[مـ الشوق ـلاك]

اقتباس المشاركة الأصلية كتبت بواسطة مـ الشوق ـلاك المرأة تنزعـج اذا شبهتها . . بالرجـل ( الإنسان ) وتكونْ في قمة سعادتها اذا شبهتها بالغزالّ ( الحيوان ) في مقابل ذلك . . الرجلّ لا يتقبـلّ ان تشبهه . . بإمـرأة ( الإنسان ) بينـما تكرمه اذا شبهته . . .بالأسد ( الحيـوان ) أحلام مستغانميّ

^_^ مسائكم رضى وطاعه
بالنسبه للمقتبس فوق بتحدث عنه وش صار فيه
بس قبل

في حين نستقي دروس من الوالد اطال الله في عمره
ومره كان يعلمني انا وأخواني اذا انت متيقن
وحاس وقت نقاشك انك صح لاتتردد ابداً ولاتتنازل عن قرارك
الأهم انه يكون صائب اما ان كان خطأ ومتأكد انه خطأ
خلاص تنازل ولكن بأقتناع مو تهرب
حتى بوقت ورقة الأختبار

المهم بالنسبه للمقتبس أعلاه
كنت بيوم انا وأخوي الكبير سوالف
فجأه قال لأختي الصغيره شكراً ياأحلى غزال ^_^
وجا في بالي هالكلام المقتبس وقلت له
بقولك شي انا قريت كلام يقول

انو المرأه تغضب لو شبهناها بأنسان مثلها الي هو الرجل
وتفرح لو شبهناها بحيوان الي هو الغزال
والعكس بعد الرجال يغضب لو تشبه بأنسان مثله المرأه
ويفرح لو قلت له ذئب مع انه حيوان

<< انا وقتها كنت اتكلم من الناحيه العلميه
يعني مو متأثره بهذي الكاتبه الي اول مره اسمع عنها اصلآ وأقرآ لها
فأخوي قال

ابو نواف: ايه اغضب واعصب اجل يشبهوني بحرمه
انا: افهم انا مو قصدي انو لمن يشبهونك بالمرأه انها حرمه نعومه وأنوثه وكذا لا انا اقصد كونها انسان ميزه الله بالعقل عن سائر المخلوقات
الذيب حيوان والغزال حيوان ماأرضى احد يشبهني بالحيوان
مثلها مثل الكلب والحمار (( الله يعزكم))

ابو نواف: لا هم مقصدهم بالتشبيه لمن يقولون لك ذيب اسد بصفاته
انا: افهم انا اعرف وش قصدك بس انا اتكلم بالعقل ومن الناحيه العلميه

<< طبعاً في طبع العناد معروفين انا وأخواني ^_^
دخلت ماما من قوة النقاش وتحسبنا بنتهاوش
واخواتي الصغار خافو اننا نتشابك بلأيدي <<< امزح لاتصدقون
بس كل وحده تقول خلاص اسكتو خلونا نتابع التلفزيون

ابو نواف: ملاك الشعار والأدباء وابو أياد مادري وش اسمه اتذكر قال اسمه*_*
وفي صحابي اسمه اسد مادري يشبهونه بلأسد

قلت انت ليش مو راضي تفهم ..
انا اقولك لو جينا بالعقل ولاحظنا

قاطعني وقال ملاك انتي من قايلك هالكلام ^_^
قلت والله انا قريت بس مافهمت مثلك
فهمتها من الناحيه العلميه

انا ادري انهم يشبهون المرأه بالغزال مو لأنها غزال حيوان
عشان الجمال ويشبهون الأسد مو لأنه اسد حيوان عشان قوته وشجاعته

قريت هالكلام بالنت وحده اسمها احلام مغامسي مدري وش اسم ابوها

فقال: اها اسمها احلام مستغانمي
لاتقرين لها كثير ترآ هذول يأثرون فيك وأنتي ماتدرين
ولاتنسين انك دعوه وأعلام ومتخصصه بالدين اكثر شي

فقلت: اصلآ انا ماأقرأ لها واول مره اشوف هالكتابه بس انا فهمتها من ناحية ثانيه
وانت فهمتها بشكل ثاني وعجزت تفهم الي بوصله لك

دخل اخوي الثاني والوالد
ووصل الحكم فقلت السالفه ووافقني فيها الوالد
وقال بعد اخوك معه حق من ناحية وجهة نظره ومن ناحية مو أي احد تقرين له
قلت والله اول مره اشوف لها وغير كذا انا ماهمني من الي كاتبها
وماهمني صدقها وكذبها انا خذتها من الناحيه العلميه وش فيكم انتم

<< ترآ ماعصبت

اخر شي قال اخوي خالد.. تدرين انتي وأخوك
فاضين ^_^ اجل هذا موضوع تتناقشون فيه

قال الوالد بالعكس احسن شوف كيف حذرها من هالكاتبه
وهي كيف وصلته لفكرتها وهو وصلها فكرته

بعد جهد جهيد طبعاً