يا خاطفي وين ألقى عزتي في زمان المذلة !
:::
:::
العصر .. ببيت ابو مها
شوق : ويش رايكم حلووو ... كانت لابسه بلوزه احمر كت طويله لنص الفخذ وبنطلون اسود ضيق .. ورافعه شعرها ذيل حصان .. وطالع شكلها جونان
نتكلم عن شوق
<< هي اجمل وحده من اخواتها وبنات عمها .. بشرتها بيضاء صافيه ...عيونه عسليه واسعه .. شعرها بني كستنائي طويل لاخر ظهرها .. وجهها دائري شفايفها توتيه ...جسمها مخصر وممتلى شوي لكن تقاسيمه روعه ...انوثتها ساحره وجاذبيه جاذبيه عربيه قاتله ...طولها حلو بس تميل للقصر اكثر .<<ريم: صراحه جنااااان ... بس ليه الشياكه الحين
سحر: عندك مشوار وماقلتي لنا
شوق تهز راسها : يس يس عمتى ام خلود بيجون صديقاتها يزورونها وقالت تعالي عندي ابيك تساعديني بالتقديم والحركات تعرفونها
ريم: اهــــــــا قولتي لنا ... طيب ومتى ترجعين
شوق : مدري .. بس ويش رايكم احط روج احمر والا وردي
سحر: بتخربين شياكتك بالوردي حطي الاحمر الهادي ..
شوق ترفع الروج: قصدك هذا
سحر: ايه يالله حطي .. خلينا نحكم ... كحلت عيونها بكحل اسود وبالاضافه للمسكارا والبلشر .. واخير الروج
ريم تغمض عيونها : يؤؤؤؤؤؤ .. بسم الله عليك تهبلين
شوق تكسر : تتريق حضرت جنابك .. بالله كيف شكلي مابي افشل عمتي مع صحباتها
سحر : ورب الكعبه يجنن .. بس قبل لاتروحي اقري المعوذات
شوق : بروح اشوف رغد وشهد ... اتجهت لرغد وشهد لانهم هم اللي يحبون الميك اب وعندهم ذوق فريد بهالاشياء بحكم طلعاتهم ...الــخ
شوق : اقول ويش رايكم فيني كذا
شهد : ويش ذا ليش مخربه شكلك
شوق تحطمت : ماهو حلووو ؟؟
رغد بتفحص : لفي على جنب ... اشوف ... طبعا لفت على طول
رغد : لالا حلوو مرره بس جيبي منديل اضغطي على الروج عشان يخف .. والا اقولك افتحي درجي تلاقين روجي الاحمر ..لونه غريبه حطي منه
شوق : طيب كيف كذا مبهذله والا شيك
شهد : شيك ....متى بتروحين لعمتي
شوق : كمان شوي .. بس بالله عليكم انتبهوا للبيت وللبنات .. واذا جاء عمي حطوا له العشاء انا قلت له اني رايحه بيت عمتي
رغد : اوكي روحي وتطمني كلنا كبار ونفهم
شوق : هنادي وينها ماشفتها
شهد : مدري عنها .. دوريها
:::
:::
:::
...: طيب .. خلك معها .. وسايرها الين اسوي اللي في بالي
...: لاتوصيني ... دام انها مزيونه بحطها بعيوني
...: اقول لاتسوي لها شي الين اعطيك الضوء الاخضر
...: ومتى ناويه تعطيني الاشاره
...: كل شي بوقته حلوو لا تستعجل على رزقك تونا ببدايه الطريق
...: على قولتك تونا بالبدايه ..
...: ولاتنسى بهاراتك الحلوه ترانا نحتاجها
...: افا عليك .. انا خدامك ..انتي امريني بس
...: مايامر عليك ظالم .. الحين بقفل توصي شي
...: سلامتك يالغلا .. باااي
:::
:::
:::
لبست عباتها وجهزت شنطتها
شوق : يالله بنات ..مثل ما وصيتكم
سمر: حفظنا اللي قلتيه .. انتي فكينا بس
شوق: هههههههه طيب بفكك مني بس لاتنسين
سمر: والله ماني بناسيه ... بس طسي
شوق : سلام ... اول ماطلعت مع الباب قابلتها هنادي طالعه
شوق باستغراب: وين كنتي
هنادي : عند عبير اسولف عندها
شوق: وليش ماقلتي قلبت عليك البيت كله
هنادي : نسيت اقول لاحد
شوق : ويش ذا الكيس اللي بيدك
هنادي : هـا ه .. هذا لبس جبتهم من عند عبير عجبني قلت بقيسه
شوق : طيب انا رايحه .. مع السلامه
:::
:::
:::
الســــاعه 10 بالليل
رغد : اقول ريم سوي لي نسكافيه راسي يوجعني
ريم: بس تسهرك ..ماتخليك تنامين
رغد : طيب اعطيني مسكن راسي راح ينفجر
سمر: ويش السبب ... اكيد تفكرين
رغد : مالت عليك افكر بويش .. اسكت احسن لك
سحر: والله اني طفشانه كرهت الدراسه ضغط فظيع
رغد : الله يعينك يالله هانت مابقى شي راح الكثير مابقى الا القليل
قاطعه صوت الجرس ... وقامت هنادي فتحت الباب .. ولقت جلالي شايل كيس لونه اسود بوردي
هنادي : خير جلالي ... ويش تبي
جلالي : هنوده هذا في يجي واحد قول اعطي بنات هذا الكيس
هنادي : هاته
اخذت الكيس وفتحته ... وشافت سلسال ريم
هنادي تصارخ : ريم ريم ... شوفي
ريم مفجوعه : ويش فيك يالخبله ؟؟
هنادي ترفع سلسالها : سلسالك .. اللي مكتوب به اسمك
ريم ماهي مصدقه : سلسالي ... من وين جبتيه
انتهــــى البــــــــــــــارت ..