اسئليني كان ودك تفهمين
واستلهمي من فكرك الحر الخجول
اذكري ليل الدفاء والياسمين
وزفي احضانك على مرى الذهول
اي لحن الحب ودك تعزفين
هذا (سي) وهذا (مي ) وهذا صول
اجمعيني واكتبيني وامسحين
اسئليني يامدى حبي واقول
ايه ياذيك المشاعر وايش تبين
يوم كنا ننعش انفاس الفصول
يوم ذاب الحب في فم الحنين
وانتهى فينا على حال الذبول
وانتظرتك في مساءالواقع تجين
لين شردت القوافي والحلول
وانتهى نصفي ونصفي بك حزين
والسنين المظلمة ماهيب حول
بسألك ياحب مقطوع اليدين
لي متى والقلب يعشق مايطول
يامدى هالبعد له حينٍ وحين
ولأجل محطوط في مجرى السيول
إن لقيتي فرحتك لا تنطرين
عيشي الحظه قبل عمرك يزول
وشيلي من كامل شعوري واطربين
بك يصير الحن حرٍ من خجول
من عرفتك قاسي افكاري يلين
لا عجب في معمعت قلبي تجول