[شذى الاحساس]

ساعة الفرقى


وحـانـت سـاعـة الفـرقـى وخـاطـر مهجـتـي مـجـروح
عـلـيـم الله مـــن عـقـبــك تـعـبــت ولاعــرفــت ارتــــاح


وكيـف ارتـاح ؟! وغيابـك جـرح كـل الحكـي والـبـوح
جرحـت الـروح والخاطـر ودمعـي مـن عيونـي طـاح


عطيتك مـن غـلا روحـي مشاعـر (ياعديـل الـروح)
ولاجـانــي ســـوى الـفـرقـى وذكـــرى كـلـبـوهـا جــــراح

دخـيـلـك لـيــه تـتـركـنـي؟! وتــتــرك هـالـغــلا وتــــروح
عطيتـك أصـدق شعـوري مـن أشـواق وغـلا وأفــراح

أبادلـك الـوصـل دايــم .. ويـرجـع هالـوصـل مـذبـوح
يجـيـك القـلـب متعـافـي .. ويـرجـع ممـتـلـي بـرمــاح

فقـدت الـنـوم والـراحـه / فـقـدت الخـاطـر المـشـروح
أشـــوف أيـامــي وعـمــري تـنـاثـر : كـنــه المـسـبـاح

غدى كل شي في وجهي من آثار الغلا / مفضوح
تشـوف الهـم بعيـونـي / وشـوقـي ، والـغـلا فـضّـاح

تعال أسمع صدى صوتي من فراقك غـدى مبحـوح
تـعــال ولـمـلـم جـروحــي ونــاظــر مـابـقــى وأنــســاح

انـــا مـثــل الـغـريـق الـلــي تـعـلّـق فـــي بـقـايـا لــــوح
يـقـاوم ماتـلاعـب بــه مـــن أمـــواج الـبـحـر وريـــاح

فديتـك بـس علمنـي وقـلّـي وش جــرى بـوضـوح ؟!
ترى شوقي لو أوصـف لـك علـى جمـر الغـلا فـوّاح

بنيـت بداخلـي لجلـك مـن ضلـوع الـصـدور صــروح
دخـلـت القـلـب وأغلـقـتـه / وقـلـبـي مـالــه المـفـتـاح

فـديـتــك بـطـلـبـك حــاجــه تـخـلّــي وصـلـنــا مـفــتــوح
طلـبـتـك لاتقاطـعـنـي ! تـــرى بــعــض الــغــلا ذبّــــاح

اذا غلطان في حقّك !! تـرى بعـض الزعـل مدمـوح
عسى تشفع لي همومي ودمـع ٍ فـي وداعـك طـاح

أحـاول أحبـس دموعـي وأنــا مــن داخـلـي مـجـروح
ابـي أرتـاح لاغبـت .؟! وتعبـت .! ولاعرفـت أرتـاح

وكيـف أرتـاح بــس قـلّـي وانــا مــن غيبـتـك مـذبـوح
مثـل طفـل ٍ يشـوف أمّـه واذا غـابـت عليـهـا صــاح


مما نال ع اعجاابي