موحشه دنياي وأيامى سراب =والضما حضه على شفاهي وطن
واليالي اللي لها مليون باب =ماخذيت أحلامها ولا عطن ..
والغريب اللي خذا صدرى حجاب=للنوايا السيئه ما قد فطن
أن خذله الوقت يبكي للعتاب=نيته بيضا مثل لون القطن
كثر ما خانوه ما قد يوم تاب=عن خطاوى للحسافه به خطن
أه يا بنت التغلي والغياب=من بنات العين لاجن وسقطن
كل ما نبضي مع ذكراك ذاب=رمش عيني والدموع تخالطن
أه من جرحك متى بقول طاب=ولهواجس في لجى روحى سطن
ليه عمرى ضاع وأحلامي سراب =والضما حضه على شفاتى وطن