رحت لطبيب الهوى أبغى يداويني "=" من جرحي اللي بقلبي مارضى يبرى
يومه سمع قصتي ولوعة سنيني "=" صرف لي الليل والدمعات والذكرى
قلت العفو ذا علاجك مايسليني "=" أنا جروحي خطيرة وكلها قشرى
أنا جروحي سبايبها نظر عيني "=" الغالي اللي بتلويع الهوى أدرى
راح وتركني نسى أنه مصافيني "=" نسى غرامي نسى محبتي العذرى
شهرين من غاب مافكر يواسيني "=" ماكنت أظنه يباع برخص أو يشرى
دكتور تكفى جروحي حيل تكويني "=" ضيعت قلبي وروحي دلّني المسرى
طلبتك الله يادكتور داويني "=" متى جروحي تطيب وعلتي تبرى