من أرشيفي
وكان لها مناسبه جميله وغاليه كيف لا وهي زواج ابن عمي ونسبنا لقبيلة عزيز جدا على قلوبنا قبيلة عتيبة
واهدي هذه الابيات لمن يدرك ان الاهداء له
حيا الله عتيبة وشمر والحضور= ترحيباً احلى من حليب أبكارها
حيا الله عتيبة وشمر والحضور= أعداد ما هلت علينا أمطارها
حيا الله عتيبة وشمر والحضور = مني وأنا اللي عارفاً مقدارها
وخلافها يا مرحباء والعلم نور =من شاعراً لكم وقف بأزهارها
في ليلة كله سروراً في سرور= وحضوركم هو بنها وأبهارها
بأسمك يابو مشعان والله ما تبور = وليله فرحنا طيبها حضارها
دجت ابستاينه واخذت أحلى الزهور= والشعر وهبه من عليم اسرارها
ومن عقب ذالك يا محمد لك تدور = شفني لها واقف وانا بيطارها
مبروك يا شبلاً له الخافق يثور = وعسى لياليكم تطيب انوارها
مبروك ياللي ما يجي منك القصور = مبروك ياللي ما تهاب أخطارها
وكلاً وفعله يابن عمي ومخبور = ولا يدرك العليا ياكود أحرارها
قلته وانا من صلب عما لك غيور= عمك اليا شان الزمن جبارها
ابوي منهو للفخر طيب وعطور = صدر المجالس لا طلبت مصدارها
ذيباً به الفزعة وله عزم وصبور= وفعايله مثل الوسام أخبارها
وما دام ابوي اللي على الجزله يثور= فأنا بعز ونارنا بوجارها
خليفي المنشى وغيثي والسرور=اني دغيري والضياغم كارها
من روس من ببيوتهم تلقى الجزور = شمر حمات الملتجي واجوارها
الحمد لله شمري والدين نور = مسلم ورجلي بالهدى مشوارها
حيا الله عتيبه وشمر والحضور= من فايز الفايز بختم أشعارها