بداية يوم كسووول
بما انو مافي جامعه بسبب الأستعداد الأختبارات
صحيت الساعه اربعه ونص عشان صلاة الفجر
وبعد عشان اصحي اخواتي الصغنونات للسكول^_^
تحملو الفضايح والصور موب ذاك الزود
^_^ تفريش الأسنان وغسل الوجه
وبعدها
فرشة سجادتي وصليت الفجر وانتظرت لمن طلع النور بعدها
رحت أصحي اخواتي
وعادتي منذ مبطي احب اجلس بمكان معروف بالبيت وهالوقت
يعني على سته الصباح قبل الشمس ماتطلع مره
طبعاً يصاحبني بهالمكان يادفتري يالاب توبي
وأحبه هدووء طبعاً عشان كذا اجلس فيه هالوقت
بعدها رجعت انام لأني لمن اكون صاحيه من النوم ماحب اكل على طول
ولمن جت الساعه 11 تقريباً صحيت ومثل عادتي بعد اجلس بذا المكان
يمكن ساعه ^_^
تسريحة غرفتي تعرفوون حوسة بنات ^_^
والبنت اذا ماجلست تناظر روحها بالمرايه وتشوف وش التطورات بشكلها
وتحط من هالكريمات
مهيب بنت ^_^
وبعدها نزلت للمطبخ عشان اشوف وش أسوي عالغدا
وبعد أصلح لي فطوور
وهذا كان فطووري وكنت افطر واكيد
اتابع التلفزيون وكانت مامي معي طبعاً
وانا افطر جا الوالد وقال الحين بيقرب الغدا احد يفطر هالوقت^_^
خلني ماشوفك عالسفره
طبعا الوالد عنده نظام ياويل الي مايجلس عالغدا
حتى لو ماتاكل اهم شي موجوود لأنه الوجبه الوحيده
الي نجتمع فيهابحكم انشغاله :(
بعدها قال لي ملاك أبي عصير جزر<< وش هالمسكه يابابا
انا قلت خلاص بكره الصبح ان شاءالله
قال لا عالغدا ابي عصير جزر
انا اقول احد يشرب مع الغدا عصير جزر
طيب طيب ولا يهمك اسوي لك
طبعاً هو طلع يجيب خواتي الصغار من المدرسه
ولمن عصرته حصل لي موقف محرج
كان وقتها بابا توه رجع وانا جبت الأله حقت العصر
وجهزت كل شي وبديت احط الجزر
اعصره ونسيت احط في المكان الي ينزل منه العصير كاس
حتى يتجمع العصير طبعاً كنت واقفه اعصر
العصير وماما وبابا يناظروني وانا ماأنتبهت ان فيه شي
جالس ينكب على الأرض أثاريني أعصر من هنا والعصير
ينكب مع الجهه الثانيه شوي الا احس في شي جا على رجولي (الله يكرمكم)
الا أشهق ويقول ابوي وش فيك الأله خربانه ورا العصير انكب
قلت أقول وماتعصب قال قولي
قلت نسيت احط الكاس <<<دوروني وجهي صار ألوان ماحب اغلط قدام أبوي
كل الي قاله .. قال ملاك انا ودي اعرف من ذا الي ماكل مخك وانا أوريه
احد ينسى اهم شي قلت وش أسوي نسيت ^_^
قال طيب سماح هالمره ^_^
وخلص العصير وهذي صورته
وهذي صورة الغدا ^_^
يتبع