اختي في صمتها حكايه
مشكوره على الدعوه
هو المشكله من الطلاب والمعلمين
واحس ان المتهم الاول المعلم
لان نادر ما نشوف معلمين محترمين مهنة التربيه والتعليم
يعني على سنوات دراستي
16 سنه وشوفي كم مدرسه ومدرس مروا علي
اللي احترمهم واقدرهم واحس انهم مثلوا هالمهنه ينعدون على الاصابع
واتذكرهم لانهم اثروا فيني
المحترم يحترم
واللي غير كذا راح يمر عليه طلاب يعاملونه زي ما عاملهم
لان اذا اللي عقله المفروض كبير ومتعلم صغير
كيف نتوقع ردة فعل الطلاب
فيه معلمين ينقلون مشاكلهم الى المدرسه
فيه المريض نفسي
فيه العدواني
وفيه وفيه وفيه
تتوقعين هذي نماذج تحترم
نطلب من الطلاب انهم يحترمون الاساتذه في وقت الاساتذه عكس هالشي الا من رحم ربي
ويالله يقومون بعملهم
وتبين الصراحه تستفزني المقولات اللي نكررها
مثل قم للمعلم ووفه التبجيلا كاد المعلم ان يكون رسولا
لان مقولات زي هذي وغيرها ان قالت في مناسبه معينه ولشخص معين وفي زمن معين
مو عدل ان احنا نجمع الصالح والطالح فيها
انا اقدر المعلم اللي فاهم مهنته صح
اللي يحبب طلابه في مادته
اللي يقرب الطلاب له
اللي يحترم الطلاب ويفرض احترام الطلاب له
لان اذا توفرة هالصفات في المعلمين
راح ينصلح حال الطلاب واهلهم لان ردة فعل الطلاب والاهل ردة فعل طبيعيه من اللي قاعدين نشوفه
حتى لو كانت ردة فعلهم دائمه وعلى كل مدرس لانهم صاروا ( الطلاب والاهل ) في حالة دفاع مستمره عن نفسهم وعيالهم حتى لو كانوا اخلاق ومتربين احسن تربيه
مشكوره على الموضوع الرائع
الله يعطيك العافيه