سرقتك بالزمن لحظه ... وعشتك بالفراق أوقات
الجزء الثاني
قالت عايشه لاسماء :-اه يا قلبي شفتي فارس
اسماء وهي تعقد حواجبها :- متى ؟؟
عصبت عايشه :-يا البقره الي توه جايب لنا ابريق الحليب
قالت اسماء :-ااااااايه شفته
عايشه وهي متحمسه :-شرايك
اسماء :-ماركزت مالت عليك ..وبعدين انا كنت مخططه عليه بس يالله حلال عليك
دفتها عايشه بدفاشه :-طسي هناك الي يسمعك يقول خطبني وقضينا
اسماء :-هههههههه ماعليك خلي نجوى تاخذ اخوه وتتمكن منه وعقبها اضمنيه
لمعت عيون عايشه :-تهقينه
اسماء :-اجل
عايشه من قلب :-من بؤك لباب السما قلبي ارتقص يوم شافه
اسماء :-هههههههههههههههه الحمد لله والشكر بس
عايشه :-هبلا يوم تتحمدين علي
طارت عيون اسماء وسحبت عايشه معها وعايشه تصارخ شفيك حطت اسماء يدها على فم اختها لان صوتها مرتفع مره ومزعج ..
قالت اسماء لعايشه وهم ورى وحده من السيارات الي بينهم وبين خيام الرجال :- شوفي خالد زوج ريوف ما اقول الا مالت (وكشت على وجهها ووجه اختها)
ناظرت عايشه فيه بوله :-ماشاء الله يجنننننننن يهبببببببببل طوووووووويل
شوي الا وريووف تتنحنح وراهن جمد الدم في عروقهن ..
قالت ريووف وهي تحاول تسيطر على اعصابها :-وش هالجمعه الحلوه
طلعت عيون اسماء قدام وقالت بوجه مشحب :-ولاشي يالله يا عايشه
وركض راحن للخيمه
وقفت ريووف تناظرهن وتتحمد ربها على نعمه العقل ..
عدلت لبسها ووقفت تنتظر زوجها يجي وقفت ريووف والبسمه تنور وجهها في هالصباح الندي ..
قال خالد وهو يقرب :-يا صباح الورد يا صباح النور والزين والحب ياصباح الخير ياروحي
حمرت خدود ريووف ولا كنهم متزوجين لهم قرابه السنتين ..
ريووف وعيونها تعكس شعورها :-صباحك ورد يا قلبي نمت زين
غمز لها خالد :-الحين ذا سؤال تسألينه
حمر وجهها مره ..:- تفكيرك دايم غلط
قال ببراءه :-حرام عليك انا تفكيري غلط
ريوف :-هههههه لا الي واقف وراك هو الي تفكيره غلط
وبسرعه رفعها عن الارض وقال :-اسحبي كلامك
جلست ريوف تصارخ وتقول :-خالد بلا فضايح نزلني
قال بعناد :-جاك العلم اسحبيه اول
ريوف بعناد :-منيب ساحبته
خاالد جلس يصارخ :-عمه عمه ام ماجد
طلعت عيون ريوف قدام :-خالد وجع شتسوي
خالد وهو يناظرها بنص عين :-تسحبينه ولا شلون
ريووف :-طيب طيب سحبته حقك علي يا استاذ خالد
نزلها على الارض والابتسامه من الاذن للاذن ..
قال خالد لها يوم شافها مسويه نفسها معصبه :-شرايك نتمشى على السياره شويه
ريووف (تتغلى) :- مابي
خالد وهو يهمس بإذنها :-واذا قلت انك انتي الي بتسوقين بنا
طارت عيونها قدام ونست الزعل جلست تناقز مثل طفله :-جد
خالد :-ههههههههههه ايه يالله مشينا
مسكها مع يدها وقالت :-عبايتي هناك
خالد :-خليها ما حنا بمبعدين وبعدين معك ذا الشال الي وش كبره
ريووف :-هههههههه اول مره اركب سياره بدون عبايه بس يالله نوبروبلمز
وراحوا لسيارة خالد ...
*
*
*
*
*
>>>> في الخيمه ..
قالت عايشه لاسماء :-الله ياخذك يا اسماء اخاف تسوي ريوف لنا مشكله
اسماء :-ليه ما سوينا شي
عايشه :-نقز رجلها وتقولين ما سوينا شي
اسماء :-محد قال له يترزز قدامنا
طلعت عيون عايشه قدام :-مجنونه انتي رجلها مادرى عنا حتى ..
اسماء وهي تكش عليها :-قومي طسي هبلا طول عمرك
عايشه :-اقول الشرهه على الي يتكلم معك فارقي هناك
اسماء :-فارقي انتي
الا امهم تقاطعهم :-خيــر بزران انتم اصواتكم ليش عاليه
البنات :-ولاشي
ام طارق :-اجل اص ولا كلمه اثقلن يا مال الي مانيب قايله
البنات :-طيب
ام طارق :-روحن ساعدن نجوى بدال ما انتن جالسات تتهاوشن
وراحن لاختهن وهن طفشانات ..
عايشه وهي تتحلطم :-شغل شغل اف اكره الشغل
اسماء :-ههههههه وامي شدراها خلينا نرتز مع نجوى ونسولف عليها كالعاده
عايشه :-هههههههههه جبتيها
وراحن لقن نجوى تسوي قهوه وشاهي ..
نجوى وهي تناظرهن :-وينكن فيه من اليوم
قالت اسماء بحماس وهي تجلس مقابل لاختها :-رحنا نقز الرياجيل وشفنا زوج ريووف
عقدت نجوى حواجبها :-من خالد ..؟
عايشه تتطنز:-ايه خالد ليه هي متزوج غيره
اسماء :-هههههههههه كفك
نجوى :-يا ثقل دمك انتي وياها وليش تقزونه لو شايفتكم ريوف قامت مشكله
اسماء :-لا تذكرينا
نجوى :-وشو
عايشه :-شافتنا وحنا نقزه من ورى وحده من السيارات الله يعيننا بس
نجوى وهي تهز راسها :-تستاهلن الي يصير لكن
عايشه :-امحق اخت
ناظرتها نجوى بقوه وجلست اسماء تضحك عليها ...
،
،
،