حبيبي ما كفاني في الحظور الصوت والصورة
ولا طفت لهيب الشوق ثنتين تحلاني
سقى الله ليلتا فيها القمر غاب وطفى نورة
بعد ما سلمك يا نور ليلي وجهه الثاني
سقى الله يوم كان الحب غصن نقطف زهوره
عسى الريح اللي رمتبه تنام ويسعد الجاني
حبيبي علها تكبر جروحا منك مغمورة
نصيبا جابني لك باتجاه الشمس والداني
ذخرت أغلى شعور وكل خفاق وذخوره
لعينك يا الجريح المستريح القاصر الداني
وشلتك داخل الوجدان حملن لذني جوره
ولو اشغلتني واشغلتبي تفكير خلاني
ابولع لك الدنيا قصايد عشق منثورة
وبعزف بك نغم للحب يا قيثارة الحاني
عليك عيون الناس وكل قلب ضاق بشعوره
تمنتك العيون وجيت يا عيني تمناني
احبــــــــــــــــك
كيف ما حبك وأنا اللي بنا لك سوره
على جمرا يدفي بارد شجونك من شجوني
حبيبي والمشاعر فيك مختالة ومغرورة
تدلل وأنت في ساحة غلاي اليوم وحداني
وإذا ملت خطاك الدرب مسموحه ومعذورة
تناساني دخيل الحب لو تقدر تناساني