ابقول لكم سالفه ....قديمه مره..
مبطي رحت لخوالي .. واثر بوه ولد خالتي يبي يعرس . يوم باركت له قال عندك شي اليوم قلت لا ... انا قلت لا احسبه يبي يعزمن قال اجل تعال برا عن السياره
يوم رحنا لسياره عطن درزن بطاقات لعرسه قال وزعهن قلت ايه تذكرت اني مشغول اليوم ابروح عندي شغل ضروري قال اقول خذهن وزعنه ولا تكثر البربره
وخذته وزعت بعضهن ومهنا بيت ببريده الا مريته من كثر البطاقات هههههه وقسم مريت اكثر من حقين التعداد السكاني هههههههه
مليت وانا اوزعهن ولاقضن ... والقاء هندي بالشارع قلت دوك البطاقات وخذ عشرين ريال وزعهن عند الاشارات على السيارات ههههههههههههههههههههه
وياخذهن الهندي ورح يوزعهن ههههههههه مايدري وش السالفه يحسبه دعايات
ودق على ولد خالتي قال هاه .. عساك وزعتهن .. قلت ماخليت ولا بطاقه تسن عندك زود عطنيهن اوزعهن هههههههههههه
يوم جاء عرسه ... ومهنا مخلوق على وجه الارض ماجاء
وللحين مايدري اني معطيهن هندي يوزعهن على الي عند الاشارات ههههههههههه
واقول للاعضاء تسن عندكم عرس ... وتبون احد يوزعهن عطون ايـآهن اوزعهن هههههههههههههههههههههههه