قالو غلا قلت اه عزي لحالي
لولا الغلا ماصرت ضايق ومعلول
قالو صحيح ان المحبه قتالي
قلت ايه !!قالو وانت ماصرت مقتول؟؟
قلت الحقيقه يازحول الرجالي
القتل قتل افراح وقلوب وعقول
اضحك لو ان القلب تايه وبالي
الجسم معكم لكن العقل مشغول
مشغول في غيبة حسين الدلالي
راعي الشفاه اللي بها الهرج معسول
غاب وعن اسباب الجفا ماحكالي
ومدري عقب ماغاب عني وش اقول
مرت ليالي من بعدها ليالي
مااوحيت له صوت ولاشفت له زول
من حب لو ينقال صدره شمالي
يقلب جنوبي من غرامه على طول
احاول اسلى بس مانيب سالي
لاحول من فرقا المواليف لاحووول
وسلامتكم
بقلم العنادي