جريــــــش الكــــــــــيري
نغسل كاستين جريش و نخليها تنقع ساعتين
في قدر نذوب كميه من الزبده و نحط عليها 3 حبات بصل كبيره مقطعه صغار و نخليها لحد ماتذبل
نضيف عليهم دجاج مقطع صغار
نضيف البهارات ( كمون + كزبره بودره + مكعب ماجي ) و نحركهم
نضيف عليهم 7 حبات جبن كيري و نحركهم
نضيف الجريش و نحركهم
نصب عليهم مويه مغليه + كاستين حليب و نحركهم ... نتركه الين يغلي ثم نخليه على نار هااااديه
نحركه من فتره للثانيه .. و نضيف له مويه لو حسينا انه يحتاج
بعد مرور ساعه و نص على طبخه ... نحط معاه اصبع زبده و نعدل الملح و نضيف عصير ليمونه و نص
تقريبا اخذ معي ساعتين و نص تقريبا في الطبخ ...
خلطة الوجه : استخدمت 4 بصلات قطعتهم صغار .. و حطيتهم في ملعقتين سمنه و خليتهم على نار هااااديه جدا و اضفت
عليه ملح و فلفل اسود و ليمون اسود وشوي كركم
//////////
فـــراوله مع خل البلســــــــمك
نص كيلو فراوله نغسلها و نقطعها
نشيف عليها ملعقة اكل سكر + ملعقة اكل خل بلسميك و نقلبهم كلهم سوا
نخليهم بالثلاجه او برى ... مدة ساعه تقريبا حتى كلهم يمتزجون .. اخيرا نقدمها
ممكن تتقدم لحالها ... او نرش عليها سكر بودره ... او مع آيسكريم او زبادي او جبنه او كيك خاصة الشكولاته
//////////
حلى الماسكربوني
نخلط 500 جرام مساكربوني + ربع كاس سكر + نص كاس كريمة خفق
في صحن نرص شرايح سويسرول شوكولاته و نصب عليها شوي حليب
نضع عليها خليط الماسكروبوني ... و نبشر عليها شوكولاته ( مثل جالكسي )
//////////
كـــــــرات البسكــــــــــــوت
كاس بسكوت دايجستيف مطحون + كاس حليب بودره محموس على النار + علبة قشطه + شوي فانيلا
نعجنعم و نكورهم و نرصهم في صحن التقديم
نخلط 4 حبات جبن كيري + نص علبة نستله و نصبهم على كرات البسكوت
اخيرا ... نزينها بالهيرشي
اتمنى تعجبكم الأطباق :)