إنتبه ترى بقلبي لك غرام ومعه غيره
كلما شفتك تمنظر قلت يابخت المرايه
النواظر تغرق السباح بأمواجٍ غزيره
والورود اللي شذاها غايتي واقصى منايه
الحبيب اللي هويت وسيرته بالقلب سيره
له بوسط القلب شان وله بأحاسيسي درايه
إيه مبغا أحدٍ يناظر به ونا ماشوف غيره
عن يميني واليسار وقدمي ويمشي ورايه
من عذلني قلت له ماعينك قلبي شويره
لو يكن مهما يكن.قلت إمعصي ماطعت رايه
المشاعر في طريقه دايم تحث المسيره
ماتفرًق بين درب الرشد ودروب الغوايه
ذا بدر ليلي وهو في صبحي الشمس المنيره
تستنير بنوره حروف الكتابه والقرايه
إيه خلوني معه واعيش له واموت أسيره
مات قيس إبن الملوح والسرا القادم سرايه
مهما أبالغ في محبتنا.محبتنا كبيره
شيء فوق الوصف يااخواني إلى مالا نهايه
ليه أنا ماموت لجله دام مايوجد نظيره
يالله إني طالباً رحمتك وتطيًب ثرايه
م / ن