يا خاطفي وين ألقى عزتي في زمان المذلة !
:::
:::
:::
بـــعـــد الــــمـــغـــرب
بعد مارفعت شعرها .. وحطت روجها الوردي اللي يضيف على جمالها جمال ساحر أخآآذ
تـأملت ملامحها .. حست بنبض الحياه فيها .. شي غريب يسري بجسمها شعور ماعمرها حست فيه يدفعها للامام ...
طلعت للصاله
ريم : وآآآآآآآآآآآو .. ويش هالكشخه ياشووق .. مشاء الله تبارك الله
سحر : وين بتروحين وانتي لابسه كذا
شوق تبتسم : حبيت البس واكشخ .. فيها شي ذي
سمر : لا مافيها ... بــــس شكلك جنـــآآآآآن .. اللون الاخضر لايق مع البنطلون
كانت لابسه بنطلون جينز بني .. فيها تطريز بخيوط بني ضيق ومخصر على جسمها .. وتي شرت كت اخضر فيه كتابه بالابيض ... طالع شكلها كيوت وبارز ملامحها الحاده الساحره
دخلت هنادي وشافت شوق بكشختها : على وين ياقمر
شوق : المطبخ ههههههههه ...
هنادي : حرام كل هالزين والكشخه وتروحين المطبخ
شوق : بروح غرفتي .... اتجهت لغرفتها تشيك على شكلها لاخر مره .. دخلت هنادي
هنادي : لايكون بتطلعين بذا الشكل
شوق : ايــــه .. بروح كذا ..
هنادي بصدمه : شوق .. بسم الله عليك صار لعقلك شي .. متوقعت بتسوي كذا
شوق : ماعاد عندي شي اخسره يا هنادي .. ويش بتفرق معي الحين .. كلها واحد
هنادي : بس ما يجوز تسوي كذا ..
شوق : بليزز هنادي .. لاتتدخلي فيني اتركيني على راحتي اسوي اللي آبي اوكي
هنادي : اجل بروح معك .. مستحيل اتركك لحالك
شوق : لا ... ماراح تروحين معي ..
:::
:::
:::
عبدالله : ويش تسوين الحين ؟؟
رغد : بروح المطبخ ..نفسي اطبخ اليوم
عبدالله : ياسلام .. مبين عليك دلوعه وماتعرفين ذي الاشياء
رغد : دلوعه يس بس مايمنع اني ادخل المطبخ
عبدالله : ويش بتسوي ؟؟
رغد : والله بسوي كفته . مع سلطة مع بطاطس مقليه ... وايش بسوي كمان والله مدري ويش يطري علي بالمطبخ ازيد عليه
عبدالله : يم يم يم .. كل ذا بتسوينه ...
رغد : ايه تبي اسويلك
عبدالله : ههههههههههههههه تخيلي تسوين
رغد : والله اسوي ويش فيها ... احطها لك عند السواق وتجي تاخذه
عبدالله : مابي احرجك يمكن مايعجبني طبخك
رغد : اجل احسن وفرت علي مجهود
عبدالله : ههههههههههههههه شكلك زعلتي
رغد : لازعلت ولاشي ... بس اقولك ... انت كيف عرفتني
عبدالله : من طريقتي الخاصه
رغد تقلده : طريقتي الخاصه ... لاتكون مباحث وانا خبر خير
عبدالله : لو اني بالمباحث تلاقيني اشتغل بمطعم
رغد : انا اسفه ماكنت اقصد
عبدالله : لاعادي ...
رغد : عبدالله ... انت عايش لحالك
عبدالله : لا عايش مع خوياي ويوسف
رغد: يوسف مين ؟؟
عبدالله : هذا صديقي من زمان
رغد : اها .. عشان كذا... طيب اهلك وينهم وين عايشين
عبدالله : اهلي عايشين بقريه قريبه من ينبع ...
رغد : اسفه سويت معك تحقيق
عبدالله : من حقك .. اقول بغيت اسئلك امك وينها ؟؟
رغد : امي متوفيه لها 3 سنين او 4 ..
عبدالله : الله يرحمها .... قاطعهم
شهد : رغد موقلتي بتسوين عشاء سكري الجوال ذا واشتغلي وانا بساعدك
رغد : غريبه ويش الطاري ؟؟
شهد : ماغريب الا الشيطان بس بسوي البطاطس وانتي الباقي يالله بسرعه
رغد : طيب ثواني بس
شهد : تكلمين بزرك هههههههههههه
رغد تغيرت ملامحها وعصبت : اقول عبدالله انا اكلمك بعدين اوكي
عبدالله : اوكي يالله مع السلامه ... وقفل بعد ماسمع كلام شهد
رغد : انتي ماتحسين ماتعرفين تتكلمين كويس
شهد : ليش ماقلت شي يزعل
رغد : شهد .. عبود اتركيه بحاله بليززز .. مابيك تتكلمين عنه سامعتني كويس
شهد : تيب لا تنفخين علي ... مالت عليك وعليه
رغد : انتي ماتحبيني اتكلم عن فيصل وانا نفس الشي
دخلت سحر : مين فيصل ؟؟
شهد : اقول انا بروح الغرفه احسن .. والعشاء انتي سويه
رغد : سحر ساعديني بالعشاء
سحر : طيب بساعدك بس قبل قولي مين فيصل هذا ؟؟
رغد : هذا اخو صاحبتي .. قالت لنا اليوم قصته وانا اسولف لشهد
سحر بنظرة شك : اممممممم .. يالله ويش اسوي
رغد : اسلقي البطاطس .. واللي بالصحن الثاني قطعيها
سحر : اوووووووووووووووووووووووووك ..
:::
:::
:::
طلعت الدرج بهدوء عشان محد يحس فيها ... دخلت من باب السطوح وقفلته .. شافت باب
الملحق قدامها .. تنهدت .. وبدت تقترب من الباب بهدوء وخطوات خفيفه لاتكاد ان تكون
مسموعه .... فتحت الباب بهدوئها المعهود . ولفت خصل ضايقتها على وجهها الملائكي
شوق (( آآآآآه ... الـــحـــين بشوف اللي انتـــــظــــره من زمــــــآآآآن ))
اول مافتحت الباب ... ودخلت .. وسكرته وراها ... تلاقت عيونهم ... عيون تحكي حكاية الم
وعيون تحكي حكاية الخوف من المجهول ... كانت نظراتها حاقده .. ناريه .. خبيثه ...
كانت نظراته .. استفسار .. دهشه ... صدمه ... خوف امتلكه لاول مره ..
شوق بابتسامه : نورت البيت بوجودك يا استاذ ...
كان على كرسي .. والحبال مثبته جسمه ... ماله اي مجال يتحرك ... كل مكان فيه ملفوف عليه حبل
شوق حطت يدها على كتفه : اممممممم .. اكيد مستغرب .. كيف وليش ومتى جيت هنا ؟؟
طالعته بنظره حاده ... تبي تتكلم ياقلبي ... ما اعطاها جواب ...
شوق : حلووو .. مرررره حلووو ... خلك كذا ..بس تدري انا بفتح اللزقه عن فمك ابي اسمع صوتك .. تدري عاد اشتقت له مووت ..
علامات الصدمه .. والاستفهام ارتسمت على وجهه ..
شوق تلمس خده : معقوله ما تذكرتني ...
قربت وجهها من وجهه ونزلت لمستواه ... قربت منه اكثر واكثر
شوق : ما تذكرت هالملامح ... مسكت وجهه وقربته بقووه من وجهــآآآ
شوق : صدق من قال الصافع مو زي المصفوع ...
فتحت اللزقه باقوى ماتملك عن فمه .. من قوه شدتها نزل دم من شفايفه ....
شوق : اي سؤال تفضل معك دقيقه وحده
...: مين انتي ... ؟؟؟!!!
شوق : افا عليك ... ماتوقعتك تنساني بالمررره .. بس شكلك تنسى كثير
...: اي والله انا انسى .. ذكريني بالله ... خصوصا انك تعرفيني وانا مذكر اني اعرف وحده قمر مثلك من قبل ... يـــــآآآ... قــــــــمـــــــر ...
باقوى قوة تملكها صفقته كف ... كف ما يساوي شي قدام كرهها وحقدها له
شوق : هذا هديه مني لك ياحلووو ...
...(( بنظره ناريه هزت شوق )) : احلى هديه والله .. جابت كرسي وحطته قباله .. وجلست
شوق تحط يدها على خدها : تصدق ماني مستوعبه انك بين يدي الحين ... شكلي احلم
...: لدرجه ذي مشتاقه لي .. لالالا .. ما اصدق .. يعني تحبيني
شوق بخبث : مو احبك ... الا اعشقك ... بس تدري ليش ..؟؟
...: اكيد تحبيني ... جلست على حضنه ولفت يدها على رقبته وقربت وجهها منه
شوق : ههههههه احبك ... مشكلتك واثق بزياده
...((بـحـده)) : مـــــــــــيــــــــــــن انـــــتـــــــي ؟؟!
شوق : تبي تعرف مين انا ؟؟!! ... (( شقت بلوزته ورمتها على الارض .. )).. وقفت قباله
رفعت بلوزتها وفتحت سحاب بنطلونها ... وهو مصدوم منها ومستغرب من اللي تسويه .. نزلتبنطلونها لتحت سرها بشوي .... انصعق ... كانت صدمته كفيله بآنــــه يلتزم الصمت
شوق ودمعتها بعينها : الـــحـــيــن عـــررفــتـــنــــي ...
...: انــــ....ـتـــ.... ... انــتــــي ؟؟!!
شوق جلست على الكرسي وحطت رجل على رجل : ماتوقعت اني اطلع بحياتك .. صح ؟؟
كان ساكت ماقدر يرد عليها بكلمه واحده ...
شوق : تدري اعطيتك اكثر من حقك ... اتجهت للطاوله اللي على جنب وسحبت اللزقه منها
وجات ورى راسه ... همسة بأذنــــه
شوق : هذي الليله .. راجع حساباتك ... وشوف ويش ارتبكت من اخطاء ... وبكره لنا كلام ثاني ... لزقة على فمه بقوه ..ثلاث مرات عشان ما يقدر يقطعه .. اتجهت للباب بتنزل
شوق : مو قلت لك اعشقك .. وطلعت من الغرفه وقفلت الباب ... ونزلت لغرفتها