منتديات الـــود - عرض مشاركة واحدة - || ~ قصة سعودية رومانسية [ أسئلك باللي خلق قلبك اكرهني ] هنـآ وحصرياً ع الود .. |~

ماجد العساف · 30-04-2010, 06:09 AM

/

بهالليله محد ارتاح ..

سامي كل تفكيره فبنته منيره اللي رافض زوجها العرض والاسف وبناصر اللي ما يعرف طريقه دور بكل مكان الا المزرعه ..

وسلمى اللي كل يوم تحس انها راح تفقد حاسة النظر بسبب بكيها الدايم .. واللي ما يخلص

والا ابو خالد اللي يطمن الناس على حالته وهو نفسه ماهو متطمن .. يحس باحساس غريب اول مره يجيه ..

وام خالد اللي ما ترقد الليل سهرانه عليه .. تناظره كل ما ارمش والا كح والا تحرك

وخالد اللي كل تفكيره كيف يقنع ابوه ويربح هالصفقه (صالح) وكيف يكسر خشم اخته نوف ..

ونايف اللي ما يعرف الايام وش مخبيتله .. كيف ياخذ وحده تافهه سطحيه كريهه .. وهو فوق هذا يعشق اختها ؟؟

والا نوف اللي ما ارتاحت من وقت ما ناظرها ناصر آخر نظره .. النظره اللي كانت بعيونه غريبه للحين ماهي فاهمتها .. ما ارتاحت بحياتها اللي كانت تشوف انها اسعد بنت في العالم .. كل شي متوفر لها .. وفجأه فقدت اشياء كثيره .. اشياء مره غاليه .. تلتفت يمين تحس بغصه تلتفت شمال تحس بضيقه تحط راسها عالمخده وتبدا سلسلة التفكير اللي ما تنتهي ..

||~ مخنوق ! لكن ماادري ليه انا مخنوق
ضايق ! ولا ادري ليه بالحيل ضاآايق !!

ثوب الصبر من حزن الأيام مشقوق
واليا سألوني ، قلت : بالحيييييييل رايق!

احيان ، ودك ترتفع للسما فوق ..
تطيييير / تبعد ، ماتشوف الخلايق ! ~||

/

اما ابو دانه وام دانه .. ما يعرفو كيف يخلو دانه توافق على نايف . وين لهم وجه يرفضوه .؟؟؟

ودانه هايمه بعبدالله لحد الجنون .. عاشقته وعاشقه حتى السلبيات اللي تشوفها قدامها .. وعلى تتحول لايجابيات اتوماتيكا ..

اما نجود الله اعلم بحالها .. اختها راح تهدم حياة نفسها وحياة نجود
معها .. اذا حكت راح تخرب حياة الكل .. باستهتارها الي ماهو غريب
عليها .. لكن نجود جالسه تنتظر اللحظه اللي تناظر فيها كل شي ينهدم
قدام عينها وهي جالسه تبكي وتندب حظها .. ما توقعت حبها لنايف يكبر
كل يوم .. وكل دقيقه تعجب باخلاقه وروحه اكثر من الدقيقه اللي قبلها ..
وتشتاق له حتى وهو موجود ..

|| ~ أحسب السالفه ‘‘ نظرهـ ’’ و احسب ان الغرام ’’ اعجاب ‘‘
الين ان صرت بـ غ ــيآبـهـ / اضيق بـ داخل ثيابي .,. ~||

اما ساره تجلس كل يوم على هالشباك .. احساسها يقول ان ناصر راح
يدخل زي كل يوم يبوس راسها ويحط راسه وينام من التعب ..

وبتول ما قدرت تنام من التعب .. كل ثانيه تقوم وتاكل من هالمهدئات
وترجع تنام ربع ساعه وترجع تقوم .. غريبه حالتها !

/

الكل كان يحسد محمد وسعد .. يفكرو بأن لو يرجعو صغار كل واحد منهم
اكبر هم عنده انه يشتري اللعبه الفلانيه او يستعير اللعبه الفلانيه او كيف
يلعب بهاللعبه .. !

بس الواقع .. كل ما كبر واحد منهم سنه كل ما زاد همه ضعفه مليون
مره ..

وهذي هي الحياه !

هذي هي الدنيا متاهات واحزان ** كلن يدور راحته ما لقاها
!

30-04-2010, 06:09 AM	رقم المشاركة : 85
ماجد العساف ( وِد ماسي ) اوسمتي مجموع الاوسمة: 1	/ بهالليله محد ارتاح .. سامي كل تفكيره فبنته منيره اللي رافض زوجها العرض والاسف وبناصر اللي ما يعرف طريقه دور بكل مكان الا المزرعه .. وسلمى اللي كل يوم تحس انها راح تفقد حاسة النظر بسبب بكيها الدايم .. واللي ما يخلص والا ابو خالد اللي يطمن الناس على حالته وهو نفسه ماهو متطمن .. يحس باحساس غريب اول مره يجيه .. وام خالد اللي ما ترقد الليل سهرانه عليه .. تناظره كل ما ارمش والا كح والا تحرك وخالد اللي كل تفكيره كيف يقنع ابوه ويربح هالصفقه (صالح) وكيف يكسر خشم اخته نوف .. ونايف اللي ما يعرف الايام وش مخبيتله .. كيف ياخذ وحده تافهه سطحيه كريهه .. وهو فوق هذا يعشق اختها ؟؟ والا نوف اللي ما ارتاحت من وقت ما ناظرها ناصر آخر نظره .. النظره اللي كانت بعيونه غريبه للحين ماهي فاهمتها .. ما ارتاحت بحياتها اللي كانت تشوف انها اسعد بنت في العالم .. كل شي متوفر لها .. وفجأه فقدت اشياء كثيره .. اشياء مره غاليه .. تلتفت يمين تحس بغصه تلتفت شمال تحس بضيقه تحط راسها عالمخده وتبدا سلسلة التفكير اللي ما تنتهي .. \|\|~ مخنوق ! لكن ماادري ليه انا مخنوق ضايق ! ولا ادري ليه بالحيل ضاآايق !! ثوب الصبر من حزن الأيام مشقوق واليا سألوني ، قلت : بالحيييييييل رايق! احيان ، ودك ترتفع للسما فوق .. تطيييير / تبعد ، ماتشوف الخلايق ! ~\|\| / اما ابو دانه وام دانه .. ما يعرفو كيف يخلو دانه توافق على نايف . وين لهم وجه يرفضوه .؟؟؟ ودانه هايمه بعبدالله لحد الجنون .. عاشقته وعاشقه حتى السلبيات اللي تشوفها قدامها .. وعلى تتحول لايجابيات اتوماتيكا .. اما نجود الله اعلم بحالها .. اختها راح تهدم حياة نفسها وحياة نجود معها .. اذا حكت راح تخرب حياة الكل .. باستهتارها الي ماهو غريب عليها .. لكن نجود جالسه تنتظر اللحظه اللي تناظر فيها كل شي ينهدم قدام عينها وهي جالسه تبكي وتندب حظها .. ما توقعت حبها لنايف يكبر كل يوم .. وكل دقيقه تعجب باخلاقه وروحه اكثر من الدقيقه اللي قبلها .. وتشتاق له حتى وهو موجود .. \|\| ~ أحسب السالفه ‘‘ نظرهـ ’’ و احسب ان الغرام ’’ اعجاب ‘‘ الين ان صرت بـ غ ــيآبـهـ / اضيق بـ داخل ثيابي .,. ~\|\| اما ساره تجلس كل يوم على هالشباك .. احساسها يقول ان ناصر راح يدخل زي كل يوم يبوس راسها ويحط راسه وينام من التعب .. وبتول ما قدرت تنام من التعب .. كل ثانيه تقوم وتاكل من هالمهدئات وترجع تنام ربع ساعه وترجع تقوم .. غريبه حالتها ! / الكل كان يحسد محمد وسعد .. يفكرو بأن لو يرجعو صغار كل واحد منهم اكبر هم عنده انه يشتري اللعبه الفلانيه او يستعير اللعبه الفلانيه او كيف يلعب بهاللعبه .. ! بس الواقع .. كل ما كبر واحد منهم سنه كل ما زاد همه ضعفه مليون مره .. وهذي هي الحياه ! هذي هي الدنيا متاهات واحزان كلن يدور راحته ما لقاها** !