[~ أسمحـ خطآكـ ~]

(( لا تحســـــب ان دمعي نزل دون سبّه
ابكي من الفرقا وهي مابـــــــــعد جات ))

/

/

/

لـــيس بالضروره أن نكتب مايتماشا مــــع
واقعنا في بعض الأحيان
نلمس آلام غيرنا فنجدنا نعيشهاااا
أعجبتنــــي قصيده ابن فطيس

ليه المسا عوق الشقـاوي وطبه
وليه الهبوب تصحي القلب لا بات ؟!!

وليه القمر يدعي جريح المحبّه

ويقول له يا هيه .. ما فات .. ما مات ..

جرحك ظهر لو قلت للوجه خبّه

وللحزن في ضحكك رسوم وعلامات ..

وليه المطر بالذات ريحه وصبّه
كنّه رسول بين الاحباب بالذات ..

اشتاق فيه لشوفتك واتنـبّه
للي نسيته من مواقف ونظرات ..

لا استانس الخافق ذكر من يحبّه
ورجع يراجع فالوناسات ما فات ..

يا مرتع القلب الحزين ومبّه
يزيين بك مثل الذهب صدر الابيات ..

هيهات ينسى القلب شخص ٍ لعبّه
وهيات يدله خاطري منك هيهـااااات

نبع الغلا عندك وعندي مصبّه
ومن الولا .. في خافقي لك .. ولاياات

وطيفك حطب عيني .. وعيني مشبّـه
والشوق برد ما انقطع لو للحظات ..

ومكانك الصدر و له بالقلب شبّـه
بين الظلوع اللي فردهـا التنهات ..

ولك بيرق فالقلب حبك يهبّه
شامخ ولا هزه من العذل غارات

محبتك فالوقت ذا ما تشبّه
الا بخيمـة بدو بين العمارات ..

ان شفتني ضايق واهوجس واسبّه
اخاف غدر الوقت .. والوقت دورات

(( لا تحسب ان دمعي نزل دون سبّه
ابكي من الفرقا وهي مابعد جات ))

اليوم كل امورنا .. مستتبّه
وبكره ماندري وش معه من مسرّات ..

اربّ قلبك مثل قلبي اربّه
ما يخلفه كثر العذل والمسافات ..