اول شئ احب اعتذر عن غيابي وتاخري الايام الماضية
كانت مشاغل عملي ما تتيح لي ..
انضباط التواجد .. او التركيز المطلوب لحسن المشاركة والتعقيب
وكأن ضغط العمل ما كان كافي،
والحمد لله لا اعتراض،
من يومين طاح على اصبع سبابتي الايمن رف كتب ..
من ثقله، بعد ما كان الاصبع طويل واسطواني ..
صار مبطط ومفطح زي "المطازيز" : )
الحمد لله على كل حال،
ونعوذ بالله من حال اهل النار
لكن .. لك ان تخيلي الان المعانة ..
وانا اكتب على لوحة المفاتيح،
بعد ما كنت اطبع بالعشر اصابع
الحين جالس انقرها نقر
وبأيش؟ مو بالسبابة .. الاسهل في طريقة النقر
لان الاصبع ملفوف بطبقات من الشاش ..
وصار منفوخ وتخين زي "الطرمبة" حق ايام زمان : )
، وانما كل مرة استعمل اصبع
يعني صار شكلي وانا اطبع، تقدري تقولي ..
زي الغراب اللي حاول يقلد مشية النعامة،
ولا هو قلدها .. ولا هو مشي صح : )
وبرضو، .. الحمد لله
طيب، ..
اتفق معاك نظريا فيما ذكرتي
لان عمليا، واضح انه ما في نتيجة ..
وانما الامور عم تزداد سوء
ومؤشرات تداعيات وانهيار المجتمع كثرت وتعددت، ..
وهذي انتي ذكرتي العنف الاسري والتحرش بالاطفال
الناس مو بس حافظة سورة "النور" يا "اسيرة"، ..
مظاهر التدين والتبشير في مجتمعنا تفوق عنها ..
مو بس بالعالم، وانما اكاد اقول بالكون
مشكلة مجتمعنا الاعرابي ..
انه، المصيبة، حتى من حيث لا يدرك ويعي ..
ان الدين عنده عادة .. اكثر منها عبادة
يعني قدام الناس اصلي، واصوم، واحفظ القران
وفي مظهري وفي كلامي مع الناس اخر تقى وورع
لكن في السر، وفي دائرة سيطرتي .. ومحيطي المغلق
اسوي السبع بدع زي سلام عليكم .. وبدون تردد
لما افكر بمثال على وجهة نظري يزيد يوصلك اياها،
ما اجد اقرب من ما ذكرته الاخت/ ملاك الشوق ..
في مشاركتها هنا اول الموضوع،
لما قالت عن واقع عايشته شخصيا،
ان اكثر هالبنات الشاذات في الجامعات ..
في كليات الشريعة
ابغى ازيد اناقشك في الموضوع ..
لكن، .. اجد صعوبة في الكتابة
فـ .. المعذرة
"أسيرة"، ..
خضورك حلو .. وكلامك حلو ..
لا حرمناك ولا عدمنك
.