مدخل..~
وسويره راحت البر
تجيب العيش الاحمر
وتحطه في الصواني
علي جيه خوالي
خوالي يا دلالي
يامعيضدي وهلالي ..
يمديكم على المدخل ^_^
السلام عليكم ورحمة الله وبركاته
بكل سنه تجي الجنادريه وتروح ماحبيت اروح لها
والسبب مافيه سبب بس مادري ماكنت حابه
وهالمره طلعت لها بتشجيع من قريباتي
وانبسطت كثير رغم ماشفت من شوية مسخره من البنات والشباب^_^
عموما صورة بعض الصور ومو مره بالتصوير بعد
بسبب الزحام والرجال وحوسه فما اخذت راحتي بالتصوير
بس قلت بنزل بعض منها
هذا قسم عرض اعمال المساجين
طبعا هم يعملون لوحات وتنعرض للبيع
والمبلغ الي تشتري منه العمل يكون للسجين لمن يطلع
وهذي بعض من الي قدرت اصوره
طبعا هالصوره استخدم فيها الطين
والفلين كما شرحت لي وهاللوحه قيمتها 10000ريال
منظرهم عالطبيعه احلى
اشغال يدويه بعد للمساجين
وهذي وقت اول كيف يعاقبون المساجين
والكلبشات لليدين والرجلين ^_^
وكان بجد قسم روعه واخذنا منه الكليجا
والبيتي فور حقهم مره لذيذ ^_^
واكيد التمر
^_^
هذا قلت له لمن اخذنا من عنده أقط
ياعم ممكن نصورك
قال ايه يابنيتي عادي ^_^
احب كبار السن الله يطول بأعمارهم
طبعاً هذا من ضمن محلات القصيم
.................
بعدها دخلنا أركان كثيره تتعلق بالدفاع والحرس
ومن ضمنها حرس الحدود
وشرح لناطريقة التهريب
وكيف يهربون وصورة هاللبس
وكيف صارت حرب الجنوب مع الحوثيين
كان ودي انزل الفيديو بالصوت والصوره
بس بسبب اصوات النساء ماقدرت
وهذي طائره حربيه استخدمت في حرب الجنوب
كلفتهم عند شرائها 48 مليون
ترآ ماركبت فيها ^_^
حسيت برعب لمن دخلت
هنا العرضه السعوديه
وطبعاً لكل مدينه من مدن المملكه
تلاقون مجموعه تعرض عرضتها
واكثر شي عجبتني ابها
وكان في رقص شوية حسيته غريب
في ركن القصيم صورته فديو بس
مثل ماقلت لكم ماقدر اعرضه
اكثر شي تحمست انو ادخل فرنسا
بس لأنو رحت متأخره ماحصل لي ادخل
لأنو هي تفتح من اربع العصر وتقفل بدري
فأنا وصلت هناك الساعه 9 ففاتني وهو الركن
الوحيد الي ماشفته
واقسام كثيره شفتها وصورتها
بس بسبب الزحمه التصوير مو واضح مره
واليوم طبعاً اخر يوم الي يبي يروح لايفوته ^_^
لأنه مايقفل الا الساعه 2 الليل
مخرج..~
امي تناديني
تبي تحنيني
في مله الصيني
صيني علي صيني
يارب تعطيني
واروح بيت الله
وازور حبيب الله
مـ الشوق ـلاك