و تموت على الاطفال و العابهم... نواف اللي جاء للعائله مجبر كان دايما عازل نفسه و عايش لحاله بعالمه مع ذكرياته مع امه... في يوم و هم طالعين المزرعه مشى نواف بعيد عن الكل وجلس كان يلعب بـ ( يويو) لعبه اهدتها امه له وهو صغير كان يلعب باتقان الشيء اللي بهر اسماء اللي كانت ماره من جهته..
نواف استغرب لما شاف اسماء تمشي لعنده و تمد يدها بابتسامه: ايش اللي تبينه؟؟
اسماء اشرت على اليويو وهي تبتسم، نواف بسرعه عصب و صرخ: مستحيل اشتري لك واحد ثاني..
في هذي اللحظه اسماء رجعت تمد يدها و نواف يطردها مر بو محمد : نواااف و اللعنه!!!! ايش قاعد تسوي..
نواف على صراخه فز من مكانه: جدي.. اسماء تبي لعبتي..
اسماء ارتسمت على وجهها ملامح حزن.. الشيء اللي ثور بو محمد و اجبره يقرب من الطفل نواف و يسحب اللعبه: عطني اللعبه...
نواف رغم ان عقله كان كبير و ذكي كان ما يزال طفل جسميا و بومحمد كان بقوته وقتها : لا لعبتي...
بو محمد بقوه ركل نواف في بطنه الشيء اللي طيره في الهوا و رماه على الارض..
اسماء توسعت عيونها الم بومحمد قرب منها و عطاها اليويو: العبي يااا حبيبتي..
اسماء رجعت اللعبه لبومحمد وهزت راسها بالنفي.. بو محمد انقهر منها و رمى اللعبه على نواف ... للاسف اللعبه انرمت بقوه الشيء اللي خلاها تصدم بالجدار و تتكسر خصوصا انها كانت قديمه... نواف امتلت عيونه بالدموع و صار يبكي... بومحمد سحب اسماء معه لبعيد و تركوا نواف في حاله.. نواف ظل يبكي طول اليوم و حتى بعد ما جاء الليل في البرد لحاله ولا احد تذكره حتى اليوم الثاني... هنا بدأ الحقد على اسماء و بومحمد و اللي زاد اكثر مع الوقت..
-