فتاة في عمر الزهـــــــور مع الحب المنثور
بالمستشفى وبخطواااات ثقيلة على محمد وساره يروحون للدكتور
محمد : السلام عليكم دكتور بنتي طايحة عندكم
الدكتور : اسم المريضة ؟
محمد : شيخة
الدكتور : مافيها شي خلاص صارت سليمه شوي انهيار عصبي ويومين انشالله وتطلع
محمد : من شنو ؟
الدكتور : ما تبي تطمن على بنتك بالأول ؟
محمد : وينها اهي امها تبي تشوووفها
مزنة : حمني حمني محمد
محمد : شفيييج ؟
مزنة : الحقني يا محمد
محمد : مزنة شفيييج قولي
مزنة تأشر ومحمد شاف حمني مصاب والدم مغطيه وراح يركض اهو ومزنة صوبه والدكاترة يبعدونهم ومزنة حالتها حالة ودخلوو حمني غرفة العمليات واهم اما صوب شيخة واما صوب حمني
محمد تردد يدخل غرفة بنته شيخة وبالأخير دخل
شيخة : يبه
محمد : شلونج يبه (( قام وسلم عليها ))
محمد : سارة لو سمحتي ممكن اقعد مع البنت شوي
سارة : محمد بدون ضغط عليها
محمد : روحي مع مزنة حالتها حاله
شيخة : ليش يبه وينها اهي
محمد تعمد محمد يتكلم بصوت عالي : حمني بالعناية المركزة مسوي حادث واحتمااال بعد عمر طويل يموت
شيخة : ليييييش منو دعمااه
محمد : ما ندري بننطره ونشوف وانتي ليش مهتمه مو هذا اللي تقولين عنه مليغ
شيخة : يمااااه
سارة : محمد خلاص
محمد : واللي يعافيج طلعي بقعد مع البنت شوي
وتطلع سااارة ويروح محمد يقعد يم شيخة ويمسح على راسها ويقولها : يبه انا ابوج اذا ما قلتي لي وشكيتي حق منو تشكين تكلمي يبه قولي اللي تبينه انا حاضر ومستعد اسمع لج العمر كله
شيخة : ههههههههه تصدق يبه ذكرتني بمسلسل
محمد ابتسم : نزين مراح تقولين لي ليش انتي طايحة وليش حمني بالعناية المركزة ؟
شيخة : يبه انا كنت ابي حمني يطلعني انت ما رضيت تطلعني بس ابرار تطلع وتخليني مع الصبيان واهو يه وبعدين (( تذكرت شيخة بدر ومو من صالحها تذكر اسمه )) ورحنا انا وياه وتهاوشنا لاني ضعت بالجمعية (( بدا التأليف )) شافني وطقني حمني انا صرخت وبعدين نمت وقعدت لقيت نفسي اهني وحمني الدكتور قالي قطني اهني وراح بس
محمد : بس يا حبيبتي انتي الحين عمرج 12 وبتدشيت 13 يعني بتصيرين مره صح واله لا
شيخة : مره يعني نفس امي
محمد : أي أي
شيخة : نزين يبه وين ابرار والخبل فيصلو وعبود
محمد : الحين اييبهم بس خلينا نتطمن على حمني
شيخة : يبه متعور اهو حيييل
محمد : لا يبه بس ادعليها بالشفا
شيخة : الله يشفيه
شيخة : يبه
محمد : هلا حبيبتي
شيخة : عطني تلفونك ؟
محمد : ليش ؟
شيخة : يبه ابي ادق على فطوم بقولها شي بس ابيك تطلع سوالف حريم
محمد مستغرب بس خذاها على قد عقلها : انشالله هاج انا بروح عند امج وعمتج وياي نزين
شيخة : أي دير بالك على نفسك
محمد ابتسم : أي مسلسل هذا بعد
شيخة : ما ادري
محمد : يالله باي
تقوم شيخة تدق على فطوم
فطوم : هاي محمد
شيخة : مالت عليج انتي وينج
فطوم : شيخوه انتي وينج دقيت على بيتكم وقالت الخدامه انتي منحاشه
شيخة : لا انا بالمستشفى صارت سوالف طافتج
فطوم : شنو شنو قولي
شيخة : انا كنت (( وتخر السالفه كلها شيخة وكيت وكيت وكيت ))
فطوم : الله ياخذج يا شويخة كل هذ1 تسوينه وما تقولين لي وهالحمني مالقيتي غيره تدرين انج هبله الحين راح تفتحين عيون ابوج عليج
شيخة :لا تخافين رقعت كل شي وجذبت على ابوي بسالفة
فطوم : عفية على الشاطره نزين انتي أي مستشفى بييي ازورج
شيخة : وييبيلي ككاو حدي ملانة ابي شي اتسلى فيه ومري بيتنا ويييبيلي بلي ستيشن قيم بوي أي شي والله حده مللل
فطوم : وليش كل هالسوالف انا انام عندج
شيخه : والله فكره
فطوم : انا بدق على امي الحين واقول لها ماشي
شيخة : يالله انطرج بسرعة
فطوم : اوكيك باي يا جميل
شيخة : باي
بصوووب ثاني عند فهد وعياله مجتمعين مع بعض
بدريه : بابا امانه الامتحانات بتخلص نبي نسافر ابي اروح استراليا كل رفيجاتي بروحون ابي اتشمس
عبود : لا حبيبتي انا بروح دبي
ناصر : يبه ابي اروح الوفرة
فهد : والله احسنكم ههههههههههه
.................................................. .................................................. ......
صوب فطوم
فاطمه تدق على امها تلفون
الجده : هلا فاطمه
فاطمه : يمه شيخة بالمستشفى وحمني مسوي حادث وبروح عندها نزين
الجده : انتي من صجج واله تلعبين ترى مالي خلقج
فاطمه : والله يمه
الجده : وييي وحسره على عيالي يا وضحه يا بندر لحقوني
فاطمه : وليين يمه مابي مناحة كلهم زيينييين يالله بروح
الجده : انتي روحي واسبقيني انا ياايه دقي على ريل اختج وضحه ونقليه اسم المستشفى
فاطمه : يبه اهم بالمكان 0000 غرفه 0000000
الجده : يالله روحي
فاطمة : باخذ ملابسي بنام عند شيخة تعرفين صغيرة ومالها حد غيري وما تقدر على هالسوات بروحها
الجده : زين تسوين يمه عفية حبيبتي وييي خلينا نروح يالله مع السلامة
فاطمه : باي
وتروح فاطمة تخم الهدوم اللي عندها والمكياج والعدسات والتلفونات القز وكل شي فيه تسلية فندق مو مستشفى لوووووووووول
.................................................. ................................................
عند الجده ووضحة وزوجها بندر
الجده : يالله يالله ودوني عند شيخة بالمستشفى يالله
وضحة : يمه هدي يمكن تجذب فطوم
الجده : لا بنتي ما تجذب
بندر : انا الحين ادق على محمد ونسأله
الجده : أي والله يا وليدي يالله
بندر يقوم ويدق على محمد : هلا محمد شلونك
محمد : تمام والله
بندر : محمد والله بغيت اسألك
محمد : هلا امرني يا اخوي
بندر : انتو بالمستشفى
محمد : أي والله انا بنتي طايحة بالمستشفى وحمني بالعناية المركزة مسوي حادث ادعيله
بندر : ما تشوف شر شيخة ولا حمني انشالله احنا بالطريج طرشلنا مسج انتو وين
محمد : انشالله سلم على وضحة
بندر : يوصل يالله مع السلامة
محمد : مع السلامة
.................................................. .......
يقوم بندر يقوم بالواجب ويدز لجميع الاهل على الحالة واهو ما يدري بهالطريقة فضيحة .
. .................................................. ....................................
في بيت محمد
فيصل : ابرار شيخة وين
ابرار : حبيبي طالعه مع امي
فيصل : صارلها يومين موجوده تعبت وانا انطرها
ابرار : فيصل انت تحب شيخة
فيصل: شيخة صج انها أذية شوي بس احبها محد يلعب معاي غيرها
ابرار : وانا
فيصل : انتي مصرية كله تدرسين
ابرار : ول ول من عيونك هذا كلام شيخوه
فيصل : تدرين شتقول عنج
ابرار : شنو بعد
فيصل : انتي راضعة من ام نيوتن
ابرار : لاااااااااا روح نام لا ادق على امي
فيصل : والله انا بنام بس انتي اذيتيني روحي درسي بناام خش خش خش خش خيش خااااااااش
ابرار : ويعة باخذ عبود ونومة عندي احسن
فيصل : احسن لان مزعج وكله يرجع وريحته خايسه
ابرار : امحق اخو باي باي
........................................
بالمستشفى وناس تطلع وناس تروح وناس تبجي وناس تفرح وهاذي حال الدنيا يوم ليك ويوم عليك
شيخة : فطوم بسج قرقه بالتلفون انتي يايه تونسيني واله تونسين حالج
فطوم : لحظه لحظه بدووووري شتبين يالهبله شتبيييييييييييين قاعده اواااااااااااعد شتبين
شيخة : شنو شبي ابي اسولف معاج وبما اني مريضة دلكيني وهمزي ريولي
فطوم : تبين اهمز ريولج ؟
شيخة : أي
فطوم : بدر حبيبي شوي وادق عليك عندي قضية واحلها أي أي لا تخاف بنشوف بعض الليلة ولا يهمك
شيخة : ما بغيتي يالله تعالي (( وتمد شيخة ريولها لفاطمة ))
فطوم تقول وتقعد عليها وطق
شيخة : خلااااااااص قومي ما ابيج تسوين شي
فطوم : لا حبيبتي انتي مريضة لازم اعالجج
شيخه : مالت عليج جذي يهمزون ترى والله انادي ابوي
محمد : ممكن اعرف شالازعاج هذا
فطوم : محمد
محمد : انتي ولا كلمة عبالكم ما اعرف سوالفكم