من هجركم دمعي على الخد سكّـاب
ومن جوركم ضاقت عليّ المداهيـل
عـزاه يـا سحـر النواظـر والالـبـاب
ضاع الوفا وانبـتّ حبـل المواصيـل
لا هـاتـفٍ يـزهـم ولا واحــد جــاب
منـك الخبـر والا العتـب بالمراسيـل
ترى الزعل من دون شرح ٍللاسباب
يجعـل لتشكـيـك الـعـواذل مداخـيـل
اللي لهـم عـاده بتشتيـت الاصحـاب
مـن يمّهـم لا تسـمـع الـقـال والقـيـل
لا من تعكّر يالغضي صفو الاحباب
عاداتهـم نصـب الشـرك والمحابيـل
وش خانة الصحبـه بـلا ود وعتـاب
وش خـانــة الـرفـقـه بـلـيّـا تعـالـيـل
لاصار قلب الخل في الخـل يرتـاب
وش عـاد يبـقـى للقـلـوب المغالـيـل