[قلب الزهـــور]

رواية قيود الصمت رواية سعوديه ...

فهد ... السلام عليكم ياعبدالله .. وكان صووت فهد تعباااان حيل ..
عبدالله .. وعليكم السلام والرحمه يا ابو سعود ..
فهد .. عبدالله ... وسكت ..
عبدالله .. فهد وش بلاك تكلم ..
فهد ... والله يا اخوي ما ادري وش اقوول مصيبه وصارت علينا ..
عبدالله بصووت عالي .. فهد تكلم وش بلاك ...
فهد .. ريم يا عبدالله ريم ويسكت .. (فهد ما يدري وش يقوول من الرعب اللي اول مره يسكن فيه )
عبدالله .. وش فيها ريم يا فهد تكلم ترك حرقت اعصابي ..
فهد .. ريم ريم يا عبدالله اخطفوها ... وقتلوا كريم ...
عبدالله سكت من الصدمه تفجاء من الكلام فهد .. وقال فهد انت تتغشمر ترى مو وقته غشمرتك الحين ..

فهد بصوت علي .. عبدالله انا ما اضحـــك وهذا مو وقت ضحــك كريم تعطلة سيارته على خط العام للجامعه
وكريم كان يصلحها لكن هجموا كريم برصااص وقتلوه وخطفوا ريم ..

عبدالله .. متى هذا الكلام ؟؟؟
فهد .. انت تعال للمكان اللي قلته لك وتعرف كل السالفه وقل للوالد لانه جواله مغلق بس احرص لا تدري
الوالده ولا تعلمها .. اخااف يصير فيها شي ..
عبدالله .. دقاايق وانا جااي لك .. ويغلق الجوال ..
الجاازي زوجة عبدالله كانت ناايمه واول ما سمعت خطف ريم وكريم ميت .. قامت مرعووبه من غير ما يحس
عبدالله ان الجازي صااحيه ..
عبدالله يغير دشدااشته النوم ..
الجاازي بخووف .. ريم وش فيها يا عبدالله .
عبدالله وهو يلبس ومتضايق .. ايااني ويااج تعلمين احد واجلسي في البيت لو ادري انك علمتي احد
يا الجازي طلاقج راح تشووفينه ..
الجاازي .. انا ما سوويت شي بس قلي ريم وش فيها ..
عبدالله .. كريم اذبحووا واخطفوا ريم بالقووه هذا اللي عرفته من فهد .. ويااني ايااك تعلمين احد
او تشوفين الوالده ادري فيج ضعيفه .. انا رايح وما اوصيج يالجاازي ..
الجاازي .. وما تدري منو اللي خطفها .. ؟
عبدالله بعصبيه .. لو ادري ما تعبت نفسي وادورها .. ويخليها برووحها وهو معصب ومتضايق ..

الجاازي .. ياربي وش المصيبه هذي اللي حلت علينا .. يارب ياكريم تفك كربتنا ..
ام عبدالله في داارها وعندها سااره وعهـــد حريم اعيالها وهي تصيح ..

ام عبدالله وهي تبكي ... ليه فهد ما قال لي وش فيها ريم .. اكيد صار فيها شي ..
وليه عبدالله اخذ ابووه وما كلمني وما يرد علي ..

عهد .. عمتي فهد مسكر جواله وما يرد علي .. انشااءالله خير يا عمتي ادعي ولا تتفائلين شر ..

ساره .. عمتي هاك كاست المااي وهدي اعصاابك انشاءالله ريم راح ترجع ..
ام عبدالله .. وين ترجع والسااعه دحين 6 والكل ما عطااني كلمه ولا رد علي .. قلبي يقول ريم
فيها شي ..
في هذي اللحظه يدخل جرراح .. اللي عرف بسالفه ومن عرفها وهو مصدووم ووجهه متغير ..
ساره وعهد لبسووا الجلال ..
صحيح جراح دلووع لكن قلبه حسااس ودمعته على طريف في هذي المواقف ما يقدر يقاومها.. الانه اخته
الي يعزها واللي لها حس كبير في البيت ..

ام عبدالله تشوف جراح دمعته طاايحه على خده زاد رعبها ..
ام عبدالله بدمووع .. جرااح وش فيك يمه ..
جراح .. سااكت ..
ساره .. جراح انت سمعت شي عن ريم قـــل لنا ..
جراح .. حتى لو اعرف ماراح اقوول .. موصيني عبدالله ما اتكلم ..
ام عبدالله زااد خوفها وقامت تصيح بصوت عالي وترجي .. جراح قلي تكفى ريحني وش فيها ريم ..
وليه ابوك وعبدالله ما خبرووني ..
جراح يمسك امه مع كتفها.. يمه هدي يالغاليه..وادعي ربي يحميها هذا اللي اقدر اقوله ويتركها في حيرتها
ودمووعها واصيااحها ..

*************************
في بيت .. ابو عبد العزيز(صالح) ..
سندس (21) سنه بنت صالح ..وبشاير(20 )سنه بنت جمعان.. وغزلان(21) بنت سالم .مجتمعاات
في غرفة سندس...
سندس .. اليوم الصبح كنت معها .. كيف اخطفوهااا ..
بشاير .. يااحراام ريم ما تستااهل ..
غزلان .. اختي الجازي تقول انه اربع شبااب خطفينها وكريم سايقهم مقتول ..
بشااير .. اكيد راح يقتلوونها بعد ما يخلصوا منهاا .
سندس تبكي .. لا حراام يقتلوونها .. بس حقيقه صدمه كبيره على خالتي خلده .. ريم بنتها الصغيره
واكيد راح يفقدونهاا ..
غزلان .. تتوقعوا من اللي خطفوهاا ؟؟
سندس .. امم يعني حد نعرفه ؟؟
بشاير .. لالا اكيد احد غريب .. !!
غزلان .. طيب ليه ما اتصلت في حد لمى هاجموها الشباب ..
سندس .. اليوم الصبح كنت معها في السياره . وقلت لي انه جوالها الجديد اخذه جراح منهااا ..واللي معها
مافيه شحن وحتى ارساله يقطع .. وماخذته كذا ..
غزلان .. بس تدرون انه ام عبدالله ما تدري انه ريم مخطووفه ؟؟
بشاير .. لا مستحيل اكيد خبروها .
سندس .. تقول اختي عهد ما خبروها وامي دحين عندهم .. وام عبدالله دحين تسال اعيالها واعيالها سكاتين
ماراح يبلغها غير عمي ابو عبدالله ..
بشاير .. وليه ما خبروها ؟؟ حرام عليهم تسال عن بنتها وما يعطونها جواب ؟؟
غزلان .. وش يقولوا لها . يقولوا لها كريم مات اكيد بنتك ميته ؟؟ ولا يقولوا لها انخطفت ويحترق قلبها
ويصير فيها شي ؟