ياليـت بــوجيـه الاوادم عــناويـن
من شان عرفك للردي ما يطـوّل
اما تعرف انه من الناس الاقصين
اللـي عليهـم بالــمراجـل اتعـوّل
والا تعرف انه من الصنف الادنين
يومين يصلح لك وعقب ايتحـوّل
لا احتجت له في شي يطلع بوجهين
والحاجته لاجـاك كنـه ايتسـوّل
ياخذ ولا يعطي ولا يوفي الديـن
ماغير باعراض العبـاد ايتجـوّل
مثل البعير اللي يربـي سناميـن
يكنز على ظهر الردى لين تـوّل
هو يحسب ان الناس ماهم بداريـن
والعالمين النـاس قـولٍ امقـوّل