يبه
وش يعني الموت..؟
يبه, ليه أنادي ولا أسمع صدى صوت
وينك..؟
أطوف القبر..مرّه..و مرّه.. ومرّات
وينك..؟
هو كذا يعني ممات..؟
يبه ماني على خبرك كبرت وشابت عيوني
..........................أسلي نفسي بالدمعه عسى الدمعه تواسيني
يبه.. مـات الأمل كلّه ولا ماتت بي ظنوني
...........................أظنّ الخير في غيري ولا أدري وين يوديني
يبه
عسى قبرك مهو ضيّق..!!!
عسى مـ تعاني,,
يبه..دخيلك..لا تنساني
أنا ذخرك..وأنا أسمك
وأنا قسمك..وأنا رسمك
يبه..أبـ أبكيلك دموعي لين
أضوّي من دموعي شمع
يضوي قبور الطين
أنا دمع..
ما أسمعك..!! معاد بي سمع,,
يا مقابر جاوبي منهو ينادي فـ الظلام
..........................جفّت شفاهه ودمعه تحترق منه الجفون
شايبً في جسم شاب وبيّح الحزن الكلام
.........................من يجاوب صرخةً شابت لها كل العيون
يبه!!
بسولف لك!!
لا تخاف..بح صوتي..وأبـ أهمسلك
يبه..مدري علام الحظ يعصاني
ما جفيته,,
بس..ليه يجفاني..؟
نسيت الناس.. والإحساس
وبرضوا..تناساني!!
تركت صدور خلق الله وجيت آبـ أسكن بـ جوفك
.............................ولا أدري ليه ما تسمع عسى مرّه تجاوبني
أنـا مدري عن عيوني.. إذا تولـه علـى شـوفك
..............................و لكـن قلبي متشفق على شوفك مجننّي
يبه!!
يقولون إنّي بعدك يتيم!!
هو صحيح أنا مثل ما قالوا
يبه..هـ الحظ صاير لئيم
تصدّق..يمكن علي أحتالوا
تعبت آقلّب ألبومك ودمعي يغسل غباره
.....................يا ليت آشوفك بـ لحظه واقبّل كفّك وراسك
انا يآ أبوي أببكيلك مدام الدمع بي ناره
.....................يوّلع شاحب جفوني ألا يا عين وش بآسـك