خَنَقْتْ اْلْوَرْدْ يَآ يُمَهْ وَبِيَدِّيّ اِنْكَسَرْ ذَبْلَآنْ
هل لأصابعك أن تَفركَ الوجع القابع بصدرِي .. لتزيلَ البَردْ
وأحجيّة الماضِي القَديمْ
فتحت الآلبوم
واجهتني صورة شاب يشبه راكان لدرجة فضيعة
دققت في الصورة أكثر ورفعته بسام مين هذا؟؟
وهو يقرا الجريدة رفع عينه لي
أنا.....!
ما تفاجأت كثير لأنه قريبه الملامح منه
تصفحت باقي الآلبوم
في صور للبنت الصغيرة اللي بجوال بسام والبقية
كلها صور أشخاص قديمه بس صورة لفتتني
اثنين ميزتهم على طول
بسام وبندر وقدامهم دفتر كبير
حاولت أقرا الكلام
بس ما كان واضح
اللي قدرت ألقطه
كلمة محكمة وقضاء وعدل ...
زفرت وأنا أسكره وش الشي المهم اللي ما كانت تبيني أشوفه أمك
كلها صور عاديه !
شفته مركز بالقراءة وشكله معصب
حاولت أقرا وش اللي مندمج فيه بس ما مداني جالس ع الكنبة اللي قدامي وبيننا طاولة
اللي ما كانت تعرفه لتين إنه بسام كان يقرا تقرير عن رويد
اللي بدأ مشوراه الفني من جديد بمدينة برلين بألمانيا
ومصرح بسؤال لأحد الصحفيين اللي سأله عن السبب اللي خلاه يترك إيطاليا
بعبارة :
" تركت إيطاليه من أجل حبيبتي العربية..! "
سكر الجريدة بعصبية وناظرني نعم
عبست بوجهه باستغراب وش فيك؟؟
بسام بعصبيه تجاهل سؤالي وش كنتي تقولين؟؟
انتقلت عصبيته لي قلت بنرفزة ليه تخبون عليّ أشياء سخيفة
ما لها داعي تتخبى
بسام بحده لتين مو وقت المشاكل الحين
صرخت بغيض وقت المشاكل الحين.. قول لي وش سالفة هالآلبوم ومين اللي فيه ؟؟
رمى الجريدة ع الأرض وبصوت مرتفع لما تتكلمين معيّ توطين صوتك وبعدين هالآلبوم متعلق بالسالفة القديمة
وشاله فتحه وحطه قدامها
هذي إنتي !!
والصورة اللي بجوالي مركبة لي معك
وهالصورة لي أنا وبندر يوم توقيع عقد الزواج ارتحتي الحين!!
مسحني بنظرة تفحص وهو يلف عني
بهت بصدمة بندر! وعقد زواج!!
وقفت قدامه
كل الصروح والأوهام اللي كنت بانيتها بالشهور اللي فاتت
رميتها بحجارة
قلت بأقل طاقة عندي
: بسام ريحني قـ...
أشر بيده بهدوء خلاص لهنا وكفاية جا الوقت اللي لازم تعرفين فيه كل شي
ضميت نفسي أهدأ القشعريرة اللي سرت بجسدي من صوته...
ترآآك ملكي// علم هالبشر تستريح..!
طلع راكان وبيده دفتر وقلم كان يذاكر
:مام بسام ولتين بيتخانقون
أول ما قال هالكلمة طلعت لين وجهها مصفر
سكتوا كلهم
الغرفة كانت قريبة من الجلسة الخارجية وصوت بسام واضح
جيهان بتعقيدة اش صار لهم؟؟
عبدالله توتر يكره يشوف بسام ولتين يتخانقون
مهما كانت مسويه يظل مع أخته
أخته يتيمه وما تحتاج قسوة زيادة
كفاية اللي عاشته
ضغط ع كفه إللين ابيضت
بندر يتنهد هدي أعصابك عبدالله يتخانقون ويرجعون يتصالحون إنت أدرى فيهم
نجد وهي راجعة كانت تشوفهم من الشباك
جلست بزفرة شكلها لتين عرفت السالفة !
آلبوم الصور معهم
بدر يمسح ع شعره هذا اللي كان بيحصل الحين وإلا بعدين أحسن عشان يتحدد مصير علاقتهم
رويدا يمكن تنتهي المشاكل إذا عرفت
بشير بحده ليه ما شفتي الأخ بإيش مصرح
قالك ترك إيطاليا عشان حبيبته الشقية
الله يقلعه
تاله بنغزة دام رويد رجع بتستمر المشاكل
رويدا بصوت واحد
: وأنا بينكم ما أبغا طاري رويد ينجاب لا بخير ولا بشر
رفعت حاجب اعتراض يلدا وسكتت مرغمه مثل البقية
مصيبة لا غديت بين [حلمك والصحو]
لا واقعك يحتمل ولا حلمك مكتمل..!
لمار يمه الحمام جاهز يللا جيبيه
طيب دقايق ماما ناظرت فيصل بابتسامة
فيصل تعال شوفه نايم الحين وشلون نروشه
ضحك بحب وهو يقرب من سريره
نايم براحة
شكله المسالم يستخسر الواحد يصحيه
شلته لازم يقوم ماما من أول تنتظر
ظل نايم
انتبهت ع فيصل عقد حواجبه
ليه ما تحرك؟؟
ابتسمت طالع عليك يحب النوم
ما رد عليّ وأخذه من يدي حركه
.....ما تحرك
جات ماما
لمار ويـنك ما بعد يقوم؟؟؟
وجات حبيب جدته فديته أنا
تسمرت بمكاني
فيصل يحركه بين يدينه المرتجفة
وماما بدت تخاف عليه
أخذته وش فيه بسم الله عليه
فيصل بخوف ناظرني بحده ليه ما يتحرك ؟؟ ليــــــــــــــــــــــــــــــــه؟؟!
هزيت راسي برعب من الفكرة ودموعي تهل
لااا وليد ماما وليد حبيبي....
ما كان يتحرك
عيونه الصغار مغمضه بسلام للأبد......