تحياتي للجميع
ابياتي وخواطري المتواضعه كمسجّات ,, ارجوا ان تنال اعجابكم
ودّي وتقديري
مدخل ,,,
تخضع لك أحرفي مُذعنة ً بكبريائها ...!
غير مكترثه بأنفتها ... فهي لك ... بكل مافيها ,,,
من احساس صادق ينبض باالاشتياق لرؤيتك واحتواء معانيك ,,,
أتعلم ...؟
لست ُ الاّ برعم صغير يريد ان يستظل بظلّك ....
فهلاّ احتويته ..؟
ــــــــــــــــــــــــــــــــــــــــــــــــــ ــــــــــــــــــــــــــــــــــ
تسمح احبّك ...؟
تسمح احبّك واسكن بدوحة اشعارك
........................................ وتصير الي ظل ّ ٍ واصير الك دار
ماهمني /ابيـع جنتي وابدلها ابنارك
........................................ دامك قــدام عيني وحبّـك لي مدار
ــــــــــــــــــــــــــــــــــــــــــــــــــ ـــــــــــــــــــ
ياطير وينك ؟ تراي في حراويك
................................ لاتحسب غيابك / سهل ٍ عليّـــــه
غريبه بدونــك / قلّي وين الاقيــك ؟
................................. وين الاقيك ؟ ياحي ّ ٍ ذبح حيّـــــه ...!!
ــــــــــــــــــــــــــــــــــــــــــــــــــ ــــــــــــــــــ
ابي اعرف تفاصيلك
.................... ابي اعيشهـــا بليلك
ابي من دفى حروفك
...................... ابي ارتــوي سيـــلك
ــــــــــــــــــــــــــــــــــــــــــــــــــ ـــــــــــــــــ
مشاعرك حسّيتها واسهرتني
........................... ياخــوفي لاتبيّــح كنينــي
الله حسيبـك ليتها مااغرقتني
........................... ومن عذابك ربّي يعينـــي
ليه اخفيتها عقب ماذوقتني
.......................... وعقب ماذقتها / ماتبيني ..!!
ــــــــــــــــــــــــــــــــــــــــــــــــــ ــــــ
اقفي ..! واضغط على قلبي لجل انساه
....................................... ارجـــع / والاقيني باالحيل ولهــــانه ..!
احسب اني سريت / واثري على مسراه ..!
........................................ اعــــود المكاني / واشوفني ابمكـــانه ..!!!
ــــــــــــــــــــــــــــــــــــــــــــــــــ ــــــــــــــــــــــــ
انا اتمنــــاك ... لكنّي اهابـــك..!
............................ ماتشـــوف قلبـــي على بابــك
مدري / هو البلا فيني ومنّي ..!!
............................ او سحــرك الطاغي من اسبابك ..!!!
ــــــــــــــــــــــــــــــــــــــــــــــــــ ـــــــــــــــــــ
دامها صارت لعبة حروف
.................. وتبي تقلّـــبها باالكفـــوف
فاانا خــارجه عن لعبـــــك
.................. والله يهنّيـــك باالهنــوف
انــــا كــــذا ربّي خلقـــــــني
.................. شامخه ونفسي عيــــــوف
والوجه من الوجه ابيض
.................. لاتطوف حولي ولااطوف
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
ياملهمي بلغنا نصف الشهــر
............................ وانا بحبــــال حبّـــك اسيـــــر
يامقيّدني شوق يكفيني سهـــر
............................. وش غايتك متعبني / مايصير ..!!
ــــــــــــــــــــــــــــــــــــــــــــــــــ ــــــــــــــــــــ
مخرج ,,,
ياسيّدي
لستُ الاّ فتاةٌ بسيطه بعفويتي
لاتملك الاّ احساس صادق
لم تتوقع ان تُلهم اقلام الشعراء ..!
ولم تتعمّد ان تُشغف القلوب حولها ..!
فعذراً لك سيّدي
إن اسأت لك من غير قصد ..!
المــــــــــــــــــدى ,,,