من عآدتي صآمت ولآنيب بحكآي
ولايعرفون النآس مزحي وجدي
ارقب نجوم الصبح واسابق خطآي
واقطع دروبي واسري الليل وحدي
واصبر على المقدور وابث شكوآي
للواحد اللي عآلم كل سدي
ولآخآب ظني في إلآهي ومولآي
الهآدي اللي للمخآليق يهدي
لآبخل بموجودي ولامنْ عطوآي
وابذل من المعروف والخير جهدي
واكحل عيون الخصم وعدّل الرآي
واقدح شرآر العلم والزند زندي
مانيب لاعنتر ولاحآتم الطآي
لكن لي من منهل الطيب وردي
دآيم مع اهل الطيب بآيع وشّرآي
منهآج ابوي ونهج خآلي وجدي