اقتباس المشاركة الأصلية كتبت بواسطة العـ راعي ـليا اكتم الآهات .. بالصـدر الحنـون=وأنت لاهي ما تحسِّب .. وش ( .... )! لا تورّدني على حـوض الجنـون=خاف ربك كم ضحيّه؟! .. من حلاك! واا قلبي .. اللـي تلّتـه ( ..... )=تل الضوامي يـوم شافـت ماهـا واا عيني .. اللـي كنّهـا منفيّـه!=تبكي عليها .. ما بكـت شرواهـا! أليا طـرت لـي وإنّهـا مـو ليّـه=اطلب لهـا عيـن الولـي ترعاهـا مالي جِدا ما غيـر صفـق أيديّـه=وشلون .. قلبي يـا عـرب ينساهـا اللي وصايفها .. مـ/ هي بشويّـه=الله عطاهـا زينـهـا وأرواهــا اخت الرجـال معـرّبـه ( ..... )=يا بخت من هو يـا لفا يلقاهـا أليا حكـت .. بأسلوبهـا عفويّـه=تخضِـر بقـاعٍ .. طبّهـا ما طاهـا منهـا خفوقـي ساطين بِـه كيّـه=وش حيلة..؟ اللي علّته م/ أنهاهـا! يا لايمي لـو شفـت شيّـن فيّـه=بالعـون حالـي بالشِعـر ترثاهـا غصبٍ عليّ .. قلبي تواما أدليّـه!=هاذي أبنهِيهـا .. وذِيـك أبداهـا يا ونةٍ .. بأقصى الحشـا مخفيّـه=بـ/ جرّها .. كل ما تجي ذكراهـا! بعض الحوايج .. سهله ومقضيّـه=وبعض الحوايج من يطول أرشاها؟! واللي يبي لـه .. حاجـةٍ مشريّـه=مثل الذي عينه بــ / يده أعماهـا! يا وجد حالي ويـن ألآقـي زيّـه!=كان النصيب اللي رماها .. اخطاها إن كان قلبي .. ما شِـرب صافيّـه=فأنا .. العليل اللي علـى رجواهـا! يا حيّ والله .. ذِكْـرها .. يـا حيّـه=ما دامني .. مهما شربت أضماهـا! بـكتب على .. كـف الزمـن مرثيّـه=إن كان شحّت بالوصـل .. يمناهـا. ابو ريان صح لسانك واعتلى شانك ويا حي الابداع الذي نراه منكم مبدع وشهادتي فيك مجروحة قصيدة شامخة بشموخ صاحبها مثل القمر ياذيب باين ضيه =قصايدك ياحظ من يقراها. [/quote] تقبل تحيتي وصدق مودتي لا عدمتك