[نور الدنيـــا]

الخميــــــس .. بعد يوميـــن ..
السـآعـه 10:00 صبـآحـآآ ..

دخلت للغرفه وشغلت اللمبـآت : نجوود نجوودووووهـ قومي يلا ماعندنا وقـت ..
نجود تتقلب ع السرير : وش تبين ابي اناااام ..
نوره : قومي بسرعه راشد بيجي بعد ساعه بالكثير ..
نجود دق قلبها بعنف .. افتكرت انو اليوم سفرتهـم لـ " مكـه " ..
نورهـ تسحب اللحاف عنها : يلا تحررررركي ..
نجود قعدت ع السرير وهي تفرك عيونها : زين قمت خلاص ..
نوره ابتسمت : يلا حبيبتي شناطك طلعتهم برى وخليتلك ملابس ع السرير البسيهم وتعالي واذا تحبين اساعدك او .....
قاطعتها نجود بعصبيه : مابي احد يساعدني اعرف اخدم نفسي ..
نوره بهدوء : اوكي ..
طلعت من الغرفه وراحت للصاله تقعد مع امها قبل لا تسافر ..
ام نورهـ بحزن : خلاص بتروحون يمه ..
نوره بابتسامه تهدي على امها : يمه كلها شهر بالكثير ونرجع انتي عارفه العمليه صعبه ويبيلها وقت وان شاء الله بنرجع بفايدهـ الله كريم ..
ام نوره تتنهد : الله يوفقكم حبيبتي ..
دخلت عليهم ندى : السلام عليكم ..
الكل : وعليكم السلام ..
ندى جلست جنب اختها : الللللله يالدنيا الحين انتي بتروحين لالماانيا اييييييييييه والله مو هينه
نوره : هههههه الظروف ياحبيبتي ..
ندى هزت راسها : زين ليه ماخذتوني معكم ..
نوره : ههههه والله فشله عاد كلنا شايلين شناطنا وبنسافر وبعدين وش يقول عنا الرجال ذولي ماصدقوا..
ندى: اممم اوكي عاذرتك بشررررط
نوره : امري
ندى : تجيبلي هدايا زييييين ..
نوره : هههههه ياقلبي انتي من عيوني ..
ام نوره : وش بلاك يمه روحي للمطبخ يلا وخلي الهدايا بحالها ..
ندى : اوووف الحين مافيه غيري من بعد ماراحت نوف بس انا الي اشتغل ..
راحت للمطبخ ومادرت انها بكلامها .. حركت مشاعر الامومـه والاشتياق بصدر امهـآ ..
** ام نورهـ في نفسهـآ **
آآهـ ياني مشتاقتلك يابنيتي انا وش سويت فيك وفي نفسي .. صدق الشيطان شاطر ..
ياترى وينك الحين مع مين وش تسوين .. يارب ارحمها واستر على بنيتي وين ماكانت .. يارب سامحني ع الي سويته بلحظة غضب ..
يارب رجعها لي سالمـه يااااارب ..

;;;;;;;;;;;;;;;;;;;;;;;;;;;;;;;;;;;;;;;;;;;;
في بيـت ابو فيـصل ..

الكل مجتمـع على طـآولة الطعـآم لوجبـة الفطـور ..
مـآعدآ كرسـي وآحد فـآضي !!
أبو فيصل بجديه : وينـه ؟
ام فيصل : مين هو ؟
ابو فيصل : ولدك فيصل مين بعد ؟
يارا : فصوول راقد ومايبي احد يقعدهـ ..
ابو فيصل باستنكار : نعـم ؟! اطلعي قعديـه يلا ذا الي نقص بعد ..
ام فيصل بهدوء : ياابو فيصل الولد تعبان مارجع الا الصبـ .........
قاطعها بحدهـ : قلت ينزل يفطر يعني ينزل ..
عمر في نفسـه >> وش ذي العيشه ياخي متى الواحد يعرس ويفتك << ..
يارا خافت : ان شاء الله يبه ..
وطلعت لغرفة فيصل بسسسسسسرعه ..
دقت الباب وماجاها رد قررت انها تدخل ..
لقتـه مستغرق في النوم وشخيره عالي .. قربت عندهـ ودزته : فيييصل فوووويصل ..
فيصل : همممممممم
يارا رفعت صوتها : قوم ابوي يبيك تحت والله معصب ..
فيصل فتح عيونه وتأفف : ياصباح الله خير وش يبي ؟
يارا : مادري يقول افطر معنا ..
فيصل : مابي يلا روحي وقفلي الباب معك ..
يارا : فييييصل والله لازم تنزل ..
فيصل صلح جلسته ع السرير وهو يمسح على وجهه : خلااااص زين اطلعي ..
طلعت وبعد 5 دقايق الا هو نـآزلهم تحت ..
فيصل بدون نفس : السلام ..
الكل : وعليكم السلام ..
جلس على كرسيه وبدأ ياكل بدون لا ينطق ولا كلمه ..
لمياء دزته : شوي شوي بتاكل الصحن ..
فيصل طالع فيها بجديه وبهمس : الحين ابوي وش يبي مقعدني ؟
لمياء هزت كتوفها : مايبي شي بس انت تدري انه لازم نجتمع كلنا ع السفره ولا بتصير حرب عالميه..
فيصل تنهد وكمل فطوورهـ ..

وبعد الفطـور راحوآ للصاله الكبيره الي بالدور السفلـي وجلسوآ كلهـم ..
ام فيصل وهي تصب الشاهي : حبيبي بتروح الشركه اليوم ..
فيصل : لا يمه مـ..........
ابو فيصل : وليه ان شاء الله ؟
فيصل : يبه والله حدي تعبان وطفشان ..
ابو فيصل : مافيك الا كل خير تقوم الحين تبدل ثيابك وتلحقني على هناك
فيصل بقلة حيله : امرك يبه ..
وقف فيصل بيطلع لغرفتـه وأشر للميـآء تلحقـه ..
راحت وراه وهيا مستغربه ..
طلعـوآ لفوق ودخل غرفته واشرلها تدخـل ..
لمياء : خير وش فيييك مسحبني وراك مثل الماعز ..
فيصل : ههههه اجلسي ..
جلسوآ قبال بعض .. وبان الارتباك على وجه فيصل ..
لمياء : ياليل مطولك وش فيك ..
فيصل طالع فيها بجديه : لمو بقولك شي بأمانتك تساعديني فيه انا ماني عارف اتصرف ..<< طبعا تمثيـل ..
لمياء باستغراب وحيره : قول ياخي وش فيك قلقتني ..
فيصل وبدا على وجهه الضيقه : غرام اقصد الي بتصير زوجتي ..
لمياء بقرف : وش فيها ؟
فيصل تنهد وقال بحقد : خاينه وحقيره ومابيها ..
لمياء بتفاجأ : فصوول وش تقول وش فيك ؟
فيصل وقف واعطاها ظهره : تبين الصدق يالمياء انا شفتها مديته مع واحد غريب الاخت وكاشته معه ولا هامها احد .. بذمتك هذي تصلح تصير زوجه لي ولا بضمنها بعد كذا ..
لمياء مصدومـه : .....!!
فيصل بعصبيه : لموو شوفي انا ماراح اتزوجها ابيك تفهمينها هالشي والي يصير يصيييير ..
لمياء وقفت : انزين هدي اعصابك يمكن احد يقربلها او شي لا تظلمها
فيصل لف عليها : لا بربــك .. انا سامعهم باذني احبك واموت فيك وززفت .. ( هدأ نفسه ) ابيك تروحين لها اليوم ..
لمياء بارتباك : وش اقولها ؟
فيصل جلس على طرف السرير : انا اقووولك .................

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;
" جـــدهـ " ..

قاعده بغرفتهـآ وطفشـآنه مــووت ..
لها فتره تتمنـى تجي لجدهـ .. ولمن جاتها تحس بالضيقه والخنقـه زياده ..
كل زاوية ببيتها وكل ذكرى فيها لها مآسي بقلب فررح ..
ياكثر أحزآنهـآ وياقلـة فرحهـآ ..
** في نفسهـآ **
هـه يقولو كل واحد ياخذ من اسمـو نصيب .. ياحسره عليا .. قال فرح !!
اي فرح دا .. فينو عمري مادقتو ولا حسيت فيه .. ليه حياتي كدا نكد في نكد .. هم في هم .. ضيقه في ضيقه ..
مشكله ورى مشكله .. طول حياتي مبهوره بنفسي وبجمالي وبمركزي وباسم بابا ..
بس عمري ماحسيت اني مبسوطـه بهالاشياء ؟
ليـه ماأحس بقيمة الي عندي ليه احس كل الدنيا ضدي .. ليه محد معايا ليه محد يفهمني ..
آآآآآخـ يازمـــــن تعبت واللـــه تعبـــــت ..

[COLOR=black]" يآصغر الفرح في قلبي .. وياكبر الألم والآهـ ..
تغرب في زمن هالنـآس وزود ظلمهـم بلوآهـ ..
لأنه مختلف عنهـم تبرأ من طبايعهـم ..
وغرب في سمـآ بلوآهـ .."

آآهـ كلمـآتك جات ملح على جرحي ياجســووم .. ياااااربـ صبرني على دي العيشـه ..

.
.

وفي مكان تـآني ..
مشغـل الاستريـو ومنسدح ع السريـر يسمع كلمات الاغنيه بقلبه وبعقله وبرووحـه .. يحس فيها ويعيشهـآ ..

" وفـآ وباعوهـ أحبابه وزود غدرهـم همـه ..
وشرع للهوى بآبـه وأهدر لأجلهـم دمه ..
ولكن للأسف هآنت سنين العشرهـ وشآنت ..
قلوب بالجفآ دنيـآهـ ..
صبر والصبر مافادهـ تحمل لوعة الحرمـآن ..
بدأ يرتاح وبعـآدهـ عذآب وغربتـه إنسآن ..
يآدنيـآ مالها صآحب غريبه صدقهـآ كآذب ..
تجـآزي من وفآ تنسـآهـ .."

اطلق تنهيدهـ من قلبه ..
** في نفسه **
متى بتحني عليـآ وتعرفي اني امووت فيكي ولا تسوى حياتي بعدك ..
يـآرب حنن قلبها .. والله مشتاق لها ولأيـآمها .. احس بالموت كل دقيقه وهيا غايبه عني ..
..
مسك الصوره ويتأمل فيها وفي تفاصيلهـآ .. فيها سحــر .. مهما سوت فيها شي يجذب ..
غرورها كبريائها .. حنانها الي تخبيه ورى قسوتها ..
عيونها نظراتها ضحكاتها الخبيثه ..
دلعها ورقة احساسها رغم جفافها..
كلـه حلو .. كله يجذب ..

" ولا تسوى حياتي بعد منـك ..
يحز في خـآطري بالحيل إنك ..
قدرت تعيش كأنه ماحصـل شي ..
وأنآ توي أنآ توي في نفس السـآلفه هــــي ..!! "

.
.

طق طقق طق << دقة البـآب ..
فرح ترمي البوم الصور جنبها وتعدل جلستها ع السرير : ادخلل ..
دخل وهوا مبتسم : صباح الخير ياقمر ..
فرح بحب : هلا فرووسي تعال اجلس ..
جلس جنبها ع السرير : كيفك ؟
فرح : اممم تمام وانتا ؟
فراس تنهد : الحمد الله ع كل حال .. اقلك ..
فرح : آمـرني ..
فراس ابتسم بضيقه : ايش رايك نسافر .؟!
فرح بتعجب : نسافر ؟!
فراس : يب ..
فرح : فين ؟
فراس : امممم انا فكرت نروح لميونيخ ايش قلتي ؟
فرح باستنكار : المانيااااا ؟!
فراس : ايوا اشبك ؟
فرح : اممم ماعرف بس ليه يعني ؟
فراس : والله مادري بس لسه افكر ماسويت شي ..
فرح بتفكير : طيب ونوف ؟
فراس بلع ريقه وابتسم : اشبها نوف ؟
فرح : في الرياض تستناني ؟!
فراس : ولا يهمك ياقلبي نقعد في الرياض اسبوع ولا اتنين ونمشي على هناك ..
فرح : مادري والله .. طيب واخواتي بيروحوآ ؟!
فراس : انا جيتك بالاول اخذ رايك واخواتك ماعليهم بالذات فدووش بتلاقيها قبلنا في المطار
فرح : هههههه على قولك .. انا ماعندي مانع بس بشرط نروح الرياض اول ؟
فراس ابتسم : ماطلبتي ياحلوهـ .. انا دحين رايح اكلم امي ونشوف ..
فرح هزت راسها بابتسامه : الله لا يحرمني منك ..
فراس : ولا منك .. يلا عن اذنك ..
طلع من الغرفه وهيا قعدت تفكر .. يمكن هالسفره تغير فيها جو وتنتعش نفسيتها ..
وخصوصا انها وافقت على سفرة مصـر ..؟!
يعني الدراسه والكرف جايها فلازم تروح عن نفسها قبل لا تسافر للقاهرهـ ..
ومنها تقضي صيف حلو مع اخواتها وامهـآ وحبيبها واخوها فرآس ..

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;