وش ذآ اليوم كله مواقف ^_^
كأنه يدري ان في احد ينتظر يومياتي
الظهر جزر والمغرب حشرااات
بالبدايه
أشكر كل الي مروو
طبعاً اخر شي كنت عالجهاز وقفلته وطفيت انوار غرفتي
على انووو ببنااام
بس عجزت انام وأخر شي
فتحت روايه وجلست أقرآ فيها
وبعد ماجاني النوم جلست اقرا من أربعه الى سته المغرب ^_^
الا خيتووو تطق الباب انزلي جدي وصل
طبعاً جدي أبو مامي الله يطول بعمره يارب
وكنت ابي اصوره بس هو يعصب مايحب فديته
فبالموت تغافلته وصورة طرف من رجووله وهو يكلم بابا
طبعاً هو كبير مره بالسن ولازم أرفع صوتي على بال مايسمع
^_^ فديته الله يخليه لي احبه يجي بيتنا مره
اخذ راحتي معه اكثر من بيتهم لأن زوجته الثانيه
دايم بس تقول يووه خلوووه بيعورك حلقك موب سامع
حتى أحياناً خوالي اعصب منهم لمن يسألهم عن
شي بالتلفزيون في مسلسل او شي
هم يطنشونه أحياناً وأحيانا يقولون اصبر لين تخلص ويعلمك
فدايم اطفي عليهم التلفزيون ياتعلمونه يامافي تلفزيون^_^
واليوم لمن كان عندي رن جواله مسج من الأتصالات ياقلبي أهو رفعه يحسبه احد يدق
وقلت له انو جدي هذا رساله موب احد يدق
يالبى قلبه
وهنا
شربنا الشاهي وعقب
قال يالله انا برووح قبل لاتظلم الدنيا لأنه مايعرف يسوق بالليل
فلما جا يطلع متعودين انا وأخواتي نمشي معاه لمن بابا الشارع نودعه يعني
بس انا هالمره ماطلعت وجدي يحب يطلع مع هالمكان
بابا القرآج اخواتي مع ابوي كانو طالعين معه
وبما انو بيتنا مليان اشجار أحيانا نشوف حشرات غريبه تطير
وهالحشره غريبه اول مره نشوفها ماحسينا الا
بأختي الصغيره قرصتها وأختي عاااد دلووعه مره مره ادلع شي بالكون^_^
وجت عندي وهي تبكي واختي الثانيه من وراها تضحك وانا اضحك على شكلها
وبابا جا من وراها ويقول وش فيكم وش صار
الى هي تبكي وانا ضحك على شكلها <<أجرام
وأختي الثانيه بعد تضحك معي وقلت روحي بسرعه جيبي مسحه طبيه وبلاستر
وراحت وبعدها طلعت اختي الثانيه بتوري الوالد مكان الحشره الي انقرصت
فيها الا المسكينه تجيها بعد قرصه ^_^
وثنتينهم صياح وألم وبابا بنموت <<دلوعات ترى مره
لمن قالو بنموت خلاص انا معاد قدرت اتنفس من الضحك
وأبوي يضحك معاي وماما والشغاله كلنا واقفين
وكل وحده مكان القرصه صار احمر وصار فيه زي الورم
وكننا فلم هندي بنموت يقطعون يدي بابا
اخر شي قال ابوي يالله للمستشفى
انااقوله بابا خير بيضحكون بيقولون قرصة حشره عادي
قال وش اسوي فيهم خلهم يريحون
وراحو والحمدالله طلعو سليمين من القرصه ^_^
وبعدها كلمت
غلا روحي مرة اخوي وعلمتها بسالفة اخواتي وضحك طبعاً اغلب المكالمه على اشكالهم
ونظر عيني بابا الله يطولي بعمره
وقلق هذا ولد عمي اكلمه عن بعض الأشياء متسلفها مني وأبيه يرجعها ^_^
وأخيراً الكل توجه لغرفته وبابا طلع لأعماله
وأخواتي متعودين بس يصلون العشا ينامون
وانا رحت غرفتي ودخلت هوون
وبكذا يكون خلص يومي لأني بجلس شوي وبطلع انام
وأشكر اخوي بدر على أستضافته
ويالله بنتظار يوم عضوو اخر
مـ الشوق ـلاك