البارت السـآبـع عشر ..
سكر سعود الجوال وكان قريب من الشاليه نزل أمه وأخته ..
ورآح للمستشفى
أم سعود لما نزلت من السيارة : وش فيه أخوكِ كذا رآح ولا قال شيء
ريف : يمه ترا المتستشفى إللي أتصل علييه ليكون صار بمزون شيء ؟
أم سعود بشك : مآ أظن لو صار فيها شيء كان قال لنا بعدين خلنا ندخل
وإذا صار شيء يتصل علينا ويقولنآ ..
دخلوا ع الشاليه ولقوا الصاله هدوء ..
ريف نآظرت الشاليه : وينهم يمه ليكون مشوا ؟
أم سعود : لا وش مشوا شوفي مفآتيح سيارة أخوكِ ع الطآوله
ريف : طيب يمه إنتي ما بتروحي تنآمي ؟
أم سعود : آآه بس إلا بروح اليوم جسمي تكسر
ريف : سلامتك يمه
أم سعود إبتسمت وراحت غرفتها ..!
آماا ريف راحت وجلست ع الكنبه وأخذت مفتآح سيآرة سلمآن وقالت : جااه بوقته من زمآن عن
المغآمرآآآت ..
طلعت فوق ع غرفة البنات لقتهم مجتمعين كلهم ..
ريف دخلت عليهم : بووووووووووو
البنات ركضوا عندها : ريف متى جيتي .. صدق مزون تكلمت .. قولي لنا وش صار .. ألخ ..!
ريف : ششوي شوي ع الاسئله وبقول لكم كل شيء ..!
رند : يلا تكلمي بسسرعه
ريف قالت لهم كل شيء بالتفصيل ..*
رند : طيب ما سمعتي صوتها
ريف : خخخ وهو أخوكي العاشق خلانا ندخل
البندري : جد سعود دخل عندهآ
ريف : يبب دخل .. بس لاحد يسألني وش قالها
غلا ضربتها ع كتفها : دووبه كآنك عارفه وش بسأل
ريف : خخخخ أعرفكم أنا ملقوفات حتى النفس تبون تعرفونه .!
رند : إنلقعي مو لهالدرجة
ريف : المهم بناات وش رآيكم نسوي كذا مغآمره من زمآن عن المغامرآآت والهيااط وتسذا ..!
البندري : كأنك تقرين أفكآري حتى أنا ودي نفلهاا
ريف : بالأول قبل ما نتهور جدتي وعمتي وأمك وأختك ويين ؟
البندري : مدري يا بالصاله يا إنهم بالحديقه ؟
ريف : لاء لما جينا تونا انا وامي ما شفتهم ..
غلا : يبقى بالحديقه
ريف : أجل شلون بنطلع
رند : ليه هي فيها طلعه ؟
ريف : يييييبااات
غلا : قولي لنا خطتك بالتفصييل
نخلي هالمتهورآآآت ونروح لِ غرفة الجدة ..^^
ابو سعود : يمه خلاص أنا قررت أقول لغلا إني أبوها
الجدة : وزوجتك بتوآفـق ؟
أبو سعود : والله يمه وآفقت ما وافقت ذي بنتي ولازم تعرف الحقيقه
الجدة : وغلا تهقى رح تسامحك يا راشد ؟؟
أبو سعود : أكييد يمه رح تسآمحني
الجدة : وش اللي مخليك وآثق لهالدرجة يا راشد وينك يوم كانت بنتك صغيره مو عذر إنك خاييف
من زوجتك أبد مو عذر بإمكآنك توآجهها وتقول لها بنتي وبجيبها تعيش معنا عجبك عجبك ما عجبك
بيت أهلك موجود بس إنت موب رجاال يا راششد موب رجاال
أبو سعود بعصبيه : يمه خالكلام مو وقته خلااص اللي راح راح ولازم نفكر باللي جااي
الجدة : وش اللي بيجي أكثر من إللي إحنا فيه كل هذا من زوجتك جابت بنت مانعرف من أهلها
وتبي تزوجها لولدك شهر ويطلقها بنات الناس لعبه بيدينها ؟
أبو سعود : يمه أنا جاي أتفاهم معك بخصوص غلا قلتيلي سوالف قديمه مالها داعي
الجدة : سالفة مزون سالفه قديمه اللحيين ..؟!
أبو سعود : أنا مالي علاقه بمزون أنا أبيكي تشوري علي أقول لغلا اللحين ولا وش ؟!
الجدة : أشور عليك ليه يوم تبي ترميها بدار الايتاام شرت علي ؟
أبو سعود بطفش : الله يعدي هاليوم على خير !!
الجدة : إسمعني ياا راشد أنا مالي علاقه بنتك عندك وروح تفاهم معاهها طلعني من كل هالسالفه .!
أبو سعود ناظر أمه ع أمل إنها توافق تساعده بس صدت عنه هو يأس وطلع من الغرفه
الجدة قلبها أوجعها ماتبي ترد ولدها وبنفسس الوقت تبي تحسسه بغلطته اللي سواهاا .!"
كآن قاعد بالاسترآحه يحااول يستوعب هالصدمه الكبييرة كيف صديق عمره راكان مآآآت ...!!!!؟
شلون بعيش من دونه يشكي له كل همومه ع رغم من إن راكان إنسان سسسيء لكنه أقرب
شخص لسعود وأكثر واحد يحس بسعود .. لمن بشكي ولمن بفضفض ومع من بتهاوش ..!
إذا يبي مزون ياخذها بس لايموت لايمووت .." إستغفر ربه ومسح عيونه اللي شوي وتنزل الدموع "
وقف وراح للدكتور وقاله إنه بخبر أهله بوفاته والدفن بكرا الضهر ..!
طلع من المستشفى يحس نفسه لو بقي دقيقه داخل رح يختنق وقف قدام سيارته ولبس نظارته
وإتصل ع عم رآكآن دقاايق ووصله صوت جهوري وقوي : ألوو
سعود : السلام عليكم
: وعليكم السلام من معي ؟
سعود : أنا سعود صديق راكان يا عمي
تذكر سعود وتغيرت نبرة صوته : هلا هلا سعود شلونك يبه وشلون الوالد والاهل
سعود بطفش لانه مو رايق : الحمدلله الكل بخير يا عمي وأبوي دوم يسأل عنك بس أنا متصل بقولك
هالخبر
أبو تركي : خير يا سعود ؟
سعود مو عارف كيف يقوله وكيف يبدأ : عمي راكان له يومين بغيبوه لان صار معه حادث اليوم
توفى ..
!!!!!!!!
أبو تركي بصدمه ويحاول يستوعب اللي قاله سعود : إيششششش رآكاااانن ولد أخوي تووووووفى
متى وكيف وشلون ؟
سعود : قلت لك يا عمي بسسبب حادث وبكرا الضهر رح ندفنه
سكر أبو تركي من غير ما يسمع شي وسعود نزل الجوال وتنهد .. جا بيركب السيارة
لكن لفت إنتباهه حرمة طالعه من المستشفى مختبصه وتلتفت يمين ويسار وكأنها مسويه مصيبه
سعود سوا نفسه يلعب الجوال لكن كان منتبه لها وهي بسرعه ركبت سيارة بنتلي ابيض فخمه
وفصخت الطرحة وصارت تاخذ نفس وبعدين هاوشت السواق يحرك بسرعه
سعود أستغررب حيييل وش فيهاا هالحرمة ناظر ع لوحة السيارة وسجلها بجواله لانه حس هالحرمة
وراها شي كبييير ..!
رند : نعم نعم نعم ... تبينا نبلس لبس أولاد ونطلع إنتي وش جنيتي ولا إنهبلتي ريــف ؟!؟!
ريف بطفش : يَ ليييييل النششبه وش فيتس رندوه إيه نلبس عادي من لبس سلوم وجراحوه
ونلم شعرنا ونلبس كابات ونروح نفحط ونتمشى ونرجع بسرعه خلنا نفلها شوي
البندري بتهور كبيير : لابنااات نروح مجممع كذاا ونرقم بنااات ونخليهم يخقوون علينا
ريف : جبتيها يا بنوو نروح مجممع ونرقم بنااات أللي تبي تجي يالله حياها تتجهز واللي ماتبي
تنطق هناا ولا تقول لاحد
غلا والبندري وقفوا : لا إحنا بنروح
رند : أنا لو أنذبح ما اروح وش بايعه عمري وانا ما أدددري ؟؟
ريف قعدت : رند قومي وربي مابصير لك شي يلا إخلصي عااد لو تسوي فيها الثقيله
رند : رييف لو أحد شافنا تعرفي جراح ولد عمتي أربع وعشرين ساعه بالمولااات لو شافنا وش بكون
موقفنا قوليلي ؟!!
ريف سحبتها من إيدها : الله يخليكِ رند يلا وافقي يلاااا
رند سكتت بعدين قالت : أوووف أمري لله موافقه
البناااات : هيييييييييييييه يسسسسسسسسسس >ع خيبتكم والله ..!
وراحو غلا وريف غرفة جراح وسلمان وأخذوا بلاطين وتيشرتاات وكابات وسكروا الغرفة
وطلعوا
رجعوا للبندري ورند ولبست كل وحدة تيشيرت وبنطلون مع إنهم كانوا طويلين بس مشوا نفسهم
ريف وهي ترفع البنطلون : بنااات كأني كيس بطاطس بهاللبس :؟
غلا : هههههههههههههه صاددقه وربي ولا أنا ما اعرف إن جراح دوب لهالدرجه ؟
رند : خخخخخخخخ غلوي لبست ملابس الحبيب ..
غلا رمتها بالجزمة<وإنتوا بكرآمه> بس رند نزلت نفسها : إنطمي إيه لبست ملابس الحبيب <وقلدتها>
البندري وهي ترفع شعرها وتلبس الكاااب حق سليماان ومستانسه لانها لبست شي لسليمان
ألتفت عليهم وحركت عيونها : شرايكم بناات
ريييف صفرت : أذووووووووب أنا أتوقع الييوم البندري بطيح نص بنات الموول
رند : أشك والله أخاف اللي ناظرنا يقول خكاااريااا ؟!!!!
غلا : بس قبل لا رند تلبس تنزل تشوف لنا الجوو ...
رند : بس بنآت والله شكلنا يبين إنه بنات شوفوا إيدينا وأشكآل جسمنا
ريف : طيب وش الحل يعني لازم إذا نبي نطلع نبلس لبس أولاآآد
رند : لاء بس خلس ريف تلبس لبس أولاد وأحنا عبايات وش رايكم
غلا : أنا موافقه
ريف نآظرت البندري والبندري قالت : أنا مو موافقه "ريف إبتسمت "
غلا : ليشش
البندري : كذا عاجبني شكلي بهاللبس
رند : أوك خلاص إنتي وريف خلكم أولاد بس أنا وغلا رح نلبس عبايتنا
ريف : طيب خلاص يانشبه إنزلي اللحين وشوفي إذا الجو فاضي
خلصوا البنات تجهيييز أنفسهم ورند نزلت وناظرت تحت لقت الصاله هدووءء
قالت لهم ينزلوا وهم نزلوا
وقفوا قدام سيارة سلمان ورييف شغلتها بس مارضت تشتغل وشغلت مرة ثانيه إلا تطلع صوت
والبناااات صاروا يضربوا وجيهمم
غلا : ياوييليي اللحين سلمان يسسمع وينززل
ريف بسرعه فتحتها وركبت ولقت البنات لسهه يبكوا أشرت لهم إن يركبوا
والبنااات بسرعه ركبوا ورييف شغلت السياارة
رند تمسح دموعها : بناات أكيد سلمان سمع الصوت
رييف : وإنتوا يا بقرات أأشر لكم أطلعوا لسه واقفيين جد مانتوا كفواا .. وبعدين يا اغبياء
أنا باخذ سيارة سلمان اللي تطلع صوت وأفضح نفسي أنا أخذتها لانها كبييرة وثانيا سلمان مو بالبيت راح هو وجراح برااا فهمتوااا
غلا : اهـــــــآ .. فديتك ريوفتي والله مخك مافيه منه
ريف نفخت نفسها : شكراً عزيزتي لا داعي للإحرآآج
البنات : هههههههههههههههههههههه
البندري : طيب لو شافتنا دورية تفتيش
ريف : لاتخاافي بروح لمجمع طريقه مختصر مافي لاتفتيش ولا شي
منسدحه قدام التلفزيون وبإيدها مجله تتصفحها طفشت كثيير وفهد نآيم يرتاح له ساعتين
يمكن قرئت المجله 4 مراات سكرتها ورمتها بإهمال ع الطاولة اللي قدآمها عدلت جلستها
وأخذت جهآز الـtv قلبت بالقنواات من دون إهتمام .. بعدين طفشت وراحت المطبخ سوت لها نسكافيه وصارت تغني بصوتها العذب : لـو يـوم أحد فـي وحدتك نآدى علي ثم إلتقت وشفت وماحولك أحد هذا أنا من كثر مافكرت فيك ناديت لك والكل منا في بلد لو يوم أحد في وحدتك نادى علي ثم التفت وشفت ماحولك احد هذا انا من كثر مافكرت فيك ناديت لك والكل منا في بلد .. يكفي اللي هنا وما اقدر وما اوله عليك أكثر <دخلت جوو
خلصت النسكاافيه وأخذتها وقعدت ع الكنبه وصارت تشرب منها وهي تفكر "معقول فهد الكلام
اللي قاله لي صح يعني معقول يحبني ومايبي يتزوج ومايبي عيااال إيه يا سارا معقوول لو واحد ثاني كان ماصدق زوجته تقوله هالكلام اللي انا قلتله ايااه خلاص يا سارا لاتصيري شكاكه لهالدرجه وأوثقي بفهد مثل ماهو يوثق فيكي "
حطت النسكافيه وراحت فتحت باب الغرفه وسكرته وفتحت الأنوآآآآر وسكرت المكيييف وقفت قدآم فهد وهي مكتفه إيدينها ومبتسمه ."
فهد عقد حوآجبه من هالإزعآج بعدين فتح عيونه وأستوعب إن سارا واقفه قدآمه إبتسم
ومد ايده لها سارا مسكت إيده وجلست ع طرف السرير : صح النوم دكتور فهد .."
فهد إبتسم : صح بدنك سارونتي كم الساعه
سارا : الساعه بتصير 8 العشاء
فهد عدل نفسه : أوووه لي ثلاث ساعات نايم
سارا : إيه "وتتصنع الزعل"وأنا لحالي قاعدة بالصااله ..
فهد : لااا دام مديتي بوزك ماترضي الا بشي كبير
سارا : إييه ما ارضى الا بشي كبيير
فهد باسها ع خدها : كذا رضيتي
سارا : لاء
فهد قرب ببوسها ع شفتها سارا بعدت : لاتحاول ما راح ارضى
فهد : إمممممم طيب وش رايك نطلع
سارا ضحكت : ثوااااااااني وأجهز
فهد : هههههههههههههه وربي فاهم لحركاتك
سعود وصل مآ كآن له خلق يروح الشاليه راح عَ بيتهم أول ما وصل صف السيارة
ونزل فتح باب القصر كاالعادة صالتهم هدووء ووحدة قاتله .. طلع غرفته أول ما دخل فصخ نظارته ورماها ع التسريحه ورجع شعره ع ورا وتنهد .. دق باب الغرفه قال : أوووف لسه توي راجع لحقوا يبوني بشي "رفع صوته " مين ؟
نرمين فتحت الباب وإبتسمت : أء مستر سعود أسفه كتير ع إزعاجك بس في واحد بدو ياك تحت
سعود رفع حآجب وقال بنظرة إستغرآب : واحد ما قال لك إسمه ؟
نرمين بنفسها "يالله ما أحلاه" وسرحت شوي ..
سعود إنتبه لها وغير نبرة صوته شوي وقال بملل : نرمييين أكلمك انا
نرمين إنتبهت ع نفسها وإنحرجت : أه أسفه مستر سعود بس مإ أنتبهت
سعود : أوك ما قالك أسمه
نرمين : لاء قال هو مابيعرفك وبدو ياك بخصوص موضوع مهم كتييير
سعود : أوك دخليه مجلس الرجال وقولي له دقايق وأجي
نرمين : حاضر
وطلعت وسكرت الباب .."
سعود قال : أأه وقلت بجي هنا أرتااح لو رحت الشاليه كان أحسسن بس من هالرجال
رتب شعره وبخ عطر ونزل تحت وصل للمجلس الرجال فتحه وشاف واحد جالس ولما شافه وقف وإبتسم
سعود قرب منه وقال بملامح جىمده وع ثغره نصف إبتسامه خفيفه وقال ببرود : أهلين كيف أقدر أخدمك "؟
: أنا أبيك بموضوع
سعود بطفش : أوك تفضل إستريح
جلس وقال : أنا إسمي فوآز ولد عم مزون ..
سعود بصدمه : مـــزون إنت ولد عمها
فواز : إيه نعم ولد عمها وجيت بتطمن عليها وباخذها
سعود عصب وبانت ع ملامحه العصبيه : بس مزون مو هني وإذا هني ماراح ترجع عندكم ..
فواز عصب : ليه من إنت حتى تقرر هي بنت عمي وأولى ترجع معناا
سعود : ليه لما جات تبي تشتغل خدامه هني وين كنتوا إن شاء الله؟
فواز : أحنا ما كنا نعرف إنها بتجي تشتغل خدامه كنا نفكر إنها رايحه لجدتي أم أمي بس أمي كذبت علينا وكانت راسلتها عشان تفتك منها وتشتغل عندنا
سعود : مايهمني هالكلام لما أمك رسلتها محد وقف بوجهاا وقال أروح معها "واللحين لو سمحت تبي من الاخر مزون مو هني ولا تسأل وينها بس إنها تجي معك أو ترجع لكم لاء وألف لاء ..
وأعلى ما بخليك يا حبيب الماما سوا ..
فواز عصب حييل من غرور سعود وأسلوبه : ماشي بنشوف من رح يكسب بالاخر
طلع سعود وهو معصب وأعصآبه تلفآنه .
اما سعود ما إهتم لفواز لان من أسلوبه عرف إنه مهزوز وماله رأي
وصلوا البنات ع المجمع بالـ باركنج تحت ..
ريف نزلت من السيارة وسكرتها والبنات نزلوا
البندري : أووه بنات شكل المجمع زحمة
غلا : أصلاً باين
ريف للبندري : بنو لاتنسي خشني صوتك
البندري : أوكيه وإنتي كمآن
ريف : لاتخاافي "وإلتفت لغلا ورنند " يلا بناات أمشوا
مشيوا البنات وشافوا أشكال وألوآن بنات وعيال وترقيم وألخخخ ...
غلا : يلا بنات أنا ورند بنروح لحالنا وإنتي والبندي بروحكم
ريف : أوكِ
مشت ريف هي والبندري وصاروا يمشوا بالمجمع
البندري : ريفوه بعدين إنتبهت وخشنت صوتها "أقصد سعود أنا بروح أشتري لي شي أكله
ريف : وشو تروحي بروحك أنا بجي معك
البندري : أوكِ مشينا ..
وهم رايحين شافوا وحدة جاالسه ومتلثمه وعيونها تذبــح وباين إنها تنتظر أحد
ريف غمزت للبندري : بنوو شوفي هالقمر اللي هنآآك روحي لها
البندري ضحكت : ههههههه تصدقي حسيت نفسي مثل البويات
ريف : وووع الله لايبلانا لاتصدقي إنتي وجهك بس اليوم وبعدها نرجع لانوثتنا
البندري : ههههههه معك حق " يلا انا بروح لها "
راحت البندري للبنت وقفت قدامها "شلون هاذي بنتصرف معها والله هالمواقف مفروض يكون فيها استعانه بصديق " : إحم يا حلوة ممكن نتعرف
من غير ماترفع عينها : لو سمحت انا وحدة متزوجة بعد عني الله يستر ع خواتك
البندري تحسبها تكذب ما إهتمت : طيب وش فيها نتعرف بس
: لو سمحت وخر زوجي اللحين بجي وأذا شافك معي بسوي مشكله
البندري جلست جمبها ولا إهتمت
شوي جا وشاف واحد جالس جمبها طاحت القهوة من إيده وركض بسرعه والبندري أول ما شافته إنصــــــــــــدمــــــــــت فــــهـــــد كانت بتقوم بس تجمدت مكانها تحس تلصقت بالكرسسي مو قاردة توقف رجولها إنشلت عن الحركة فهد قرب ورفعها من بلوزتها وأعطاها
بكس ع وجها البندري ما تحملت أبداً طاحت ع الارض والدم ينززل من فمهاا بقوووة ..
سارا صارت تبكي ع منظر البندري لانها قالت ولد صغير شكل عمره 19 أو 18 مسكت إيد فهد وهي تبكي وتترجآه : فهد الله يخلييك لا تسوي له شي صغيير مراهق ما يفهم
فهد وهو معصب والشرار يطلع من عيونه : ساااارا وخري عني لاضربك بداله
سارا عصبت ومسكت إيده : فهد ما تشوفه ينزف تبي تموته
البندري وقفت وركضت برا المول وفهد كان بلحقها بس سارا مسكته والناس اللي يصور
واللي يتفرج
فهد عصب وصرخ عليهم : خيييير شنو هو فيلم واقفين تناظرون أنلقعوا
وخرت الناس وراحو
فهد وهو بقمة عصبيته : إمشي قدامي ع السياارة إخلصي
سارا وهي تبكي أخذت شنطتها ولحقته ..
اما البندري وهي تحت بالباركنج وأخذت مناديل من العامل ومويه وصارت تمسح مكان الدم
وهي تبكي مو قاردة أبداً فمها ينزف والدم مو راضي يوقف صارت تدعي ع فهد الله يوفقه شوه منظري وش هالاإيدين اللي له حشا وربي سارا مو متزوج إنسان وحش هذا وحش
لقت جوالها يرن كانت ريف ردت بتعب وصوتها مخنوق : ألو .. إيه تحت بالباركنج .. يعني شفتي الهوششه .. عصبت أكثر" صدق إنك وحدة منتي كفو وقليلة أدب إنقلعي ولا تكلميني والله يا ريف لاقول لسعود عن اللي صااار .. لا تببري لي .. وسكرت بوجهاا
البندري سكرت وهي مولعه شراااار : الحقيرة شافتني وانا انضرب وكانت واقفه تتفرج وحدة مافيها خييييير
ما عرفت وش بتسوي اللحين هي هزئت ريف ومو معقول ومستحيل كمان ترجع معها
جات ببالها فكرة راحت لوحدة خدامه كانت جالسه تنتظر السواق هي وحدة حرمة
اشرت للخدامه والخدامه راحت والحرمة مستغربه
البندري خشنت صوتها : إحم لو سمحتي تقدري تخدميني
الخدآمه : نأم بابا
البندري ع أخر الزمن بابا : أبي أعطيكي فلوس وتشتري لي ملابس وعبايه من جوا لاختي
لان انا ما اعرف لذوقها وخلي هالحرمة اللي معك تساعدك
الخدامه : أوك
البندري عطتها فلوس
والخدامه قالت للحرمه واافقت ودخلوا ع المجمع
والبندري كانت سآنده نفسها ع السيارة وتهز رجلها بطفش وملل ربع ساعه طلعت الخدآمه وأعطت البندري الكيس والبندري شكرتها .. بعدين ناظرت الباركنج كان فاضي ومافيه ناس طلعت العبايه من الكيس وبسرعه لبستها وفضخت الكاب وحطته بالكيس مع الملابس ولمت شعرها ولفت الطرحة وطلعت ع الشارع وأخذت تآكسي وتبي ترجع الشاليه
نزلت ريف وأتصلت ع غلا ورند وقالت لهم ينزلوا
ونزلوا البنات وركبوا السيارة ..
غلا : وين البندري ؟؟؟
ريف قالت لهم السالفه
رند : إيششششششش فهد وضربها كمان
غلا : وإنتي ما ساعدتيها ؟
ريف : لو والله تبيني انطق ؟
غلا : ع الاقل لو رحتي وتفاهمتي مع فهد كان تركها
ريف : أووف بنات خلاص اللي صار صار أسكتوا المهم هي وين راحت اللحين لازم نعرف ؟
غلا رفعت جوالها : بتصل عليها " بعد كم رنه وصلها صوت البندري " الو بنووو وينك
.. انتي راجعه الشاليه طيب إنتبهي لاحد يشوفك وإنتي نازله رحتي بروحك ... طيب خلاص إهدي وش فيكِ معصبه .. إمم إيه ريف موجودة ... يلا مع السلامه
ريف : ها وش قالت ..؟
غلا : تقول رح ترجع الشاليه ومو طايقه تشوفك
ريف شغلت السيارة : بالطقاق جعلها ما شافتني ..
بالمستشفى ...
بغرفة مزون بالتحديد ... كانت مرة طفشانه وقاعده بروحهاا مو عارفه وش تسوي ...
إنسدحت ع السرير وأخذها تفكيرها لسعود أخر مرة شافته وشافها " ليش لما شافني كان مرة خايف علي وباين عليه التعب ولما كلمني كان صوته حنون معقول حبك يا مزون " لالا مزون وش حبك خيالك وتفكيرك راح لبعييييييد كثير هو لسه يحب زوجته كثير ومانساها يمكن شفقه او خايف يصير لي شيء وتنحط براسهم هم أكيد شفقه ..
دخلت الممرضه : أنسه مزون في واحد يبي يشوفك برا تقدري تشوفيه ولا تعبانه
مزون إستغربت : واحد ماقال إسمه ؟
الممرضه : لاء رفض يقول
مزون : طيب يمكن سعود تعرفيه اللي جاه معي اول مرة
الممرضه : قصدك هذاك الوسيم لاء مو هو
مزون رفعت حاجبها وغارت شوي وبانت عليها الغيره : طييب انا رح اتحجب وخله يدخل
الممرضه : أوكِ
تحجبت مزون وعدلت جلستها
دخل عليها وهي رفعت عيونها وإنـــــــــصـــــــــــدمــــــــــــــــت ...!!!!!!!
التوقعآآآآت ؟؟
من اللي جا لمزون ؟؟ سعود رح يهتم لكلام فوااز ولا لاء ؟؟
البندري رح تقول لسعود عن اللي سوته ريف ؟؟ وهل احد من اهلهم رح يكشف اللي سونه ؟؟
سارا وفهد وش رح يصير عليهم ؟؟
ريف والبندري ؟؟
أنتظر توقعآآآآآآتـــــكم اللي تحمسسني