[ماجد العساف]

/
/



يَآرب ,
فـ القلب هم ‘| وعندك افراجه


نآصر نآم على الكنبة الكبيره .. ..

يراودني الغرام اللي رفض كل الـدروب وجـاك
............. وتكامل بالحضور العـذب ، طيفـك لـو هجرتينـي



/



في السياره

نجود & نوف : السلام عليكم

نايف : وعليكم السلام ..

نايف يحرك السياره : حي الله بنات الرياض .. تو ما نورت السياره

نجود تبتسم له : الله يحييك .. .. ونوف ساكته ..

نايف : وش في الحلو زعلان ؟

نوف : لا عادي ..

نايف يناظر نجود بالمنظره .. : نجود ..

نجود و ماهي عارفه ليه مستحيه كذا وكنها بتشقق من الحيا : هلا احم
(بصوت أعلى ) هلا

نايف : هلا فيك .. بالله وش رايك بهالصوت .. ؟ (شغل اغنية اسمحيلي يالغرام )

نجود تناظره بالمنظره وتنزل عيونها : .......

نايف : .........

وصلوا لقصرهم قبل ما تكمل الاغنية .. وقف الصوت نايف ورد سأل السئوال مره

ثانيه : ما قلتيلي رايك ؟



نجود ودها تبكي .. تعشق هالاغنية وتذكر نايف لما تسمعها .. : حـلـ وه

نايف : أعشقها .. أموت فيها ..

نجود تحاول ما تناظره (طب وش اسوي لك ؟ .. حسبي الله على عدوك يا

نايف .. لازم تناظر فوجهي منحرجة ) ..



نجود أول ما وصلو للقصـر .. : تصبحون على خيــر ..



نايف بابتسامة : ههههههه فمآن الله نجيد .. ..

نوف : أنزل ؟

نايف : لا خليني أقرب عند الباب .. بعدين ألبق السياره ..



/

صباح الورد ..!
...............................يا ريح الورد
.................................................ياعطر الشوق وَ الكادي ..
صباح الفل ..!
وحزني ملّ .................................
............................. من احراقي وَ إخمادي ..



غرفة نوف

الغرفة كانت ظلام .. ونوف متغطيه بالفراااش .. أمس ما نامت زين ..

بس صحت وهي مرتاحه .. صحت من النوم وتحس انها ارتاحت من بعض

الهموم


نوف تروشت ولبست للجامعة ونزلت ..

نجود في الصاله : هاااااي

نوف برعب : بسم الله .. خوفتيني .. من وين طلعتي ؟

نجود توقف : ممممممم صارلي ساعه انتظر هنا .. بيتكم وراه ميت اليوم ؟

نوف تمسك يد نجود و باين عليها الفرح : طيب يلا خلينا نطلع للجامعه

نجود وهي حاطه فبالها انها راح تناظر وحده مكسوره . ضايق صدرها ابتسمت

بقوه : أيوه هذي نويف ..

نوف : ههههههههههههههه

/
/


في مكتب الهندسة المعمارية



نايف بمكتبه الواسع .. ما شبع نوم ووده يغفى شوي : آآآآآىىخ ..


أحمد جالس ويحاول ينتهي من حاجه بيده : علامك ؟

نايف : أبغى انام .. دااااااايخ

أحمد : ما تقول عندك العصر روحه للشركه ؟

نايف : وهذا اللي دابل كبدي .. والله اني دايخ . أدور الفراااش

أحمد : أجل اطلع ارتاح لك كم ساعه عشان ما ترقد عند جدك

نايف : هههههههه شكله هذا اللي بيصير

أحمد : حكيت مع ابوك عن موضوعنا ؟

نايف ما يدري وش يتكلم عنه أحمد : أي موضوع ؟

أحمد بخيبة أمل : أفا .. ! ترا نبغى القرب منك .. لا تجنني .. انت ناسي ؟؟؟

نايف وارتسمت عليه ابتسامه : هههه ايه تذكرت .. الله يهداك وفيه أحد يحصل

مهندس محترم زيك ؟ ايه يا بن الحلال كلمته .. انت بس خلني اتزوج وافتك و

أتفضى لك




أحمد ربع يدينه : ياخي انت والله غريب .. عمره أحد قالك ؟

نايف ببرود : ههههههه ممممممممم كثير والله .. بس انت وش اسبابك !

أحمد : فيه أحد يقول خلني أتزوج وافتك واتفضى لك ؟ قسم بالله حسستني

انك رايح تأدي واجب و ما تصدق متى تنتهي منه وتتفضى لأمورك الأهم ؟

نايف وكن أحمد جابها ع الجرح بس صادق : تامر بشي احمد ؟ ( وقف يبغى

يطلع )

أحمد باستهزاء : سلامتك بس لا تنسى تعزمني على الزواج ...

نايف قبل ما يطلع من الباب : يحق لك تضحك .. .. سلآآآآآآم


/
/




الجامعة


نوف طلعت من المحاضرة وعيون البنات عليها ..

لما تمشي بجنبهم .. تنبسط لما تشوف عيونهم طلعت من كثر الخز ..

تفرح لما تشوف الغيره بعيونهم .. أشكالهم مره واضحه . وملامحهم ما يقدرون يخفونها ..

طلعت ودخلت الكفتيريا .. جلست مع صاحبات الدراسة ..

اتصلت فيها تبوله ..

بتول : تعالي عند الموووووووج الاخضر ..

نوف : ياااااي تبوله وربي توني جالسه .. خليني آخذ نفس .. انتي ليه ما
تجين . ؟ بعدين من وين جبتي اسم الموج الاخضر ؟

بتول : اففففف نويف يا كثر أسئلتك .. والله الجو هنا خيال .. بعدين بلا زحمة
بلا وجع قلب .. طيعيني تعالي

نوف تسحب كتابها : ممم جايه .. مع السلامه بناااااااات

بتول : يلا لا تطولين .. ترا اخاف لحالي ..

نوف : فديت البراءه والطفوله .. مو بلابق ..

بتول بدلع : مممممم حطي عينك بعيني

نوف بخساره : والله انتي الدلع والبراءه كلهااا .. يلا شفتك (تأشر لها بيدها )


/
/

شقة أبو تركي ..


عبدالعزيز ماسك الباب .. : ما تطلع يعني ما تطلع ..


ام تركي : تعوذ من ابليس .. وش شايفها انت ؟؟ ما تشوف العبايه والغطا ؟؟؟

عبدالعزيز : لا والله ؟ وهناك تلبس هاللبس ؟

الجوهره بصياح : وش شايفني لابسه أخ عزوز ؟؟؟ هذا لبسي من زمان ولو

فيه شي امنعوه بالجامعه


عبدالعزيز : بلا جامعتك تبن .. حمار اللي دخلك فيها


الجوهره تحط يدها على قلبها وعيونها منصدمه وتناظر بعزوز أكيد يقصد تركي:

حمار يا عبدالعزيز ؟ من تقصد ؟؟ من تقصد يا نذل




عبدالعزيز جنت جنونه .. سحبها من عبايتها وكنها حيوان : انا نذل يا كلبه .. لا

تغلطين لا والله لأحرمك من الجامعه



الجوهره بصياح : آآآآآآآآىه .. ليه ما تحكي معي الا لما يطلع ابوي .. فكني آآآآآآآىه

عبدالعزيز : الله يخليك وين طالع يعني ؟؟ شركة عادية وماهم مقدرينه

الجوهره دموعها نزلت بقوه بقوه بقوه وفكت يدينه : كيف يقدرونه وولده ما قدره

؟ (فتحت الباب وطلعت تلحق على ابوها يوصلها زي دايم .. مشكله عزيز ما


يحكي قدام

ابوه لأنه خواف .. مافيه شخصيه .. يحسب كل الناس مثله قليلين حيا واخلاق ..

يحسب اخته زي البنات اللي يعرفهم .. اذا انعدمت الثقه بين الاخ واخته بسبب

الشك وظنون الخطا


راح ينفتح باب كبير من الزعل والهواش والكره و الحزن )

على كثر العيون اللي ضحكت لي مابكت لي عين
................ بكيت ومالقيت لدمعتي عين تواسيهـــا




الجوهره تمسح دموعها على الدرج .. ما تبغى ابوها يحس ان فيها شي : صباح الخير

ابو تركي بابتسامته اللي تسوى الدنيا وما فيها : يا هلا ويا غلا .. بالله وش أحلى من هالصباح ..

الجوهره بضحكه مسموعه : هههه

ابو تركي : اختك راحت لبزرانها اليوم ؟


الجوهره تذكرت ان ساره بالحضانة .. والا كان دافعت عنها قدام الحقير : ايوه .. داومت ..


ابو تركي : متى تطلعين اليوم ؟؟


الجوهره : الساعه 3 ا شاءالله

ابو تركي : تراي بوقف يمين زي كل يوم ..