الضيق مايبقى بحنايـا المطاليـق
والزلة اللي زلهـا القرم تدمـح
اسوقها سوق العهـود المواثيـق
على رجالٍ ساعـة الجـد تسمـح
والعون ياللي له مابيـن المعاليـق
(رمح الأخوه) لاتضايقـت يرمـح
عز الله اني كل ماشوفـك تضيـق
ودي تناظر فـي عيونـي وتلمـح
ياللي لك بلادٍ..كذا..عن بلـد فيـق
ماسمح تطوّل ضيقتك مني ماسمح
ياشوق زينـات البنـيّ الغرانيـق
اتنومس بطاريك ولرضاتك اطمـح
قال المثل: كنز المعرفه صناديـق
والخيل صفوى وصفوة الخيل تجمح
فالمعذره لاشلت حملك ولا اطيـق
حيثك كريم وفايـت العلـم يقمـح