»الموت ما هو أنك تكتفن بترابك الموت أنك تحب حي ويفارقك
جسار كان جالس في المجلس ينتظر عمته ساره اللي قالت انها بتنادي زوجها حتى يسلم عليه... طبعا هو قرر يجي يشوف ايمان لانه من اليوم اللي قبله بالليل و هو يتصل فيها وهي ما ترد... خصوصا انها كانت مخليه موبايلها في البيت و مسافره...
تنهد بعد ما حس ان عمته طولت و اخذت يشرب قهوته ياشر للشغاله تحط له بعد...
فاطمه دخلت المجلس مع عواطف وراها بس ما شافت جسار لانه كان معيطها ظهره:السلام عليكم
جسار وهو منزل راسه لما حس ان الصوت لوحده من البنات: وعليكم السلام..
فاطمه ارتسمت على وجهها ابتسامه عريضه عواطف كانت بترجع بس فاطمه مسكت فيها بقوه حتى تظل معاها ..
فاطمه بنبره دلع: جسار شلونك...
جسار بهدوء: بخيـر يا بنت عمتي..
فاطمه ابتسمت: ههه فاطمه ... اسمي فاطمه..
جسار كان عارف انها فاطمه من صوتها بس ظل منزل راسه و ابتسم: هلا فيج...
فاطمه اشرت على عواطف: وهذي اختي عواطف...
عواطف ظلت ساكته وهو شيء عجب جسار لان هذا هو التصرف الصحيح اولا هو ولد خالهم يعني مو اخوهم ثانيا ماهو القريب كثير مثل باقي افراد العايله حتى تكون طبيعيه معه: هلا فيج ...
فاطمه سحب عواطف و جلسوا شوي بعيد عنه: ليش جالس لحالك؟؟
جسار: عمتي راحت تنادي بونواف و انا انتظرتها هنا...
فاطمه انقهرت لان جسار كان منزل راسه طول الوقت ما كانت ابدا متعوده على هذا النوع من المعامله افراد عايلتها الذكور كلهم معجبين بجمالها و دلعها و كلهم يتمنون قربها حتى الشباب لما تتمشى بره البيت سواء في الديره نفسها او في الدول اللي بره كان الشباب دايما يحاولون يتقربون منها بس طبعا هذا كان مستحيل لان الحراسه عليها مشدده... خصوصا انها دلوعه نواف..
فاطمه حاولت تفتح موضوع بس ما عرفت لانه ما تعرف اي شيء عنه.... من غير تفكير اختارت السؤال الغلط: تدرس ولا تشتغل يا جسار؟؟
جسار بهدوء: اشتغل...
فاطمه ما عجبها رده هدوء و اختصار شديد وهي تحاول تفتح حوار: تشتغل ايش؟؟؟
جسار ما كان له خلق لها وكان عارف و متاكد انها تحاول تبني حوار معه فرد ببرود من جديد: محامي
فاطمه تظاهرت بالبرود رغم انها كانت تغلي من الداخل حتى فارس ما كان يتعامل معها بهذا الشكل: ما شاء الله محامي... عاد يقوولون ان شغله المحاماه صعب..
جسار استمر في بروده و انه ما ينولها مبتغاها : الحمد لله على كل حال...
جسار مد يده للشغاله علشان تعطيه فنجان ثاني .. فاطمه بسرعه قامت و خطفت الدله منها و اخذت تصب: تفضل...
جسار تنهد و حاول يبتسم رفع راسه للحظه و شافها .. فاطمه حست بنصر انه رفع راسه و شافت في عيونه نظره انبهار من شكلها و بسرعه نزله وكانه تذكر نفسه البارده..: تفضل..
جسار مد يده و اخذ منها الفنجان: شكرا..
عواطف كانت مصدومه من تصرف اختها و حاسه باحراج كبير .. خصوصا انها تعرف سبب هذا كله بس اللي هي عارفته متاكده منه ان فاطمه تبي فارس .. فليش تسوي محاولات على جسار؟؟
في هذي اللحظه دخلت ساره و جاسم وعلى كل واحد منهم ابتسامه مصطنعه: السلام عليكم..
جسار وقف الشيء اللي اجبر فاطمه تبتعد: وعليكم السلام.. هلا عمي..
جسار مشى لعند جاسم و باس راسه: شلونك يا جسار ولدي...
جسار هز راسه : الحمد لله بخيــر...
ساره اندهشت من وقوف فاطمه جنب جسار مشت لعنده و بصوت منخفض: انتي ايش قاعده تسوين؟؟
فاطمه بوزت: اقهوي ولد خالي .......غلط؟؟؟
ساره: حسابك معي بعدين...
جسار بهدوء بعد شوي : استأذن انا الحين...
جاسم مسك كتفه: تو الناس يا جسار اجلس معنا...
جسار هز راسه بابتسامه: السموحه يا عمي.. بسانا عندي شغل كثير و ما جيت الا علشان اتطمن على ايمان لانها ما ردت على اتصالي
فاطمه بتهور: يعني حتى انت ما قالت لك انها بتسافر
جسار انصدم من كلمتها و بسرعه توسعت عيونه ساره قرصت فاطمه بقوه: ااااااااخ ماما ....
جسار بجنون: ساااااااافرت متى ساااافرت و شلووون؟؟؟
فاطمه رغم ان جسار كان معصب و اهلها بعد كانت مستمتعه انه يتكلم معها بشكل حقيقي وماهو باختصار ردت عليه بسرعه: مع اخوي نواف اليوم الصبح و من غير لا تعلم احد...
جسار حرك عيونه لعمته: هذي اخر الثقه يااا عمه؟؟؟ تخلينها تسافر و مع انسان غريب !!!!
جاسم كان بيحاول يهدي الوضع: لا تلوم ساره ياا جسار... هي ما كانت تدري و ثانيا نواااف حسبت ولد اختها و هو ما يعتبرها الا ...
جسار بنبره غاضبه له : بس هو ماااهو محرم لهااا.... لا دين ولا قانون يقووول غير هذااا ... تواجدها معاه حرااااااام فاااهم!!!!!
جاسم من نبره جسار و كلامه عرف انه ما راح يقدر يعطي اي مبرر بس تدخل شخص غير متوقع انهى كل شيء
العجوز بومحمد قرب منهم على كرسيه اللي يدفعه ممرضه: ايمان طلبت الاذن مني وانا عطيتها اياه...
جسار حرك عيونه المتوسعه على الاخر : ايش؟؟؟
بومحمد: اعتقد ان قراري هو المهم... بمااااااااا اني ابوها..
جسار بعصبيه كان بيرد : بس..
بومحمد ببروده و نبرته القويه قاطعه: ما في بس... انت منوووو انت ايش بالنسبه لها ..
جسار حس ان كلمه بومحمد قويه كثير: اناا
بومحمد: ولد اخوها!!!! بمعنى انت مانت ولي امرها بما انها تملك اخوان حيين و فوق هذا كله ابوها موجود..
جسار: بس ما فكرت يا ولي امرها مدى خطأ سفرها مع واحد غريب..
بومحمد: وما فكرت كيف هو غلط انك تجي لهذا البيت اكثر من مره و ما تزور فيها جدك المريض اللي ما يفصلك عنه الا كم متر في هذا البيت؟؟؟
جسار صدمته كلمة جدها حس نفسه خسرات في المعركه معه وهو يقول في نفسه: مهاره كبيره في اسكات الخصم ... شيء ماهو غريب على الانسان اللي دمر خصومه لسنوات و ارتفع من مجرد تاجر بسيط الى مليونير...
بومحمد ابتسم بخبث: ليش ما ترد يا حضره المحامي...؟؟
جسار عصب و عطاه ظهره: انا طالع و لما ترجع ايمان راح اخذها معي للكويت بصراحه انتوا ناس مانتوا ثقه..
ساره صدمتها كلمته: جسااار...
بومحمد بسرعه رد: ان طلعت ايمان من هذا البيت قبل لا اعطيها الاذن راح اعتبر هذا تنازل عن نصيبها في الثروه...
جسارالتفت له: ايش؟؟
بومحمد بابتسامه خبيثه: و راح تخسر كل زبائنك بسبب اشاعه سيئه راح تنتشر عنك!!!
جسار : انت انســـــان......
بو محمد: انا ايش يااا جسااار... ليش ما تكمل...
جسار بعصبيه عطاهم ظهره و طلع بسرعه بعد ما ضرب الباب بقوه...بو محمد ابتسم بخبث..
ساره قرصت كتف بنتها بقوه: كله منك يااااا وجه المصايب ماااا تعرفين تمسكين لسااااانك مع الناس..
فاطمه بتالم: مااامااا بس تعووور...
بومحمد: اتركيها!!!!! ساااااره اتركيهاااا
ساره بنبره منزعجه: بس يا ابوي..
بومحمد بغرور: اتركي دلووووعه نووواف... ماهو لانه ما هو هنا تعذبينها...
ساره: فاطمه بنتي و من حقي أادبها لما اشوفها تغلط..
بومحمد: هي ما غلطت... و ثانيا اختصرت عليكم كذبه كانت راح تنكشف في النهايه....
جاسم : بس يا عمي... سفر ايمان مع نواف غلط و....
بومحمد: اولا انا اثق بنواف و ثانيا انا ما راح اسمح لاي احد يستغل كل صغيره و كبيره حتى ينتزع بنت اسماء مني...
جاسم: ايش؟؟؟
بومحمد اشر للممرض يدفعه بعيد عنهم وهو يقول في نفسه: حتى و ان غلطت .. حتى ان تعمدتوا انكم تطيحونها في الغلط... حتى وان سممتم حياتها و دمرتوها مستحيل اموت وهي ما هي عندي.... ان كنت خسرت اسماء.. مستحيل اخسر بنتها...
-