[صدق النوايا]

تغيب الشمس ويطل الشفق وابكي من الضيقه=انا في كل عصريه احس اني غريب الدار
اخافك يالغروب ومن خلقني الله ما اطيقه=احس ان الفراق ايدور في جوف السكون اعصار
أذا لون الشفق يشبه شفاتك ما ابي ريقه=واذا عقب الحنان افراق انا كلي اسف واعذار
واذا جا اليل والحلم الجميل تخاف تحقيقه=نصيحه لا تنام الا اذا وجه القمر لك جار
غريب الشعر لو حزن القلوب ايزيد تشويقه=وانا شعري تشبع بالغرابه والقلوب اسرار
انا ما قلت لك ان التلذذ بالعذاب احيان توهيقه=وانا اذكر قلت لي موت بعذابي يالرفيق امرار
وانا اشهد للعيون اللي كسلها فيه ترويقه=وانااشهدللخدود اللي خذت من حمرة الازهار
انا اشهد لا تبسمتي ترك قلبي معاليقه=يفز لطاري الغيمه ويعشق ريحة الامطار
رغم كل الجفاء همسك شروق احب تصديقه=اخاف الشمس لو غابت يكون اخر غروب صار