يالي للعطله ناطر
كل مره وأنت مسافر
لوتدري لك أم خاسر=حياتك بتنكدها
اخذ سلفه من حسين
مقابل راتب شهرين
سلفه زياده ع الدين=اليامن عاد يسددها
حجز على اول رحله
أول يوم من العطله
شرق وشمال وقبله=للوناسه ينشدها
أول ماطار الطيار
من مدرج المطار
ثم تعلى وستدار=على الوجهه يحددها
وتجهتم ع بيروت
للوناسه لاتفوت
حط الكوره خله يشوت=على المرمى يسددها
كل يومً وانت بحفله
وقتك خلاك بغفله
نفس الهواء منقفله=تكفى نفسك جاهدها
لايلعبك الشيطان
مع افلان ومع افلان
أمل قلبك بالأيمان=حسناتك لاتبددها
قض العطله ببلادك
مع أهلك وام عيالك
ترى والله أحلا لك =راحة نفسك تجدها
خذهم معك لطايف
عرفهم بالمصايف
جوء أبها والله كايف=نعمة ربي نحمدها
مر مكه وخذلك عمره
تنفعك بيوم النفره
والمولى تمشي بأمره=التوبه دايم جددها