[••[ آلعًٍآنِْيَ آلآسٌِِِّيَرٍ ]••]

خَبرت الوقت والدّنيا ونا توّي ولد مغرُور
صغِير السّن غضّ العُود توّي مابلَغ مدّي


كبَرت وشفت بعيُوني كيف الحال يلفّ ويدُور
لزمت الصّمت في قلبي ساكِت حافظٍ سدّي

قرِيت التّجربه مرّه وحرف التّجربه مذكُور
حسَبت التَجربه تلقين وأثِر التّجربه عندِي

عقلت الحآل والدّنيا وأنا قبل العقِل معذُور
ولكنّي غديت اليوم أبدّل صيفي ببردي

تدَاعت يمّي الدّنيايضرِب جالَها بالصّور
صور قدبنيتَه سنين أساساته على قدّي

وأنا قدّي صبر صابر وصبري فايض ومنثُور
أجلد من بغاني بشرّ وأصفق غدره بيدّي

الا يادنيتِي هونِك ترى ما العن من المخطُور
اذا ماحدّت الدّنيا قسى المُوت في حدّي

واذا ماجتني الدّنيا تسأل خاطرك مكسُور
ضحكت وقلت يادنيا خذِي منّي بعض ردّي

تبي الحين يادنيا أنزّل دمعتي مقهُور
وربّي ماأنزّلها ولو غلطَه على خدّي

أنا صبري تعلّمته قبل أولَد بتسع شهُور
تعلّمته وأنا نطفَه ورثته من صبر جدّي