اقتباس المشاركة الأصلية كتبت بواسطة الــســنــاح يا هاجسي راعيك مونس له أوجـاع=قلبه دعـاه مـن المواليـف داعـي إضرب محيط الشعر وإفرد لك إشراع=وفض الزعل من بينهـم والنزاعـي خلـي جفانـي والمعاليـق تِـبـاع=أرسلت له ما فاد سعـي المساعـي قِله ترى صدري له اليـوم مربـاع=واعشاب صدري ما لها اليوم راعي وقله يعود ومسكنه بيـن الاضـلاع=بيته بقلبـي يحتريـه إبـوساعـي وقله تـرى خلـه يجلـه ولا طـاع=شذابـة المقفيـن قـوم الصراعـي وقله بعد فرقـاك لـي قلـب ملتـاع=ودمي توقـف والعـروق الجياعـي وقله ترى خله يبـي منـه مرجـاع=ترى الزمن غابة وحوش وسباعـي أقبل على صدره ولا تصيـر طمـاع=وإشرح له أسباب الجفى والدواعـي تراه معك إيميـل ضـده وفزعـاع=ويشوش لجلك ضد نفسـه طواعـي ويرد لك حقك على الكيـل بالصـاع=منك وعليك إخاف طـق الصباعـي وإن كان عنّد في طريقـه ولا طـاع=ترى الصبر قوتي وجملـة متاعـي ما فيه مخلوقٍ تحـت ربـه وضـاع=عقبه ترى ما خاف لحظـة وداعـي صح الساانك ولا هنت الــســنــاح ... وااافيه من راااس وااافي .. لا عدمتك .. تقبل تحيّتي وتواضع مروري . دمت بحفظ الله ‘‘