الجزء الثامن عشر:
نوره: تقدر تقول دلع والا مايحق لنا نتدلع؟؟؟؟؟
زيد: الا يحق لس ونص..إذا ماتدلعتي انتي من هو اللي بيتدلع؟؟!!!اقول النوري قومي البسي خلينا نطلع نتعشى برى وهو يمسكها مع خصرها وهي تضحك ويدفها للغرفه عشان تبدل ويدخلها ويسكر البارب ويرجع ينتظرها برى بعد ماطلّع تنهيده قويه طلّع فيها كل هم كبته..واثقل كاهله..!!!!!!!!!!!!!!!!!!!!!!!!!!!!!!!!
الله يلعن الشيطان ..ويلعن الغباء اللي نزل علي ذاك الوقت وشلون مافكرت اني راح اجرحها..كيف سمحت لنفسي أأذي الإنسانه اللي اعتبرتها ذاتي..اعتبرتها نصف روحي اللي قسمتها بيني وبينها...وين كان عقلي؟؟؟آه يامزنه..يحق لس تزعلين...ويحق لس ارضيس بكل مااقدر..وكيف بترضيها ان شاء الله..؟؟؟؟كيف تقدر تشرح لها اللي انت سويته في لحظة غرور وغباء..ايه غباء..!!!من زمان وانا اقول انك غبي..وبتموت وانت غبي..ياغبي!!!!!!وضرب راسه بيده..وسحب القلم وقعد يكتب في دفتر مذكراته..اللي بيظل طول عمره هو صندوقه الأسود..صندوق همومه ومشاكله..وهو يقول في نفسه مجرد ماترضى مزنه علي احلف بالله اني ماعاد اكتب فيك..بس خلها ترضى علي....
يمه يعورس شيء..؟؟؟؟؟؟؟؟؟؟؟؟؟؟؟
ام سعد:لا...لايمه مافيني شيء..ماغير دواء السكر ماكليته خل مزنه تجيبه لي قبل لاتطلع...
سعد: الحين انا بنفسي اجيبه لس..بس هو وينه فيه؟؟؟؟؟؟؟
ام سعد وهي تسكر عيونها وتبلع ريقها من شدة التعب:على المكتبه يمه..
راح سعد..وجاب العلاج لأمه وجاب معه كوب ماء..وعطى امه الحبه وكاس ماء وحب راسها وراح لمزنه يقول لها تنتبه على امها وطلع وقلبه مع امه.............!!!!!!!!!!!!
بعد ماطلع سعد وخلصت نشر الملابس على حبل الغسيل دخلت للبيت وراحت تجيب القهوه والفطور عشان تقهوي امها وتفطرها..لقت امه جالسه على كرسيها بس منزله راسها..وصبت بيالة حليب ومدته على امها لكن امها ماخذته..
مزنه:يمه..يمه نمتي..وقامت ترفع راس امها عشان تقوم لأنها ملاحظه من امس ان نومها كاثر..ولما رفعته شافت زي الرغوه البيضاء على طرف فم امها..هنا طاح قلبها في رجليها..قامت تلمس راسها تشوف معها حمى ولا لا..واول شيء تبادر لذهنها انها لازم تدق على سعد عشان يجي ياخذهم للمستشفى ولما ضغطت على إتصال سمعت الجوال يرن على الطاوله..صرخت صرخة واحد قليل حيله..واحد ممكن يموت من القهر..وطاحت من طولها..ماتحملت الموقف بالعاده لاتعبت امها نوره اللي تباريها وتعرف تتصرف في هالحاله..رجعت مسكت الجوال بتدق على نوره..لازم نوره توصل إلى هنا في اقل من دقيقه لازم............!!!!!!!!!!!!!!!!!!!!!!!!!!!!!!
محمد قام على صوت الرنه الغريبه..ولما فتح عيونه عرف انه جوال نوره اللي يدق مهب جواله..وناظر بالشاشه لقى مكتوب فيها"همال المزون"..ففتح عيونه بقوه وقعد يشاور عمره ارد ولا ماارد؟؟! وفي الأخير قال ماارد احسن..ولكن الجوال رجع يرن اكثر من مره..وشوي وصله مسج مكتوب فيه"الحقي علي امي تعبانه"..!!!هنا ماقدر محمد يستوعب على طول اتصل على جوال مزنه من جوال نوره..وردت عليه مزنه بسرعه وصوتها ابد مهب واضح كله بكاء.........
محمد:مزنه خير عمتي وش فيها؟؟؟؟؟؟؟؟؟؟؟
مزنه ماانتبهت للصوت:الحقني يازيد امي بتموت..وشوي يروح صوتهامن البكي..تكفى يازيد الحق على امي....
محمد: خلاص انا جايكم الحين لبسيها عباتها وبجي آخذكم..وسكر قبل مايسمع شيء ثاني..وقمز من السرير وراح للمغسله وغسل وجهه على السريع وبدل وطلع يركض..وقابلته هند يركض وارتاعت..
هند: محمد خير فيه شيء؟؟؟؟؟؟؟؟؟وش فيك تركض؟؟؟؟؟؟محمد؟؟؟
لكن محمد مهب فاضي يسمعها..كان كل همه دموع مزنه..مستحيل تبكي عشان عمتي تعبانه شوي اكيد فيها شيء؟؟؟وطول الطريق وهو يدعي انه يوصل في الوقت المناسب..وكلها سبع دقايق الا وهو واصل للبيت..ودخل السياره في الحوش عشان يشيل عمته اللي ماتقدر تمشي..ونزل يركض يدق الباب...
فتحت مزنه الباب بسرعه وهي تبكي وعبايتها عليها..ولما شافت محمد صارت تأشر له على الغرفه..ماكان همها انه محمد اللي عذبها..كل همها ان امها ممكن تموت بأي لحظه..وفي لحظات بس طلع محمد بمرت عمه للسياره بمساعدة مزنه..وركبت مزنه مع امها وهي تبكي وسيده عالمستشفى...!!!!!!!!!!!!!!!!!!!!!!
زيد:خير النوري وش فيس..؟؟؟!احس انس مهب طبيعيه..انتي باقي زعلانه مني؟؟؟؟؟؟؟!
نوره بقلق: ابد ماشي ان شاء الله..بس احس اني متضايقه شوي..احس اني قلقانه مدري ليه..زيد الله يخليك ابي نمشي ذالحين لمكه عسى تروح مني هالضيقه لاشفت الحرم..
زيد: ابشري باللي يرضيس..انت بس آمري..يالله جهزي نفسس عشان نروح للميقات..
محمد الله يخليك بسرعه.. تكفى ياولد عمي مالنا غيرك ذالحين..الحق على امي..ويرجع صوتها يروح من البكاء..!!!!!!!!!!!!!!!!!!!!!!
محمد اعصابه مشدوده عالآخر..وزادت شدتها مزنه ببكاها اللي مستحيل يتحمله..كل شيء ولا ان مزنه تبكي..اي شيء انا ممكن اسويه الا ان مزنه تبكي..مع كل دمعه تنزل من عين مزنه..تتدفق عشر قطرات من دم محمد..وكلها دقايق الا وهو واصلين طوارئ المستشفى..نزل محمد بسرعه يطلب سرير..وفي لمح البصر نزلوا ام سعد من السياره ودخلوها المستشفى..وبقت مزنه في السياره من الصدمه لانه شافت امها ماتتنفس.. إلى ان جاها محمد..
محمد:مزنه وش فيس قاعده..امشي انزلي خلينا نلحق عليهم..
مزنه:.......................!!!!!!!!!!!!!!!!!!!!
محمد بخوف: مزنه تسمعيني؟؟؟؟؟؟؟؟؟؟؟؟؟؟؟؟؟؟؟؟؟
هنا مزنه فقدت شعورها ..نزلت من السيارهوتمسكت في يدين محمد وجلست تبكي:تكفى يامحمد لاتخلي امي تموت ..تكفى!!!!!!!!!!!!
بعد هالكلام فهم محمد ان اللي الحين قدامه شخص خارج التغطيه..شخص علّق كل الآمال على ظهره..في هاللحظه تمنى محمد يضم مزنه لصدره ..لكنه مسك يدين مزنه ورفعها لصره في لحظة جرأه ابد ماكا ن وقتها..كان يبي يحسسها بالأمان ..يبي بس يهديها ويريحها..لكن تجري الرياح بما لاتشتهي السفن..دخل وهو ماسك يد مزنه في يده بكل قوه..بحيث كانت مزنه في لحظة إستسلام..وكانت شبه فاقده لوعيها وتركض في كل اتجاه بهستيريه واضحه..!!!!!!!
زيد:هاه النوري..باقي متضايقه..؟؟؟؟؟؟؟؟؟
نوره رفعت راسها من فوق حافة السرير وناظرت زيد بكل تعب كانت عيونها حمراء ووجهها اصفر..وشكلها كئيب..ابد مهب هذا وجه نوره حبيبته..اللي إذا ناظره وهو مهموم ينشرح صدره..ونزل بسرعه إلى ان جلس قدامها وقال: خير نوره وش فيس؟؟؟يعورس شي؟؟؟قومي قومي..اوديس المستتشفى..!!!!
نوره:زيد انا خايفه..خايفه..تكفى لاتخليني..لاتخليني؟؟؟؟؟؟!!!
زيد ضمها وقالك ماراح اخليس لو وش صار..انتي بس قولي لي وش انتي خايفة منه؟؟؟؟؟؟؟؟؟؟؟؟؟؟؟وجهس اصفر وحالتس تعور؟؟؟ريحي نفسس وتكلمي!!
نوره: مدري احس ان بطني يرجف من داخل وجسمي كله يرجف..احس اني مهب مرتاحه..فيه شيء مهب مريحني..زيد انا ماكلمت امي اليوم..وقامت بسرعه تدور جوالها عشان تدق على مزنه تسألها عن امها..!!!!!!!!!!!!!!!!!!!!!!!!!!!!!!!
هند:فايز الله يسعدك دق على محمد شف وينه فيه طلع من الساعه تسعه يركض من غرفته وشكله متروع غير مدري من وش...وادق عليه ومايرد علي..دق عليه انت يمكن يرد عليك...
فايز وهو يفرك عيونه:تلقينه طلع يشتري له اغراض يوم ان سفرته قربت..ريحي اعصابس واطلعي خليني انام..!!!!!!!!!!!!!!!!!!!!!!!
هند بملل:اريح اعصابي..!! الا يابرود اعصابك بس..الشرهه مهب عليك على اللي جاية تفتزع بك..وطلعت بتمشي....!!!!!!!!!!!!!
لكن وقفها فايز يوم قال:والله ماتطلعين وانتي زعلانه ابشري باللي يرضيس وانا اخوس..ومحمد لو تبين احضّره لس الحين!!!!!!!!!
هند: هذا والله الرايق..دق عليه اخلص قلبي ماكلني..
فايز:وإذا مادقيت عليه وش بتسوين؟؟؟؟بتروحين تروعين ابوي صح؟؟؟؟؟؟!!!!!!!!!!!!!!
هند وهي واصله حدها:أيــــــــــــــــــــه!!!!!
فايز يبتسم :اني والله داري..ياام لسان..ومسك جواله من فوق الطاوله عشان يدق على محمد..
فايز:مايرد..يمكن انه مشغول..ولا جواله في السياره..دقي عليه بعد شوي..ورجع ينسدح:الله يلقفس النوم وطار مني ذالحين قولي لي وش اسوي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هند:اصقع راسك في الجدار ذا..وإذا ماعجبك اصقعه في الثاني وطلعت..!!!!!!!
محمد فهمني وش قالك الدكتور..طلبتك فهمني..مـ..محمد امي فيها شيء؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟
محمد مازال في نفس الوقفه ومنزل راسه للأرض..وكانت واضحه في وجهه ملامح الحزن..مسكته مزنه وقامت تهزه..وتبكي بشكل هستيري وتقول:محمد امي وينها؟؟؟امي وش صارفيها..؟؟؟؟!!وماعادت تحس بأطرافها لما اسمعت محمد يقول:عمتي تطلبس الحل!!!شدي حيلس..!!!!!!!!!!!!!!!!!!!!!!!!!!!!!!!!!!!!!!!!في هاللحظه وقفت كل الساعات...لما صرخت مزنه ذيك الصرخه اللي كان واضح جداً انها مكبوته..لأنها طاحت عقبها من كثر الألم!!!!!!!!!!!!!!!!!!!!!!!!!!!!
زيد: هاه النوري ماتحسين انس احسن الحين بعد العمره؟؟؟
نوره:بصراحه اول مادخلت الحرم حسيت براحه وإنشراح بس بيني وبينك رجعت لي الضيقه من بعد ماعديت ساحة الحرم..الله يستر ويكفينا الشر...
زيد:آميـن..وماشر ان شاء الله انتي بس تعوذي من ابليس..الا تعالي ماتبين ورق عنب ؟؟؟؟؟؟؟؟خابرس تحبينه!!!!!!!!!!!!!!!!!!!!!!!!
هند بصوت كله بكاء:محمد مادقيت على زيد يجي..؟؟؟؟؟؟؟؟؟؟
محمد:لاوالله مادقيت..انشغلت والله ونسيت نوره..بعدين لو دقيت عليه اعلمه ولا اقول له ارجعوا؟؟؟؟؟؟؟؟؟؟؟!!!!!!!!!!!!!!!!!!!!!!!!!!
هند: اكيد لازم تعلمه..اجل تجيبه على وجهه..مايدري وش السالفه..المشكله مهب في زيد المشكله ذا الحين في نوره كيف بيعلمها..
محمد:زين خليس عند مزنه وانا بروح اشوف سعد حالته النفسيه زفت وقاعد يخلص الإجراءات لحاله..بروح له ولا خلصنا بنرجع لكم..
هند:الله يحفظك ويصبر قلوبهم وقلوبنا....
لاحول ولاقوة الا بالله..ياربي انا كيف اقولها الحين..الله يرحمس ياام سعد..والله يعينس يانوره على هالمصيبه..ويعيني انا عاللي ممكن يصير..وفاة الأم غير عن أي شخص في العالم..الله يحفظ امي ويخليها لي!!!؟؟؟......
نوره خلاص يكفي بكاء الله يهديس بس..الحين عمتي صار لها شهر ونص من يوم توفت..وانتي باقي تبكين..ادعيلها يابنت الحلال ان الله يرحمها..
نوره:يازيد انت لو تدري امي وش بالنسبه لي ؟؟؟؟؟!!!المشكله انك ماتدري هي ويش تعني لي...وعشان كذا انت ماتحس فيــ...!!!!!!!وسكتت لما درت انها طبت في مطب وخصوصاً لما شافت عيون زيد طلعت..
زيد لحظتها عصب من الكلام اللي قالته نوره لكنه مسك نفسه لما شاف تعابير وجهها يوم درت انها غلطت فحب بطريقته يطلعها من الجو الكئيب اللي عايشه فيه بعد وفاة امها مع انه عارف انه بيضغط عليها بطريقته بس هذي هي الطريقه الوحيده اللي ممكن يستعيد نوره فيها..وقال:مشكوووره وجزاس الله كل خير..الحين لي اربع شهور ماخذس وإلى الآن مااحس فيس!!!!اصلاً انا مااعجبس..ولا انتي تحبيني!!!!لو انس تحبيني ماكان ذا ردس لي يالذربه..ياللي تعرفين تحبين..عن اذنس!!!!!....وطلع وخلاها فاتحه فمها فيه وتبحلق في الفراغ...!!!!!!!!!!!!!!!!!!!!!!!!!!!!!!!!!!!!!!!!! !!!!!!!!
سعد: هاه مزنه وش رايس..؟؟؟بتقعدين عند نوره..انا بصراحه مهب فاكيني الا بعد اسبوع ومشوار الطريق بين الرياض ومكه مهب قريب..ومآمن عليس اخليس في البيت الحالس...!!!!
مزنه:بس ياسعد ماتقدر تبادل غيرك؟؟؟انا مااقدر اروح بيت عمي..عيالهم كلهم موجودين..وانا بصراحه ماابي احرجهم..او احرج نفسي....
سعد: اسمعيني زين يامزنه..انا جايتني ترقيه من الشغل ومهب معطيني إياها الا بعد مااحضر هالدوره..يرضيس اقعد مااترقى؟؟؟؟؟!!!!وبعدين كلمت نوره وحاولت معها تجي هي ورجلها هنا بس زيد عيا..ويقول مافيها شيء لو جات وجلست مع هند..ولو تبي انزل انا مع محمد وهي تقعد مع اختها..وش قلتي؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!
مزنه:لا وش هالكلام الله يهديك..تدري اللي يريحك ياخوي..تبيني اروح رحت..تبيني اقعد بعد قعدت..
سعد: مزون ياخوس انا بدق اتطمن عليس كل يوم وصدقيني مهب مطول بس اسبوع..بعدين لاتنامين عند نوره تضيقين عليها..نامي مع هند..!!!!
مزنه:انت وش عندك كل شوي هند ..هند..اول مره تعرف اسمها وسكتت لما شافت نظرة الإستغراب في عين اخوها وكملت الا مت بتمشي..وليه ماتروح طياره؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
سعد: بمشي بكره العصر..وبيني وبينس ابي السياره عشان اقضي مشاويري..المهم بكره جهزي اغراضس بنروح نتغدا عندهم..يالله تصبحين على خير.....
هو صادق يانوره كم لس يوم مطنشته..لامهتمه فيه ولافي مشاعره..ولا حتى في تنظيف غرفتس شوفي شكلها كيف رايحه فيها..نوره لاتسمحين له يرجع يفكر بمنيره..تراها مابعد اعرست..والله لايرجع لها ..ان تفقدين الأمل بالمره في انه يرجع لس..يالله ياغبيه قومي راضيه وتعهدي له..ترجعين مثل ماكنتي..:زيد والله ماكان قصدي..تعرف زعلانه وطلعت مني عفويه..
زيد ناظر فيها نظره إستطلاعيه:لاقصدس يانوره انتي ماتشوفين حالتس ..متى آخر مره اهتميتي في نفسس..متى آخر مره قلتي لي فيها يازيد انت رجلي وحبيبي..نوره صحصحي معي انتبهي لنفسس انا رجلس مهب جدار؟؟!!!!!!!!!!!!!!!!!!!!!!!!!!!!!!!!!!!!!!!!!!!! !!!!!
مع فائق احترامي
نــــــــونـــا