صاحبي لاعذبـوك النـاس صيـح
............... وأخـذ ماقلتـه وحطـه مانشيتـك
كان خايـف بيتـك بقلبـي يطيـح
............... أحطب ضلوعي ودعمّ سـور بيتـك
انت أول وآخـر الحـب الصحيـح
............... تسقى عروقي غلا حتـى أرتويتـك
في لسانك تقلـب الشعبـي فصيـح
............... وفي هدوئك صحوتك تشبه مبيتـك
نظرتـك إشعـاع للكـون الفسيـح
............... ضحكتك ترسم ملامح أوبريتك
خطوتـك تعـذب الهـم وتـزيـح
............... كل ما تمشـي بأحاسيسـي مشيتـك
جيت لك من غربة أيامـي جريـح
............... وأنت صحيت المشاعر يوم جيتـك
تدري وش يفرقك عن غيرك صريح
............... لجل هذا بعـت غيـرك واشتريتـك
تدري وش عذّب خطاي إنك تبيـح
............... غلطتي وتقـول ياعمـري فديتـك
تدري ليه الهم غـادي لـه فحيـح
............... شافني لاطحت من همـي نصيتـك
كل ماهزت غصون الشـوق ريـح
............... ألتفـت وألقـاك وأفـرح لا لقيتـك
لو يكون الوقت في وصلك شحيـح
............... لا تفكـر يـوم فــ غيابـك نسيـتـك
ليلـك المجنـون فينـي يستبـيـح
............... كل شـوقٍ داخلـي حتـى سريتـك
أجلـس بقلبـي وخلـك مستريـح
............... دامني بالحـب والشـوق أحتويتـك
أنت مايكفيك مـن شعـري مديـح
............... قبل تقرانـي باحاسيسـي قريتـك