برج الفيصلية <قل قسم هع تدرون عاد دام السبحة أنهلت وجبنا الاول والتالي خلونا نعلمكم بسالفة الفيصلية ^_^ هذا طالت أعمركم أول ماتخرجت من الثانوية بحايل جيت للرياض أنا وأربع من زملائي على شان نقدم على الجامعات والكليات العسكرية طبعاً هم ماعمرهم جو الرياض وانا علمي بالرياض أيام خامس أبتدائي <عاد مسوي زعيم عليهم ودليلة وانا خرطي خخخخخخ جينا الرياض وبدينا نقدم على الكليات والجامعات وزانت امورنا وفي يوم قلنا نبي نروح نتشى بالرياض , نبي نمر المملكة والفيصلية <ماعمرنا شفناها الا في طاش خخخخخخخخ وقفنا تاكسي وقلنا ودنا للمملكة و ودانا لها <طبعاً كنا مرسمين وعلى سنقة عشرة ^_* يوم جينا للمملكة رفض السكيورتي يدخلنا >ياولد يالطيب يالحبيب نجيه منا منا مافيه فايدة قلنا ياولد مافيه الأ الفيصلية >طبعاً الفيصلية واضحة لنا من المملكة قلت ياعيال ماله داعي نوقف تاكسي ونخسر فلوس هاذي هي الفيصلية بينة حذفة حصاة خلونا ندقها كعابي <طبعاً حنا نشوفها قريبة بس الواقع كان غير اللي نشوف هههههههه قالوا شورك وهداية الله , مشينا على رجولنا متجهين للفيصلية مشينا ومشينا ومشينا >المشكلة كل مانشمي كل ماتبعد الله يقلعها :( اليييين ماوصلنا بعد ماهلكنا >خوياي بغو يذبحوني وقتها يوم وصلنا برضوا رفض السكيورتي يدخلنا السوق>قلنا بلاش الله لايعود هالمشوار كله المهم بغينا نتعشى , رحنا للبرج نفسه نسأل عن مطعم >يعني قلنا اكيد البرج فيه مطعم يوم جينا عند الرسيبشن وشافنا مشخصين قلنا له : وين المطعم ياصديق , قال : تيك رايت سايد <يعني رح يمين يوم رحنا زي ماقال الصديق الأ نشوف العالم والرجال واقفين لابسين بشوتهم والبخور في كل مكان والتهاليل وشي الله لايوريكم بس ويالله حيه يالله حيه , حنا انهبلنا وش السالفة ياولد؟ <عاد انا قلت لخوياي وقتها لحووول مسرع مادرو شيوخ الرياض اني جاي <اهايط عليهم المهم طقينا زرار الرقبة وسوينا كوبرا بالشماغ والرجال يحييون فينا وحنا نقلط عليهم اثاريه عرس وحنا نحسبه مطعم <هههههههههههههههه جلسنا على طاولة وقدموا لنا العصير والقهوة والعالم بس تطالع فينا واحد من العيال قال : ياعيال خلونا لين يجي العشاء نتعشى ونملي الكرشة وننحاش ولا من شاف ولامن درى عاد انا قلت لا ياعيال مالها داعي انا معروف بالرياض هالحين يشوفني واحد ويقعد يشره علي مالها داعي <اهايط عليهم مرة ثانية انا الصراحة أوجعني زرار الرقبة اللي من اليوم طاقه ولا عادي عندي <هههههههههههههههههههه قلت مشينا بس مشينا , قمنا ناوين نمشي قال اللي كانه المعزب وين يالربع ؟ العشاء العشاء قلت الله يبارك لكم والله الوالد يعتذر ماقدر يجي ويسلم عليكم جميع يالله فمان الله وعلى طول تاكسي وعلى الروضة واقرب مطعم بخاري بلا فيصلية بلا خرابيط يعني جمعتي شيئين احبهم في هالصورة ^_^ انا والله احب قناة الساحة كثير <أدري اني غاث بعض حلفائك بها يعني انا من محبي الشعر والمحاورة .. والقناة رائدة في هالشي وكذلك تنقل مزاينات البل اللي هي ذروة غرامي وهواي ^_^ مابلاش الأحراج ذكرتيني بالسطوح الله يكفينا وياكم شره ويقدرنا على تركه :)
(.. وداع وكلمة التوديع اسف ..!