المدار الثاني /(ضاق الصدر والروح ماعاد به روح)
بعض القوافي تنعش القلب والـروح=مثل الزلال اللي مـن النبـع صافـي
تروي عطاشا الحرف والضيقه تروح=ويسج به من عاش هجـر وتجافـي
ماهو غريب الحرف لاجاك له ضوح=يضوي كما بدر(ن) على الكون ضافي
يمشي بنوره كـل هايـم ومجـروح=وفي روعة انغامه تبـوح الخوافـي
والا كما مجد(ن) على قمة اصـروح=له ميزة(ن) مابيـن شعـر وقوافـي
هذاك ابو ريـان بالطيـب ممـدوح=حرفه جزيل ويعشـق القـاف وافـي
راع الكرم والطيب له بـاب مفتـوح=مفتـوح بابـه للضيـوف اللوافـي
يضحك حجاجه والصدر دوم مشروح=يغنيك عرفه عـن خطـاة الهلافـي
بسند عليه القـاف واشفًـر البـوح=حيثـه فهيـم وبالمهمـات يـافـي
الحال ياغازي من اسبـاب مملـوح=حالي نحـل والفكـر فيـه اختلافـي
ريمية(ن) والحسن طاغي ومفضـوح=منها الجمـال يغـار ويقـول كافـي
متكمله بالزيـن والصـوت مبحـوح=زينه يخون الوصف شي(ن) خرافـي
ضاق الصدر والروح ماعاد به روح=راح وتركنـي واختفـى مايشـافـي